រាជធានីភ្នំពេញ ៖ យុវជនពីរក្រុមជិះម៉ូតូលឿនស្រែកឌឺដងដាក់គ្នា រួចឈប់ម៉ូតូចុះវា.យគ្នាបង្កការភ្ញាក់ផ្អើលដល់សមត្ថកិច្ចដេញឃាត់ខ្លួនបានម្នាក់យកទៅសួរនាំនៅខណ្ឌពោធិ៍សែនជ័យ កាលពីវេលាម៉ោង៩និង២០នាទីយប់ថ្ងៃទី១១ ខែមេសា ឆ្នាំ២០២១ នៅតាមបណ្ដោយផ្លូវបេតុង ភូមិព្រៃទា សង្កាត់ចោមចៅទី៣…
រាជធានីភ្នំពេញ ៖ យុវជនពីរក្រុមជិះម៉ូតូលឿនស្រែកឌឺដងដាក់គ្នា រួចឈប់ម៉ូតូចុះវា.យគ្នាបង្កការភ្ញាក់ផ្អើលដល់សមត្ថកិច្ចដេញឃាត់ខ្លួនបានម្នាក់យកទៅសួរនាំនៅខណ្ឌពោធិ៍សែនជ័យ កាលពីវេលាម៉ោង៩និង២០នាទីយប់ថ្ងៃទី១១ ខែមេសា ឆ្នាំ២០២១ នៅតាមបណ្ដោយផ្លូវបេតុង ភូមិព្រៃទា សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។
ជនសង្ស័យម្នាក់ខាងលើឈ្មោះ ចែម សាយ័ន្ត ភេទប្រុស អាយុ៣៦ឆ្នាំ មុខរបរកម្មកររោងចក្រ ស្នាក់នៅបន្ទប់ជួលលេខ៣ ភូមិព្រៃទា សង្កាត់ចោមចៅទី៣ ខណ្ឌពោធិ៍សែនជ័យ ។ ចំណែកជនរងគ្រោះឈ្មោះ ជា សិលា ភេទប្រុស អាយុ ២២ឆ្នាំ មុខរបរដឹកជញ្ជួនអីវ៉ាន់អនឡាញ ស្នាក់នៅភូមិព្រៃទា សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
តាមប្រភពព័ត៌មានពីជនរងគ្រោះបាននិយាយប្រាប់ថា នៅមុនពេលកើតហេតុ គាត់បានជិះម៉ូតូយ៉ាងលឿនក្នុងទិសដៅពីលិចទៅកើត ក្នុងគោលបំណងត្រឡប់ទៅផ្ទះវិញ លុះមកដល់ចំណុចកើតហេតុខាងលើ ក៏ស្រាប់តែមានជនសង្ស័យជិះម៉ូតូមួយគ្រឿងម៉ាក់ស៊ុយស៊ូគីនិចពណ៌សលាយលឿង ដែលមិនចាំស្លាកលេខ មានគ្នាចំនួនពីរនាក់ជិះបញ្ច្រាសទិសដៅគ្នា ហើយបានស្រែកថាអោយគាត់ថា «ឯងមើលអី» ។
តាមប្រភពដដែលបានបន្តថា ភ្លាមៗនោះដែរ គាត់ក៏ឈប់ម៉ូតូស្រែកឌឺដងតបតទៅវិញ បន្ទាប់មកជនសង្ស័យបាននាំគ្នាឈប់ម៉ូតូចុះមកវា.យទៅលើគាត់ ហើយគាត់ក៏វា.យតបទៅវិញទៅមក ហើយខាងភាគីជនបង្កបានវា.យធ្វើអោយដាច់ខ្សែករបស់គាត់នឹងវា.យចំគាត់មួយដៃត្រង់ចង្កា ខណៈពេលភ្លាមៗគាត់ក៏បានស្រែកអោយគេជួយ នៅពេលនោះដែរ គាប់ជួនកំលាំងសមត្ថកិច្ចកំពុងតែល្បាតក្នុងគោលដៅឃើញហេតុការណ៍កំពុងតែដេញវាយគ្នាបែបនេះ ក៏ចាប់ឃាត់ខ្លួនបានភាគីបង្កម្នាក់ ចំណែកម្នាក់ទៀតជិះម៉ូតូរត់គេចខ្លួនបាត់ស្រមោលពីកន្លែងកើតហេតុ។
បន្ទាប់មកសមត្ថកិច្ចបាននាំជនសង្ស័យ ព្រមទាំងជនរងគ្រោះទៅសួរនាំនៅខណ្ឌពោធិ៍សែនជ័យ។
តាមប្រភពព័ត៌មានពីជនបង្កបាននិយាយថា នៅមុនពេលកើតហេតុ ពួកគាត់ទើបតែស្គាល់គ្នានៅកន្លែងផឹកស៊ី លុះក្រោយមកគាត់ក៏សុំជិះម៉ូតូដោយសារជាមួយ ដើម្បីត្រឡប់ទៅផ្ទះវិញក៏មានរឿងនាំគ្នាជួយព្រួតវា.យគ្នា ចំណែកដៃគូរបស់គាត់បានរត់គេចបាត់ទៅ ៕
ក្រោយពេលកើតហេតុបន្ទាប់ពីកំលាំងសមត្ថកិច្ចបានសួរនាំទៅលើភាគីបង្កហើយជនបង្កក៏សារភាពថាពួកគាត់ពិតជានាំគ្នាព្រួតវាយទៅលើជនរងគ្រោះពិតប្រាកដមែនជនរងគ្រោះបានដាក់ពាក្យបណ្ដឹងអោយសមត្ថកិច្ចចាត់ការទៅតាមផ្លូវច្បាប់តែម្តងទៅ ៕
ចែករំលែកព័តមាននេះ