គ្រាន់តែឃើញសមត្ថកិច្ច ជនសង្ស័យ ផ្តួលម៉ូតូចោល ហើយរត់គេចខ្លួន បាត់ស្រមោល
- ភ្នំពេញ
ភ្នំពេញ៖ កម្លាំងសមត្ថកិច្ចប៉ុស្តិ៍នគរបាលរដ្ឋបាលទន្លេបាសាក់ បានជិះល្បាត និងដកហូតម៉ូតូ AIR BLADE មួយគ្រឿង ដែលជនសង្ស័យ បានទុកចោល រួចរត់គេចខ្លួន…
ភ្នំពេញ៖ កម្លាំងសមត្ថកិច្ចប៉ុស្តិ៍នគរបាលរដ្ឋបាលទន្លេបាសាក់ បានជិះល្បាត និងដកហូតម៉ូតូ AIR BLADE មួយគ្រឿង ដែលជនសង្ស័យ បានទុកចោល រួចរត់គេចខ្លួន…
ភ្នំពេញ៖ កម្លាំងសមត្ថកិច្ចប៉ុស្តិ៍នគរបាលរដ្ឋបាលទន្លេបាសាក់ បានជិះល្បាត និងដកហូតម៉ូតូ AIR BLADE មួយគ្រឿង ដែលជនសង្ស័យ បានទុកចោល រួចរត់គេចខ្លួន បន្ទាប់ពីឃើញសមត្ថកិច្ចល្បាត កាលពីវេលាម៉ោង ៩ និង ៣៥នាទី យប់ថ្ងៃទី៨ ខែមេសា ឆ្នាំ២០២១ ត្រង់ចំណុចទល់មុខផ្សារទំនើប AEON1 តាមបណ្ដោយផ្លូវព្រះសុធារស ក្នុងសង្កាត់ទន្លេបាសាក់ ខណ្ឌចំការមន។
សមត្ថកិច្ចប៉ុស្តិ៍នគរបាលរដ្ឋបាលទន្លេបាសាក់ បានឲ្យដឹងថា នៅមុនពេលកើតហេតុ កម្លាំងសមត្ថកិច្ចបានជិះម៉ូតូល្បាត ក្នុងមូលដ្ឋាន ដើម្បីទប់ស្កាត់ និងកាត់បន្ថយបទល្មើសផ្សេងៗ នៅក្នុងមូលដ្ឋាន ដែលអាចកើតឡើង ដោយប្រការណាមួយ។ ពេលដែលជិះដល់ចំណុចកើតហេតុ ក៏ប្រទះឃើញជនសង្ស័យម្នាក់ បានបណ្ដើរមួយគ្រឿង ម៉ាក AIR BLADE ពណ៌ក្រហម ពាក់ស្លាកលេខ ភ្នំពេញ 1B-4002។ ដោយបណ្តើរតាមបណ្ដោយផ្លូវព្រះសុធារស ទិសដៅពីជើងទៅត្បូង។ ភ្លាមៗនោះ ពេលដែលជនសង្ស័យបានឃើញសមត្ថកិច្ច កំពុងជិះល្បាត ស្រាប់តែជនសង្ស័យ បានទុកម៉ូតូចោល រួចក៏រត់គេចខ្លួនចេញពីកន្លែងកើតហេតុ បាត់ស្រមោលតែម្ដង។
សមត្ថកិច្ច ក៏បានយកម៉ូតូនោះ ទៅរក្សាទុកនៅប៉ុស្តិ៍នគរបាលរដ្ឋបាលទន្លេបាសាក់ រង់ចាំស្រាវជ្រាវរកម្ចាស់ ឲ្យមកទទួលយកត្រលប់ទៅវិញ។ តាមមើលជនសង្ស័យ លួចម៉ូតូនោះ ពីកន្លែងណាមួយ៕
ចែករំលែកព័តមាននេះ