ប្រទេសមីយ៉ាន់ម៉ា ៖ យោងតាមការចេញផ្សាយរបស់សារព័ត៌មានរ័យទ័រ នៅថ្ងៃទី១១ ខែមេសា ឆ្នាំ ២០២១នេះថា តាមការថ្លែងប្រាប់របស់ក្រុមឃ្លាំមើល នៃសមាគមជំនួយសម្រាប់អ្នកទោសនយោបាយ និងប្រព័ន្ធផ្សព្វផ្សាយក្នុងស្រុកមួយ បាននិយាយថាកងកម្លាំងសន្តិសុខមីយ៉ាន់ម៉ាបានគប់គ្រាប់បែកដៃជាច្រើនគ្រាប់ ទៅលើក្រុមអ្នកតវ៉ា នៅក្នុងទីក្រុងមួយនៅជិត ទីក្រុងយ៉ាំងហ្គោន កាលពីថ្ងៃសុក្រ ដែលបានសម្លា.ប់មនុស្សជាង ៨០ នាក់។
យោងតាមសាក្សីនិងអ្នកសារព័ត៌មានក្នុងស្រុក បាននិយាយថា ចំណែកនៅក្នុងកន្លែងផ្សេងទៀត ដូចជានៅក្នុងទីក្រុង Bago ដែលមានចម្ងាយជាង ៩០ គីឡូម៉ែត្រ ឬ 55 miles ពីទីក្រុងយ៉ាំងហ្គោន មិនត្រូវបានរាយការណ៍ពីចំនួនអ្នកស្លា.ប់នោះទេ ក៏ព្រោះសាកសពអ្នកស្លា.ប់ត្រូវបានរបបសន្តិសុខ ដឹកទៅទម្លាក់នៅវត្ត Zeyar Muni ហើយរបបសន្តិសុខទាំងនោះ បានហ៊ុមព័ទ្ធ ជុំវិញតំបន់នោះផងដែរ។
សមាគមជំនួយសម្រាប់អ្នកទោសនយោយ និងប្រព័ន្ធផ្សព្វផ្សាយក្នុងស្រុកមួយ បានដកស្រង់សម្តីអ្នកបាតុកម្មម្នាក់បានឱ្យដឹងថា កាលពីថ្ងៃសៅរ៍នេះបាតុករប្រមាណជាជាង ៨២ នាក់ត្រូវបានសម្លា.ប់។ ក្រុមសន្តិសុខនៃរបបយោធាបានចាប់ផ្តើមបាញ់រះ កាលពីល្ងាចថ្ងៃសុក្រ រហូត ដល់ថ្ងៃសៅរិ៍ ថ្ងៃត្រង់នេះ។
អ្នករៀបចំបាតុករ ម្នាក់មានឈ្មោះថា Ye Htut បាននិយាយថា ៖ «វាដូចជាអំពើប្រល័យពូជសាសន៍អ៉ីចឹង ពួកគេកំពុងបាញ់ ទៅគ្រប់ទិសទី មិនថាជាស្រមោលនោះទេ» ។
បើយោងតាមគណនីនៅលើបណ្តាញសង្គម បានឱ្យដឹងថា មានអ្នកស្រុកជាច្រើន នៃទីក្រុងបានកំពុងរត់ភៀសខ្លួន។ ដោយឡែក អ្នកនាំពាក្យនៃរបបយោធាយោធារដ្ឋប្រហារ មិនអាចទាក់ទងបានទេ កាលពីថ្ងៃសៅរ៍នេះ។ សមាគមជំនួយសម្រាប់អ្នកទោសនយោយបានកត់ត្រាចំនួនអ្នកស្លា.ប់ និងបាតុករជារៀងរាល់ថ្ងៃ ដែលត្រូវបានសម្លា.ប់ដោយក្រុមរបបសន្តិសុខយោធា មានការកើនឡើងរហូតដល់ ៦១៨ នាក់ហើយ ចាប់តាំងពីរដ្ឋប្រហារមក និងអ្នកបាតុករ ក៏ដូចជាអ្នកនយោបាយផ្សេងទៀត រាប់ពាន់នាក់ត្រូវបានចាប់ខ្លួន។
អ្នកនាំពាក្យរបបយោធា លោក Zaw Min Tun បានធ្វើសន្និសីទសារព័ត៌មានមួយ កាលពីថ្ងៃសុក្រ នៅរដ្ឋធានី ណៃពិដោ ថាយោធាបានកត់ត្រាពីការស្លាប់របស់ជនស៊ីវិលមានចំនួន ២៤៨ នាក់ និងការស្លា.ប់របស់ប៉ូលីស ១៦ នាក់ហើយបាននិយាយថា គ្មានអាវុធស្វ័យប្រវត្តិណាមួយ ត្រូវបានប្រើដោយកងកម្លាំងសន្តិសុខនោះទេ។
ដោយឡែកសារព័ត៌មានក្នុងស្រុកមួយបាននិយាយថា សម្ព័ន្ធភាពនៃកងទ័ពជនជាតិភាគតិច នៅក្នុងប្រទេសមីយ៉ាន់ម៉ា ដែលបានប្រឆាំងនឹងការបង្ក្រាបរបស់របបយោធា បានវាយប្រហារស្ថានីយប៉ូលីសមួយកន្លែងនៅភាគខាងកើត កាលពីថ្ងៃសៅរ៍ ហើយយ៉ាងហោចណាស់មានប៉ូលិស ១០ នាក់ត្រូវបានសម្លា.ប់។
ប្រព័ន្ធផ្សព្វផ្សាយក្នុងស្រុកបានបន្តថា ស្ថានីយ៍ប៉ូលីសមួយកន្លែងនោះមានទីតាំង នៅ Naungmon ក្នុងរដ្ឋ Shan ត្រូវបានវាយប្រហារនៅពេលព្រឹកព្រលឹម ដោយក្រុមអ្នកប្រយុទ្ធមកពីសម្ព័ន្ធមិត្តមួយ (the Arakan Army) រួមជាមួយកងទ័ពរំដោះជាតិតាអោង និងកងទ័ពសម្ព័ន្ធមិត្តប្រជាធិបតេយ្យជាតិមីយ៉ាន់ម៉ា។
សារព័ត៌មាន Shan News បាននិយាយថាយ៉ាងហោចណាស់មានប៉ូលីស ១០ នាក់ត្រូវបានសម្លា.ប់ ខណៈដែលស្ថានីយព័ត៌មាន Shwe Phee Myay បានរាយការណ៍ប៉ូលីសស្លា.ប់កើនឡើងដល់ ១៤ នាក់។
មេដឹកនាំរបបយោធាមីយ៉ាន់ម៉ាបាននិយាយ កាលពីថ្ងៃសុក្រថា ការតវ៉ាប្រឆាំងនឹងច្បាប់របស់ខ្លួន កំពុងថមថយព្រោះប្រជាជនចង់បានសន្តិភាព ហើយខ្លួននឹងរៀបចំការបោះឆ្នោត ក្នុងរយៈពេលពីរឆ្នាំខាងមុខ។ សូមជម្រាបជូនផងដែរ នៅថ្ងៃសុក្រនេះដដែល សមាជិកសភាមីយ៉ាន់ម៉ា នៅតែបន្តជំរុញឱ្យក្រុមប្រឹក្សាសន្តិសុខអង្គការសហប្រជាជាតិ ចាត់វិធានការប្រឆាំងនឹងរបបយោធារដ្ឋប្រហារនេះ។
លោកស្រី Zin Mar Aung ត្រូវបានតែងតាំងជារដ្ឋមន្ត្រីក្រសួងការបរទេសស្តីទី នៃសមាជិកសភា តែលោកស្រីត្រូវបានបណ្តេញចេញ បានជម្រុញដូចនេះថា ៖ «អង្គការសហប្រជាជាតិ ត្រូវតែដាក់សម្ពាធដោយផ្ទាល់ និងដោយប្រយោលទៅលើរបបយោធានេះ។ ប្រជាជនមីយ៉ាន់ម៉ាទាំងអស់បានពលីជីវិត និងបានត្រៀមខ្លួនជាស្រេចក្នុងការទទួលខុសត្រូវរាល់ការចំណាយនានា ដើម្បីធ្វើយ៉ាងណាឱ្យមានលទ្ធិប្រជាធិបតី និងសេរីភាពមកវិញ»។
គួរបញ្ជាក់ផងដែរថា លោក Richard Horsey ទីប្រឹក្សាជាន់ខ្ពស់របស់មីយ៉ាន់ម៉ា ជាមួយក្រុមវិបត្តិអន្តរជាតិ បានបើកកិច្ចប្រជុំក្រៅផ្លូវការ ដែលជាកិច្ចពិភាក្សាជាសាធារណៈ លើកដំបូងរបស់មីយ៉ាន់ម៉ាថា៖ «មីយ៉ាន់ម៉ាឈរទៅជិតដល់នៃភាពបរាជ័យ នៃការដួលរលំរដ្ឋហើយ»៕
ចែករំលែកព័តមាននេះ