ខេត្តឧត្តរមានជ័យ ៖ គោយន្តកន្ត្រៃមួយគ្រឿងដឹកឈើប្រភេទលេខពីរ ត្រូវបានកម្លាំងកងរាជអាវុធហត្ថស្រុកអន្លង់វែងស្ទាក់ចាប់បាន កាលពីវេលាម៉ោង២រសៀលថ្ងៃទី១៧ មេសា ២០២១ ស្ថិតនៅចំណុចដងផ្លូវយុទ្ធសាស្ត្រព្រំដែនកម្ពុជា ថៃ ក្នុងភូមិ ឃុំត្រពាំងប្រីយ៍ ស្រុកអន្លង់វែង ខេត្តឧត្តរមានជ័យ។
ប្រជាពលរដ្ឋដែលរស់នៅតាមដងផ្លូវយុទ្ធសាស្ត្របានឱ្យដឹងថា កន្លងមក ពួកគាត់តែងតែឃើញក្រុមឈ្មួញរកស៊ីដឹកឈើប្រភេទលេខ២នេះ តាមរថយន្តតែសព្វថ្ងៃបានផ្លាស់ប្តូរមកដឹកតាមគោយន្តកន្ត្រៃវិញ ធ្វើជាលក្ខណះរូបភាពតូចៗ ហើយដឹកជញ្ជូនជារៀងរាល់យប់មិនក្រោមពី៥ ទៅ៦គោយន្ត ចេញពីស្រុកត្រពាំងប្រាសាទ ឆ្លងកាត់ស្រុកអន្លង់វែងឆ្ពោះទៅខេត្តសៀមរាប គេបាន
សង្ស័យថា អាចត្រូវរ៉ូវគ្នាជាមួយមន្ត្រីជំនាញក៏អាចថាបានដែរ។
លោកហ៉ើន សំបោន ទទួលផ្នែកព្រហ្មទ័ណ្ឌអាវុធហត្តស្រុកអន្លង់វែងបានឱ្យដឹងថា យោងតាមបទបញ្ជាពីលោកងួន ទ្ធីរិទ្ធមេបញ្ជាការអាវុធហត្ថស្រុក លោកបានដឹកនាំកំលាំងចុះធ្វើការបង្ក្រាបគោយន្តកន្ត្រៃមួយគ្រឿងដឹកឈើតែម្ចាស់ឈើរត់បាត់ស្រមោល ដោយបន្សល់ទុកគោយន្តកន្ត្រៃ និងឈើប្រមាណជាង៣ម៉ែត្រគូបយកមកទីបញ្ចាការអាវុធនិងធ្វើកំណត់ហេតុប្រគល់
ទៅឱ្យមន្ត្រីជំនាញរដ្ឋបាលព្រៃឈើស្រុកអន្លង់វែងចាត់ការណ៍ទៅតាមនិតិវិធី ។ ដោយ៖ ឱម សារឿន
ចែករំលែកព័តមាននេះ