ប្រទេសឥណ្ឌូណេស៊ី-ទីម័រខាងកើត ៖ បណ្ដាអ្នកទទួលខុសត្រូវមូលដ្ឋានរាយការណ៍កាលពីថ្ងៃទី៥ មេសាថា មនុស្សដល់យ៉ាងតិច
១៥៧នាក់ហើយបានត្រូវស្លា.ប់ និងច្រើនសិបនាក់ទៀតបាត់ខ្លួនដោយសារទឹកជំនន់និងការបាក់ដី នៅឥណ្ឌូណេស៊ីនិងទីម័រខាងកើត ។ ទឹកបានជន់លិចផ្ទះសម្បែងច្រើនពាន់ខ្នង ។
ព្យុះដែលបោកបក់ឆ្ពោះទៅកាន់អូស្ត្រាលី បានសម្លា.ប់មនុស្សយ៉ាងតិច១៣០នាក់ នៅឥណ្ឌូណេស៊ី ហើយមនុស្ស៧១នាក់ទៀតបាត់ខ្លួន ។ ចំណែកមនុស្ស២៧នាក់បានបាត់បង់ជីវិតនៅទីម័រខាងកើត ។ អ្នកស្លាប់ភាគច្រើនគឹនៅទីក្រុងឌីលីរដ្ឋធានីទីម័រខាងកើត ដែលនៅទីនោះទឹកបានជន់លិច រហូតដល់មុខវិមានប្រធានាធិបតី ដែលមើលទៅដូចបឹងភក់ ។
ទឹកជំនន់ភ្លាមៗបណ្ដាលមកពីភ្លៀងធ្លាក់ខ្លាំង បានបង្កើតភាពច្របូកច្របល់ ក្នុងបណ្ដាតំបន់ស្ថិតនៅចន្លោះកោះ FLORES ឥណ្ឌូណេស៊ី និងទីម័រខាងកើត ។ ទឹកជំនន់នោះបានបង្ខំឲ្យមនុស្សច្រើនពាន់នាក់រត់ភៀសខ្លួនចេញ និងស្វែងរកជម្រកនៅតាមមជ្ឈមណ្ឌលទទួលទាំងឡាយ ។ នៅភាគខាងកើតកោះ FLORES ផ្ទះច្រើនខ្នងបណ្ដាផ្លូវថ្នល់ និងស្ពានកប់និងគ្របដណ្ដប់ដោយភក់ ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ