រាជធានីភ្នំពេញ ៖ ក្នុងពេលពិធីចូលឆ្នាំថ្មីប្រពៃណីជាតិឆ្នាំ២០២១ បានឈានមកដល់នាពេលនេះ គេសង្កេតឃើញមានតារាស្រីល្បីៗមួយចំនួនបានបង្ហាញនូវឈុតតំណាងទេវតា ដែលមើលទៅពិតជាមានភាពស្រស់ស្អាត និងទាក់ទាញយ៉ាងខ្លាំងពីមហាជន។
ត្បិតពួកគេទាំងអស់នោះមិនស្ថិតនៅក្នុងតួសម្តែងដែលត្រូវរៀបចំថតទេវតាឆ្នាំថ្មីសម្រាប់ស្ថានីយទូរទស្សន៍ជាតិកម្ពុជាក៏ដោយ ប៉ុន្តែតារាទាំងអស់នោះត្រូវបានម្ចាស់សំអាងការនានាហៅថតសម្រាប់ផ្សព្វផ្សាយជាលក្ខណៈតួអង្គទេវាតាឆ្នាំថ្មី។
មិនខុសពីឆ្នាំមុន តារាសម្តែងដែលកំពុងមានទីផ្សារខ្ពស់នាង ដួង ម៉ានិច ក៏ត្រូវបានម្ចាស់សំអាងការមួយជ្រើសរើសអោយថតគ្រងឈុតជាតួអង្គទេវតាឆ្នាំ២០២១នេះ។
អតីតMiss Grand Cambodia 2020នាង សេង រដ្ឋា ក៏ទទួលបានការចាប់អារម្មណ៏ខ្លាំងផងដែរ ក្នុងពេលដែលនាងត្រូវបានផ្តល់ឱកាសថតគ្រងឈុតតួអង្គទេវតាឆ្នាំថ្មីជាលើកដំបូង។ ដោយសារការសម្រិតសម្រាំង និងការតុបតែងឈុតតួអង្គទេវតាឆ្នាំថ្មី បូករួមនឹងរូបសម្រស់ដ៏ស្រស់ស្អាតផងនោះ នាងបានទទួលការចាប់អារម្មណ៍យ៉ាងខ្លាំងពីមហាជន។
តារាចម្រៀងកូនមួយនាង ពេជ្រ សូលីកា ក៏មានការឱកាសជាលើកដំបូងផងដែរ សម្រាប់ការគ្រងឈុតតួអង្គទេវតាឆ្នាំថ្មី ឆ្នាំ២០២១នេះ។ ត្បិតនាងមានស្វាមី និងមានកូនម្នាក់ទៅហើយក្តី ប៉ុន្តែការគ្រងឈុតទេវតាដ៏ស្រស់ស្អាត និងរូបសម្រស់របស់នាងផងនោះ នាងក៏មានការចាប់អារម្មណ៍មិនធម្មតាផងដែរ។
ដោយឡែកតារាសម្តែង និងជាពិធីការិនីប្រចាំស្ថានីយទូរទស្សន៍ហង្សមាសនាង សំ ស្រីនាថ ក៏មានភាពទាក់ទាញណាស់ដែរ សម្រាប់ការគ្រងឈុតទេវតាឆ្នាំថ្មី ឆ្នាំ២០២១នេះ។
យ៉ាងណា តារាទាំងអស់ខាងលើនេះ បានសម្តែងអារម្មណ៍ដូចគ្នាថា ខ្លួនពិតជាការសប្បាយរីករាយយ៉ាងខ្លាំង ក្នុងពេលដែលខ្លួនមានឱកាសនៅក្នុងការគ្រងឈុតទេវតាឆ្នាំថ្មីនាពេលនេះ។
គួរបញ្ជាក់ថា នៅវេលាម៉ោង៤និង០០នាទីទៀបភ្លឺព្រឹក ថ្ងៃពុធ ៣កើត ខែពិសាខ ព ស ២៥៦៤ ត្រូវនឹងថ្ងៃទី១៤ ខែមេសា គ.ស ២០២១ ទេវតាឆ្នាំថ្មី ព្រះនាម មណ្ឌាទេវី ជាបុត្រីទី៤ នៃកបិលមហាព្រហ្ម នឹង យាងចុះមកកាន់ជំពូទ្វីប ដើម្បីមើលថែ បីបាច់ ឃុំគ្រង ប្រជានុរាស្ត្រ ទូទាំងព្រះរាជាណាចក្រកម្ពុជា ឱ្យបានរួចចាកផុតពីគ្រោះកាចចង្រៃ កើតមានក្នុងឆ្នាំចាស់ ហើយឆ្នាំថ្មី ជួបតែសិរីសួស្តី សុភមង្គល. វិបុលសុខ គ្រប់ប្រការ ទេវតាឆ្នាំនេះ ភគ្សាហាទ្រង់សោយ សប្បិ គឺទឹកដោះស្រស់។ ទ្រង់អម្ពរពណ៌អន គឺ ពណ៌ផ្ទៃមេឃស្រស់ លំអរព្រះកា សៀតផ្កា ចម្ប៉ា ព្រះហស្ថស្តាំ ទ្រង់ម្ជុល ព្រះហស្ថឆ្វេង ទ្រង់ឈើច្រត់ ទ្រង់គង់ផ្ទុំបិទព្រះនេតលើខ្នង គទ្រភ គឺសត្វលា ជាពាហនៈ៕
ចែករំលែកព័តមាននេះ