រាជធានីភ្នំពេញ ៖ នារីម្នាក់ជាកម្មកររោងចក្រ ត្រូវបានគ្រូពេទ្យរកឃើញវិជ្ជមានកូវីដ-១៩ បន្ទាប់ពីសង្ស័យហើយធ្វើតេស្តកន្លងមក រួចបានចុះនាំយកនាងទៅសម្រាកព្យាបាល កាលពីវេលាម៉ោង៤និង៣០នាទីរសៀល ថ្ងៃទី១៨ ខែមេសា ឆ្នាំ២០២១…
រាជធានីភ្នំពេញ ៖ នារីម្នាក់ជាកម្មកររោងចក្រ ត្រូវបានគ្រូពេទ្យរកឃើញវិជ្ជមានកូវីដ-១៩ បន្ទាប់ពីសង្ស័យហើយធ្វើតេស្តកន្លងមក រួចបានចុះនាំយកនាងទៅសម្រាកព្យាបាល កាលពីវេលាម៉ោង៤និង៣០នាទីរសៀល ថ្ងៃទី១៨ ខែមេសា ឆ្នាំ២០២១ នៅក្នុងភូមិព្រៃកី សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ។
តាមអាជ្ញាធរបានឲ្យដឹងថា នារីវិជ្ជមានកូវីដ១៩មួយរូបខាងលើ មានអាយុ២៣ឆ្នាំ មុខរបរកម្មការនីរោងចក្រ នៅភូមិដំណាក់ធំ២ សង្កាត់ស្ទឹងមានជ័យ៣ ខណ្ឌមានជ័យ មានទីលំនៅក្នុងភូមិព្រៃកី សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ រួមជាមួយសមាជិកគ្រួសារសរុប១០នាក់ ។
នារីខាងលើត្រូវបានរកឃើញករណីវិជ្ជមានកូវីដ១៩ ក្រោយពីផ្ទុះជម្ងឺឆ្លងនៅរោងចក្រ រួចត្រូវបានក្រុមគ្រូពេទ្យយកសំណាករួចតម្រូវឲ្យធ្វើចត្តាឡីស័ក នៅផ្ទះផ្ទាល់ខ្លួន រហូតដល់រសៀលថ្ងៃទី១៨ ខែមេសា នេះ លទ្ធផលតេស្តចេញមកគឺវិជ្ជមាន ហើយត្រូវបានក្រុមគ្រូពេទ្យចុះទៅនាំយកទៅសម្រាកព្យាបាលនៅវិទ្យាល័យជម្ពូវ័ន ។ ដោយឡែកសមាជិកក្នុងគ្រួសាររួមមាន ម្តាយ និងបងប្អូន សរុបចំនួន៩នាក់ទៀត ត្រូវបានគ្រូពេទ្យយកសំណាក រួចតម្រូវឲ្យធ្វើចត្តាឡីស័កនៅផ្ទះ ក្រោមការណែនាំពីគ្រូពេទ្យ អាជ្ញាធរ មិនអនុញ្ញាតិឲ្យចាកចេញទៅណា ដើម្បីតាមដានសុខភាពជាំបន្តទៀត ។
អាជ្ញាធរបន្តទៀតថា ពលរដ្ឋគ្រប់រូប គប្បីមិនមានកិច្ចការអ្វីចាំបាច់ មិនត្រូវចេញពីផ្ទះឡើយ ត្រូវចូលរួមគ្នាអនុវត្តទៅតាមសេចក្តីប្រកាសរបស់រាជរដ្ឋាភិបាល ស្តាប់តាមការណែនាំរបស់ក្រសួងសុខាភិបាល រួមគ្នាទប់ស្កាត់ជម្ងឺឆ្លងដ៏កាចសាហាវមួយនេះ ៕
ចែករំលែកព័តមាននេះ