រាជធានីភ្នំពេញ ៖ ក្រសួងសុខាភិបាលនៅថ្ងៃទី ១៩ ខែមេសា ឆ្នាំ ២០២១ ពិតជាខ្ពស់ខ្លាំងមិនធ្លាប់មាននៅកម្ពុជា គឺមានករណីវិជ្ជមានវីរុសកូវីដ-១៩ ថ្មីចំនួន ៦២៤ នាក់ ក្នុងនោះរាជធានីភ្នំពេញ រកឃើញឆ្លងវីរុសដ៍កាចសាហាវមួយនេះ ច្រើនជាងគេបង្អស់ ដល់ទៅចំនួន ៤៦៥ នាក់ ខណៈជាសះស្បើយ៤៨ នាក់ ។
យោងតាមរបាយការណ៍របស់ក្រសួងសុខាភិបាល បានឱ្យដឹងថារកឃើញ កូវីដ-១៩ ថ្មីចំនួន ៦២៤ នាក់ ក្នុងភូមិសាស្ត្ររាជធានីភ្នំពេញ ចំនួន ៤៦៥ , ខេត្តព្រះសីហនុ ១៤៤, ខេត្តតាកែវ ១០, ខេត្ត ស្វាយរៀង ៣, ខេត្ត ពោធិ៍សាត់១, និង ខេត្ត កំពង់ចាម ១ នាក់ ។ ដូច្នេះឆ្លងក្នុង សហគមន៍សរុបកេីនដល់ ៦៤៧០នាក់ នៃអ្នកឆ្លងសរុបចំនួន ៧០១៣នាក់ ។ ក្នុងនោះ អ្នកសម្រាកព្យាបាល មាន ចំនួន ៤៤៣៩នាក់, អ្នកជាសះស្បើយសរុប ២៥២៤នាក់ និងករណីស្លា.ប់ ដោយកូវីដ-១៩ មាន ៤៥នាក់ ។
ជំងឺកូវីដ-១៩ នៅតែបន្តគម្រាមកំហែងយេីងជាប់ជានិច្ច សូមបងប្អូនបន្តប្រយ័ត្នជាប់ជានិច្ច ដោយអនុវត្តអនាម័យ នៅឃ្លាតឆ្ងាយពីគ្នា មិនចេញក្រៅផ្ទះបេីមិនចាំបាច់ ព្រោះប្រទេសយេីងកំពុងរាត្បាតក្នុងសហគមន៍ហើយ និងប្រទេសជិតខាងយើង និងពិភពលោកកំពុងបន្តរាតត្បាតជំងឺកូវីដ១៩ ដ៏ខ្លាំងក្លានៅឡេីយដែរ ៕
ចែករំលែកព័តមាននេះ