គ្រោះថ្នាក់លាក់មុខ ដែលបង្កពីជំងឺរលាកថ្លើម ដោយមេរោគប្រភេទ«សេ»!
- ភ្នំពេញ
រាជធានីភ្នំពេញ ៖ គ្រោះថ្នាក់លាក់មុខ ដែលបង្កពីជំងឺរលាកថ្លើម ដោយមេរោគប្រភេទ «សេ» ត្រូវបានលោកវេជ្ជបណ្ឌិត ឈាង ស៊ីដេត ឯកទេស…
រាជធានីភ្នំពេញ ៖ គ្រោះថ្នាក់លាក់មុខ ដែលបង្កពីជំងឺរលាកថ្លើម ដោយមេរោគប្រភេទ «សេ» ត្រូវបានលោកវេជ្ជបណ្ឌិត ឈាង ស៊ីដេត ឯកទេស…
រាជធានីភ្នំពេញ ៖ គ្រោះថ្នាក់លាក់មុខ ដែលបង្កពីជំងឺរលាកថ្លើម ដោយមេរោគប្រភេទ «សេ» ត្រូវបានលោកវេជ្ជបណ្ឌិត ឈាង ស៊ីដេត ឯកទេស ថ្លើម ក្រពះ ពោះវៀននៃមន្ទីរពេទ្យកាល់ម៉ែតបកស្រាយឲ្យដឹងថា ៖ ជំងឺរលាកថ្លើមដោយមេរោគប្រភេទ សេ (Hépatite C) គឺជាជំងឺមួយដែលយើងទាំងអស់គ្នាតែងតែបានដឹង និងបានជួបប្រទះជាញឹកញាប់ ហើយនៅពេលខ្លះជំងឺមួយនេះក៏អាចបណ្តាលឲ្យមានផលប៉ះពាល់ជាច្រើនដល់សុខភាព និងអាយុជីវិតផងដែរ។
រោគសញ្ញា ដែលកើតអាចមាននៅលើអ្នកជំងឺគឺអាស្រ័យទៅលើកម្រិតនៃការរលាក និងសភាពរបស់សាច់ថ្លើមរបស់អ្នកជំងឺផងដែរ (សាច់ថ្លើមនៅទន់ធម្មតាគ្រាន់តែមានការរលាក, សាច់ថ្លើមរឹង និងថ្លើមក្រិន)។
នៅខាងក្រោមនេះ គឺជាសញ្ញាមួយចំនួន ដើម្បីអាចអោយយើងបានគិតទៅដល់ជំងឺរលាកថ្លើម ៖
គួរកត់សំគាល់ផងដែរថា ជាង ៨០% នៃអ្នកជំងឺរលាកថ្លើម គឺមិនមានរោគសញ្ញាអ្វីច្បាស់លាស់នោះឡើយ ដូច្នេះមានតែការពិនិត្យឈាម ដើម្បីរកវត្តមានរបស់អង្គបដិប្រាណវីរុសសេ Anticorp HCV និងរាប់មេរោគ (PCR HCV) ទេ ដែលអាចកំណត់រោគវិនិច្ឆ័យនៃជំងឺប្រភេទនេះបាន ។
ការចម្លងរបស់មេរោគថ្លើមប្រភេទ សេ នេះ គឺវាអាចឆ្លងបានតាមរយៈ ការប៉ះពាល់ជាមួយនឹងឈាម, ទឹករងៃ, ការមុតដាច់ស្បែក, ការរួមភេទដោយមិនមានប្រើប្រាស់ស្រោមអនាម័យ, ការប្រើប្រាស់វត្ថុមុតស្រួចចាក់ឆ្លងកាត់ស្បែក…។
លោកវេជ្ជបណ្ឌិត ឈាង ស៊ីដេត បានបញ្ជាក់ថា ៖ វិធានការក្នុងការបង្ការជំងឺនេះ គឺជៀសវាងរាល់ការបះពាល់ឈាម និងទឹករងៃរបស់អ្នកជំងឺ, រួមភេទដោយប្រើប្រាស់ស្រោមអនាម័យអោយបានត្រឹមត្រូវ, ជៀសវាងការប្រើវត្ថុមុតស្រួចរួមគ្នា។
គួរសំគាល់ផងដែរថា យើងមិនមានវ៉ាក់សាំងសម្រាប់ចាក់ការពារមេរោគប្រភេទនេះនៅឡើយទេ។ ការពិនិត្យសុខភាព និងការធ្វើរោគវិនិច្ឆ័យទាន់ពេលវេលានៅដំណាក់កាលដំបូងជាមួយគ្រូពេទ្យជំនាញនៃមន្ទីរពេទ្យកាល់ម៉ែត (ថ្លើមមិនទាន់ក្រិន ឬ មិនមានដុំមហារីក) របស់ជំងឺរលាកថ្លើមប្រភេទ សេ នេះគឺអាចអនុញ្ញាតឲ្យគ្រូពេទ្យធ្វើការព្យាបាលបានជាសះស្បើយទាន់ពេលវេលា និងដើម្បីជៀសវាងរាល់ផលវិបាករបស់ជំងឺនេះផងដែរ (ការរលាករ៉ាំរៃ, ក្រិនថ្លើម, ដុំមហារីកថ្លើម, ទាចទឹកជាដើម ៕
ចែករំលែកព័តមាននេះ