រាជធានីភ្នំពេញ ៖ អនុវិស័យចិញ្ចឹមសត្វ ត្រូវបានព្យាករណ៍ថា នឹងមានកំណើនថមថយមក និន្នាការធម្មតាវិញក្នុងរង្វង់ ០,៦% ក្នុងឆ្នាំ ២០២១ និង ០,៨% ក្នុងឆ្នាំ ២០២២ ដោយសារ ការរំពឹងទុកនូវកំណើនថមថយមកវិញនៃផលិតកម្ម ជ្រូកបន្ទាប់ពីមានសន្ទុះខ្លាំងក្នុង ឆ្នាំ ២០២០ ខណៈផលិតកម្មបក្សី នៅបន្តកំណើនល្អ ។ នេះបើយោងតាមសេចក្តីព្រាងក្រប ខណ្ឌគោលនយោបាយម៉ាក្រូសេដ្ឋកិច្ច និងគោលនយោបាយហិរញ្ញវត្ថុសាធារណៈសម្រា ប់ការរៀបចំសេចក្តីព្រាងច្បាប់ស្តីពី ហិរញ្ញវត្ថុសម្រាប់ការគ្រប់គ្រងឆ្នាំ ២០២២ របស់ក្រសួង សេដ្ឋកិច្ចនិងហិរញ្ញវត្ថុ ។
ការព្យាករណ៍របស់ក្រសួងសេដ្ឋកិច្ច សង្កត់ធ្ងន់ថា ក្នុងនោះផលិតកម្ម ជ្រូកបែប ពាណិជ្ជកម្ម អាចនឹងមានកំណើនថមថយបន្តិច ដែលបណ្តាលមកពីការកើនឡើងនូវ ការនាំចូលជ្រូក បន្ទាប់ពីស្ថានភាពជំងឺប៉េស្ត្រជ្រូកអាហ្វ្រិក នៅប្រទេសជិតខាង មាន ភាពធូស្រាល ។ យ៉ាងណាមិញ ការចិញ្ចឹមជ្រូកជាលក្ខណៈគ្រួសារនឹងមានកំណើនល្អ ឡើងវិញជាបណ្តើរៗ ដោយសារភាពធូស្រាលនៃជំងឺប៉េស្ត្រជ្រូកអាហ្វ្រិក គួបផ្សំនឹងអន្ត រាគមន៍របស់រាជរដ្ឋាភិបាល និងការអនុវត្តគម្រោងរបស់ដៃគូអភិវឌ្ឍន៍នានា ។ ទន្ទឹមនេះ ផលិតកម្មបក្សីនឹងបន្តមានកំណើនល្អ ដោយសារតែការរំពឹងទុកនូវការកើនឡើងតម្រូវ ការក្នុងស្រុក ។
លោក ស្រ៊ុន ពៅ ប្រធានសមាគមអ្នកចិញ្ចឹមសត្វកម្ពុជាបានឱ្យដឹងនៅថ្ងៃទី ៦ ខែ មេសាមកនេះថា នៅក្នុងវិស័យចិញ្ចឹមសត្វបច្ចុប្បន្ននេះមានការចិញ្ចឹមជ្រូកនោះទេដែល មិនប៉ះពាល់ ហើយនៅមានការរីកចម្រើន តែដោយឡែកសម្រាប់ការចិញ្ចឹមមាន់ ទា ត្រី ហើយពងមាន់ ពងទាកកស្ទុះសល់ច្រើន ធ្វើឱ្យអ្នកចិញ្ចឹមខាតបង់ប្រាក់ ព្រោះការផលិត មានច្រើនលើសពីតម្រូវការទីផ្សារ ។
បើតាមលោក ស្រ៊ុន ពៅ ការនាំចូលជ្រូកសព្វថ្ងៃមកកម្ពុជានៅមានចំនួនតិច តែអ្នក ចិញ្ចឹមជ្រូកបែបលក្ខណៈឧស្សាហកម្មក្នុងស្រុកមានការកើនឡើង។ តែទោះជាយ៉ាងណា អ្នកចិញ្ចឹមជ្រូកសព្វថ្ងៃនេះនូវតែមានការព្រួយបារម្ភទៅលើជំងឺប៉េស្ត្រជ្រូកអហ្វ្រិក ដែល កន្លងមកកម្ពុជាតែងតែចាប់បានជ្រូកនាំចូលខុសច្បាប់មានផ្ទុកនៅជំងឺប៉េស្ត្រជ្រូកអាហ្វ្រិក ហើយបើការនាំចូលលក្ខណៈរាយប៉ាយមាននៅក្នុងប្រទេសកម្ពុជា នោះវានឹងធ្វើឱ្យប៉ះ ពាល់ដល់ ផលប្រយោជន៍អ្នកចិញ្ចឹមជ្រូកក្នុងស្រុកទៀតហើយ ។ តែបើបិទមិនឱ្យមានជំងឺ នេះឆ្លងដែនចូលបាននៅកម្ពុជាយើងអាចនឹងមានស្ថិរភាព ហើយអាចនឹងមានលទ្ធភាព គ្រប់គ្រាន់ក្នុងការចិញ្ចឹមផងដែរ ។
លោក ស្រ៊ុន ពៅ គូសបញ្ជាក់ថា កាលពីមុនទីផ្សារមានតម្រូវការជ្រូករស់ក្នុងមួយថ្ងៃ ពី ៧.០០០ ទៅ ៨.០០០ក្បាល តែមកដល់សព្វថ្ងៃនេះបានធ្លាក់មកនៅតែ ៥.០០០ ទៅ ៦.០០០ក្បាល ហើយក្នុងនោះជ្រូកនាំចូលមានជាង ១.០០០ក្បាលទៅ ២.០០០ក្បាល ។ ដោយឡែកចំពោះតម្លៃជ្រូករស់នាពេលបច្ចុប្បន្ននេះមានពី ១៣.០០០រៀលទៅជាង ១៤.០០០រៀលក្នុងមួយគីឡូក្រាមសម្រាប់ជ្រូកចិញ្ចឹមនៅកសិដ្ឋាន និងក្រុមហ៊ុន ៕
ចែករំលែកព័តមាននេះ