រាជធានីពេញ ៖ រថយន្តម៉ាកតូយ៉ូតាកូរ៉ូឡា១គ្រឿង បើកបរដោយបុរសវ័យចំណាស់ម្នាក់ក្នុងល្បឿនលឿន បានជ្រុលទៅបុកជាមួយម៉ូតូម៉ាកស៊ុយហ្ស៊ុយគីស្មាស់១គ្រឿងពេញទំហឹង បណ្ដាលឲ្យអ្នកបើកម៉ូតូដែលជាមន្ត្រីនគរបាលម្នាក់រងរបួសធ្ងន់ធ្ងរ និងបានស្លាប់ក្រោយពេលបញ្ជូនទៅសង្គ្រោះបន្ទាន់ដល់មន្ទីរពេទ្យ ចំណែកអ្នកបើកបររថយន្តត្រូវបាននគរបាលឃាត់ខ្លួន ។ ឧប្បត្តិហេតុនេះ…
រាជធានីពេញ ៖ រថយន្តម៉ាកតូយ៉ូតាកូរ៉ូឡា១គ្រឿង បើកបរដោយបុរសវ័យចំណាស់ម្នាក់ក្នុងល្បឿនលឿន បានជ្រុលទៅបុកជាមួយម៉ូតូម៉ាកស៊ុយហ្ស៊ុយគីស្មាស់១គ្រឿងពេញទំហឹង បណ្ដាលឲ្យអ្នកបើកម៉ូតូដែលជាមន្ត្រីនគរបាលម្នាក់រងរបួសធ្ងន់ធ្ងរ និងបានស្លាប់ក្រោយពេលបញ្ជូនទៅសង្គ្រោះបន្ទាន់ដល់មន្ទីរពេទ្យ ចំណែកអ្នកបើកបររថយន្តត្រូវបាននគរបាលឃាត់ខ្លួន ។
ឧប្បត្តិហេតុនេះ បានកើតឡើង កាលពីវេលាម៉ោង៥និង២៥នាទីល្ងាច ថ្ងៃទី២ ខែមេសា ឆ្នាំ២០២១ នៅតាមផ្លូវបេតុងភូមិព្រៃវែងខាងកើត សង្កាត់ព្រៃវែង ខណ្ឌដង្កោ រាជធានីភ្នំពេញ ។
បុរសរងគ្រោះដែលស្លាប់ខាងលើឈ្មោះដាញ់ ស៊ីថុល អាយុ៣៤ឆ្នាំ មុខរបរមន្ត្រីនគរបាល ស្នាក់នៅក្នុងភូមិត្រពាំងស្វាយ សង្កាត់ក្រាំងពង្រ ខណ្ឌដង្កោ ជិះម៉ូតូស៊ុយហ្ស៊ុយគីម៉ាកស្មាស់រីវ៉ូ ១គ្រឿង ពណ៌ខ្មៅពាក់ស្លាកនគរបាល 1 -1803 ។
ចំណែករថយន្តខាងលើម៉ាកកូរ៉ឡា ពណ៌ទឹកប្រាក់មួយគ្រឿងពាក់ស្លាកលេខ 2Q -2411 បើកបរដោយបុរសម្នាក់ឈ្មោះ សួង ចាន់រ៉ា ភេទប្រុស អាយុ៥៥ឆ្នាំ មុខរបរកសិករ ស្នាក់នៅភូមិបាគូ ស្រុកកណ្តាលស្ទឹង ខេត្តកណ្តាល ។
តាមប្រភពពីប្រជាពលរដ្ឋបានឲ្យដឹងថា នៅមុនពេលកើតហេតុពួកគាត់ឃើញបុរសវ័យចំណាស់ម្នាក់នោះ បើករថយន្តម៉ាកកូរ៉ឡា ពណ៌ទឹកប្រាក់មួយគ្រឿងខាងលើ ក្នុងទិសដៅពីជើងទៅត្បូង ។ លុះដល់ត្រង់ចំណុចកើតហេតុពុំដឹងថា យ៉ាងម៉េចឡើយ ស្រាប់តែបុកគ្នាជាមួយម៉ូតូ ម៉ាកស្មាស់រីវ៉ូ ដែលបើកបរដោយមន្ត្រីនគរបាលដែលកំពុងបើកបរធ្វើដំណើរក្នុងទិសដៅបញ្ច្រាស់ទិសគ្នាចំពីមុខយ៉ាងពេញទំហឹង បណ្តាលឲ្យម៉ូតូដួល ហើយមន្ត្រីនគរបាលបោកក្បាលផ្ទប់ និងថ្នល់រងរបួសធ្ងន់ធ្ងរ ចំណែកម៉ូតូរងការខូចខាតស្ទើរតែទាំងស្រុង ។
ប្រភពដដែលបានបន្តថា ក្រោយពេលកើតហេតុ អ្នកបើកបររថយន្តត្រូវបាននគរបាលឃាត់ខ្លួននាំទៅសាកសួរភ្លាមៗ ចំណែកជនរងគ្រោះត្រូវបានរថយន្តសាមុយដឹកបញ្ជូនទៅកាន់មន្ទីរពេទ្យ ដើម្បីសង្គ្រោះបន្ទាន់ ប៉ុន្តែដោយរបួសធ្ងន់ពេកពេលទៅដល់ក៏បានស្លាប់ ។
បន្ទាប់មកនគរបាលចរាចរណ៍ខណ្ឌដង្កោបានរាយការណ៍ជូននគរបាលការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញចាត់ការបន្តតាមច្បាប់ ៕
ចែករំលែកព័តមាននេះ