រាជធានីភ្នំពេញ ៖ ដោយសង្កេតឃើញថា ស្ថានភាពនៃការឆ្លងនិងរីករាលវីរុសកូវីដ-១៩ នៅប្រទេសកម្ពុជា ពិសេសរាជធានីភ្នំពេញ ពុំមានសញ្ញាថមថយនៅឡើយនោះ ថ្នាក់ដឹកនាំក្រសួងទេសចរណ៍បានប្រកាសថា បន្តបិទរមណីយដ្ឋានទេសចរណ៍នៅទូទាំងប្រទេសបណ្តោះអាសន្នរយៈពេល ៨…
រាជធានីភ្នំពេញ ៖ ដោយសង្កេតឃើញថា ស្ថានភាពនៃការឆ្លងនិងរីករាលវីរុសកូវីដ-១៩ នៅប្រទេសកម្ពុជា ពិសេសរាជធានីភ្នំពេញ ពុំមានសញ្ញាថមថយនៅឡើយនោះ ថ្នាក់ដឹកនាំក្រសួងទេសចរណ៍បានប្រកាសថា បន្តបិទរមណីយដ្ឋានទេសចរណ៍នៅទូទាំងប្រទេសបណ្តោះអាសន្នរយៈពេល ៨ ថ្ងៃបន្តទៀតរហូតដល់ថ្ងៃទី ២៨ ខែមេសា ឆ្នាំ២០២១។ នេះបើយោងតាមការប្រកាសរបស់ក្រសួងទេសចរណ៍ ចុះថ្ងៃទី ១៨ ខែ មេសា ឆ្នាំ ២០២១ ។
ឯកឧត្តម ថោង ខុន រដ្ឋមន្ត្រីនៃក្រសួងទេសចរណ៍ បានបញ្ជាក់ថា នេះថា ដើម្បីទប់ស្កាត់ការឆ្លងរាលដាល នៃជំងឺកូវីដ១៩ ក្រសួងចាំបាច់គឺត្រូវបិទរមណីយដ្ឋានទេសចរណ៍នៅទូទាំងប្រទេសបណ្តោះអាសន្នរហូតដល់ថ្ងៃទី ២៨ ខែមេសា ។ រដ្ឋមន្ត្រីនៃក្រសួងទេសចរណ៍ បានបន្តថា មន្ទីរទេសចរណ៍រាជធានី ខេត្ត ត្រូវបន្តចាត់តាំងក្រុមការងារតាមដានត្រួតពិនិត្យកិច្ចការនេះឱ្យបានម៉ត់ចត់បំផុត ដោយមិនត្រូវអនុញ្ញាតឱ្យមានសកម្មភាពទេសចរណ៍ណាមួយ នៅតាមរមណីយដ្ឋានទេសចរណ៍ គោលដៅទេសចរណ៍ សហគមន៍ទេសចរណ៍ និងកន្លែងដែលមានសក្តានុពលទេសចរណ៍ដែលមាននៅក្នុងមូលដ្ឋានរបស់ខ្លួនក្នុងរយៈពេលនៃការបិទជាបណ្តោះអាសន្ននេះ ដោយគ្មានការលើកលែងជាដាច់ខាត៕
ចែករំលែកព័តមាននេះ