អតីតមន្ត្រីបក្សប្រឆាំង៧រូប ទទួលបានសម្បទានសិទ្ធនយោបាយ
- ភ្នំពេញ
រាជធានីភ្នំពេញ ៖ ព្រះកុរណា ព្រះបាទ សម្តេចព្រះបរមនាថនរោត្តមសីហមុនី ព្រះមហាក្សត្រកម្ពុជា នៅថ្ងៃទី១៧ ខែមេសា ឆ្នាំ២០២១នេះ បានចេញព្រះរាជក្រឹត្យ…
រាជធានីភ្នំពេញ ៖ ព្រះកុរណា ព្រះបាទ សម្តេចព្រះបរមនាថនរោត្តមសីហមុនី ព្រះមហាក្សត្រកម្ពុជា នៅថ្ងៃទី១៧ ខែមេសា ឆ្នាំ២០២១នេះ បានចេញព្រះរាជក្រឹត្យ ផ្តល់នីតិសម្បទានយោបាយឱ្យអតីតមន្ត្រីគណបក្សសង្គ្រោះជាតិ៧នាក់ ។
យោងតាមការចេញផ្សាយរបស់សារព័ត៌មានមួយបានផ្សាយថា ព្រះមហាក្សត្របានផ្តល់សិទ្ធិសម្បទានសិទ្ធិនយោបាយដល់លោក យ៉ែម បុញ្ញឫទ្ធិ អតីតតំណាងរាស្ត្រ គណបក្សសង្គ្រោះជាតិ រួមទាំងថ្នាក់ដឹកនាំអតីតគណបក្សនេះ ចំនួន៦រូបផ្សេងទៀត ។
អតីតថ្នាក់ដឹកនាំ នៃអតីត CNRP ដែលទទួលបាននីតិសម្បទាធ្វើនយោបាយឡើងវិញនេះ រួមមាន លោក យ៉ែម បុញ្ញឫទ្ធិ, លោក មុត ចន្ថា នាយកខុទ្ទកាល័យលោក កឹម សុខា, លោក ជុំ ច័ន្ទដារិន, លោក ទួត យឿត, លោក ឡាត់ លិតេយ្យ, លោក ឡុង គឹមឃន និង លោកស្រី យង់ ផាន់ណេត។
ព្រះរាជក្រឹត្យផ្តល់នីតិសម្បទាធ្វើនយោបាយនេះ បានធ្វើឡើងបន្ទាប់ពីមានការក្រាបបង្គមទូលថ្វាយពី សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បន្ទាប់ពីមានការស្នើសុំដោយអតីតថ្នាក់ដឹកនាំ នៃអតីត CNRP ទាំងនោះទៅកាន់ក្រសួងមហាផ្ទៃ ។
សូមជម្រាបថា អតីតមន្ត្រីជាន់ខ្ពស់នឹងមន្ត្រីជាច្រើនត្រូវបានព្រះមហាក្សត្រសម្រេចផ្តល់សម្បទានសិទ្ធិនយោបាយ ។ អ្នកដែលទទួលសិទ្ធិធ្វើនយោបាយខ្លះបានទៅចូលរួមបង្កើតគណបក្សនយោបាយផងដែរ ៕
ចែករំលែកព័តមាននេះ