ភ្នំពេញ៖ រដ្ឋបាលរាជធានីភ្នំពេញ នៅល្ងាចថ្ងៃទី១៨ ខែមេសានេះ បានបង្ហាញអត្តសញ្ញាណអ្នកឆ្លងជំងឺកូវីដ១៩ ចំនួន ៤៩៣នាក់ ដែលបានរកឃើញឆ្លងកូវីដ១៩ កាលពីថ្ងៃទី១៧ ខែមេសា…
ភ្នំពេញ៖ រដ្ឋបាលរាជធានីភ្នំពេញ នៅល្ងាចថ្ងៃទី១៨ ខែមេសានេះ បានបង្ហាញអត្តសញ្ញាណអ្នកឆ្លងជំងឺកូវីដ១៩ ចំនួន ៤៩៣នាក់ ដែលបានរកឃើញឆ្លងកូវីដ១៩ កាលពីថ្ងៃទី១៧ ខែមេសា ឆ្នាំ២០២១។ ក្នុងចំណោមអ្នកឆ្លងកូវីដ១៩ ទាំង ៤៩៣នាក់ នៅភ្នំពេញ កាលពីថ្ងៃទី១៧មេសា ច្រើនជាងគេ ជាកម្មកររោងចក្រកាត់ដេរ Fortuna នៅត្រពាំងថ្លឹង សង្កាត់ចោមចៅ១ ខណ្ឌពោធិ៍សែនជ័យ មានរហូតដល់ ២១៧នាក់ និងអាជីវករ-សន្តិសុខផ្សារដើមគ ១០២នាក់ ( អាជីវករ ៩៦នាក់ និងសន្តិសុខ ៦នាក់ )។
ក្រៅពីនោះ ក៏មានអាជីវករផ្សារជាច្រើនទៀត ឆ្លងកូវីដ១៩ កាលពីថ្ងៃទី១៧ ខែមេសា រួមមាន៖ ផ្សារស្ទឹងមានជ័យចាស់ ៣នាក់ ផ្សារបឹងត្របែក ២នាក់ ផ្សារអូឡាំពិក ម្នាក់ ផ្សារអូរឫស្សី ម្នាក់ ផ្សារកណ្តាល ម្នាក់ ផ្សារកណ្តាល ម្នាក់ ផ្សារត្រពាំងថ្លឹងម្នាក់ និងអាជីវករផ្សារទួលសង្កែម្នាក់៕
ចែករំលែកព័តមាននេះ