ខេត្តស្វាយរៀង៖ គ្រោះថ្នាក់ចរាចរណ៍ដ៏អាក្រក់ ដោយរថយន្តបែនដឹកថ្ម១គ្រឿងបើកបរយ៉ាងលឿន ស្រាប់តែជាន់ប្វ្រាំងតែមិនស៊ីក៏រេចង្កូតធ្លាក់ចិញ្ចើមថ្នល់ជ្រុលទៅបុករះសំយាបផ្ទះប្រជាពលរដ្ឋ២គ្រួសារបាក់ខ្ទេច ទើបទៅមុខលែងរួច ។ តែសំណាងល្អ ពុំមានបង្កគ្រោះថ្នាក់ដល់មនុស្សនោះទេ គ្រាន់តែខូចខាតសំយាបផ្ទះនិងសម្ភារអីវ៉ាន់គ្រឿងទេសអស់មួយចំនួនធំ…
ខេត្តស្វាយរៀង៖ គ្រោះថ្នាក់ចរាចរណ៍ដ៏អាក្រក់ ដោយរថយន្តបែនដឹកថ្ម១គ្រឿងបើកបរយ៉ាងលឿន ស្រាប់តែជាន់ប្វ្រាំងតែមិនស៊ីក៏រេចង្កូតធ្លាក់
ចិញ្ចើមថ្នល់ជ្រុលទៅបុករះសំយាបផ្ទះប្រជាពលរដ្ឋ២គ្រួសារបាក់ខ្ទេច ទើបទៅមុខលែងរួច ។ តែសំណាងល្អ ពុំមានបង្កគ្រោះថ្នាក់ដល់មនុស្សនោះទេ គ្រាន់តែខូចខាតសំយាបផ្ទះនិងសម្ភារអីវ៉ាន់គ្រឿងទេសអស់មួយចំនួនធំ ចំណែករថយន្តខូខខាតបន្តិចបន្តួចប៉ុណ្ណោះ។ ករណីនេះបានកើតឡើង កាលពីវេលាម៉ោង១១និង៤០នាទីព្រឹកថ្ងៃទី០៧ មេសា នៅលើកំណាត់ផ្លូវជាតិលេខ០១ ត្រង់ចំណុចគីឡូម៉ែត្រលេខ១៣៦/១៣៧ ស្ថិតក្នុងភូមិ ប្រសូតិ២ ឃុំកណ្តៀងរាយ ស្រុកស្វាយទាប ខេត្តស្វាយរៀង មូលហេតុ រថយន្តរលត់ម៉ាស៊ីនបញ្ជាលែងបាន។
បើតាមសមត្ថកិច្ចបានអោយដឹងថា នៅមុនពេលកើតហេតុមានរថយន្តបែនដឹកថ្មរធុនធំ១គ្រឿងពណ៌ ទឹកប្រាក់ គ្មានស្លាកលេខ ដែលធ្វើដំណើរពីទិសដៅពីលិចទៅកើត។ លុះមកដល់កន្លែងកើតហេតុខាងលើ ស្រាប់តែរលត់ម៉ាស៊ីនកណ្តាលថ្នល់ជាន់ប្វ្រាំងមិនស៊ី ក៏បានរេចង្កូតធ្លាក់ចញ្ចើមថ្នល់ បណ្តាលអោយជ្រុលទៅបុករះសំយាបផ្ទះប្រជាពលរដ្ឋចំនួន០២គ្រួសារទី១,ឈ្មោះតូច គន្ធា ភេទស្រី អាយុ ៥៨ឆ្នាំ និងសំយាបផ្ទះឈ្មោះពិន ចាន់ថន ភេទប្រុស អាយុ៣៩ឆ្នាំបណ្តាលឲ្យខូចសំយាបផ្ទះ និងអីវ៉ាន់លក់ដូរមួយចំនួនធំតែម្តង។
ប្រភពបន្តទៀតថា ករណីនេះដែរ ពុំបង្កឲ្យមនុស្សរងរបួសនោះទេ ដោយម្ចាស់ផ្ទះបានរត់គេចចេញទាំងព្រលឹងចុងសក់។ រីឯរថយន្តខូចស្រាលបានយកមករក្សាទុកនៅ អធិការដ្ឋានស្វាយទាបរងចាំដោះស្រាយគ្នានៅពេលក្រោយ ៕
ចែករំលែកព័តមាននេះ