រាជធានីភ្នំពេញ ៖ នារសៀលថ្ងៃអាទិត្យនេះ លោក ឃួង ស្រេង ប្រធាន គណៈបញ្ជាការឯកភាពរាជធានីភ្នំពេញ បានដឹកនាំកងកម្លាំងចុះល្បាតក្នុងភូមិសាស្ត្រខណ្ឌមានជ័យ ខណ្ឌពោធិ៍សែនជ័យ និងខណ្ឌសែនសុខ រាជធានីភ្នំពេញ។ លោក ឃួង ស្រេង បានបញ្ជាក់ថា រដ្ឋបាលរាជធានីភ្នំពេញសូមធ្វើការជូនដំណឹងជាចុងក្រោយ សូមបងប្អូនដែលពុំមានភារកិច្ចចាំបាច់កុំចេញក្រៅផ្ទះ ដើម្បីការពារខ្លួនយើង គ្រួសារយើង និងបងប្អូនប្រជាជាតិយើង និងត្រូវអនុវត្តតាមសេចក្ដីសម្រេចរបស់រាជរដ្ឋាភិបាលកម្ពុជា លេខ៥០សសរ ចុះថ្ងៃទី១៧ ខែមេសា ឆ្នាំ២០២១ ស្ដីពីការកែសម្រួលវិធានការដែលត្រូវអនុវត្តអំឡុងពេលបិទខ្ទប់ភូមិសាស្ត្ររាជធានីភ្នំពេញ និងក្រុងតាខ្មៅ នៃខេត្តកណ្ដាល ជាបណ្តោះអាសន្នសម្រាប់១៤ថ្ងៃ បើបងប្អូនប្រជាពលរដ្ឋណាមិនចូលរួមអនុវត្តន៍ នោះរដ្ឋបាលរាជធានីភ្នំពេញនិងអនុវត្តទៅតាមផ្លូវច្បាប់៕ ដោយ ៖ ចន ណារិទ្ធ
ចែករំលែកព័តមាននេះ