ប្រទេសរុស្ស៊ី-អ៊ុយក្រែន ៖ ប្រទេសរុស្ស៊ីកាលពីថ្ងៃទី១ មេសា បានព្រមានថា ការបង្កើនជម្លោះក្នុងតំបន់ដុនបាស់ភាគខាងកើតអ៊ុយក្រែន
អាចបំផ្លាញប្រទេសនេះ ចំណែកអូតង់បានសម្ដែងការបារម្ភប្រឈមមុខនឹងអ្វីដែលខ្លួនចាត់ទុកថា ការពង្រឹងកម្លាំងយោធារុស្ស៊ីនៅជិតភាគខាងកើតអ៊ុយក្រែន ។
បណ្ដារូបភាពគ្មានការត្រួតពិនិត្យផ្សាយតាមបណ្ដាញសង្គមបង្ហាញថា រុស្ស៊ីបានចល័តទ័ពនិងសម្ភារយោធា ឆ្ពោះទៅកាន់បណ្ដាតំបន់ព្រំដែន
អ៊ុយក្រែន ព្រមទាំងទៅកាន់តំបន់គ្រីមេដែលរុស្ស៊ីបញ្ចូលក្នុងដែនដីខ្លួនកាលពីឆ្នាំ២០១៤ ។ សកម្មភាពយោធានោះរបស់រុស្ស៊ីជាការផ្គើន
មួយចំពោះរដ្ឋការប្រធានាធិបតីអាមេរិកលោកចូ បៃដិន ដែលពិភាក្សានាសប្ដាហ៍នេះជាមួយបណ្ដាអ្នកទទួលខុសត្រូវជាន់ខ្ពស់អ៊ុយក្រែន ដើម្បីសម្ដែងពីការគាំទ្រចំពោះ រដ្ឋាភិបាលប្រធានាធិបតីអ៊ុយក្រែនលោក VOLODYMYR ZELENSKY ។
ក្រុងគៀវនិងក្រុងមូស្គូបានចោទប្រកាន់គ្នាទៅវិញទៅមកចាប់តាំងពិយូរមកហើយថាមិនគោរពកិច្ចព្រមព្រៀងសន្តិភាពនៅតំបន់ដុនបាស់ ។ ទំនាក់ទំនងរវាងប្រទេសទាំង២កាន់តែតានតឹងថែមទៀតតាមរយៈគម្រោងកសាងបំពង់បង្ហូរឧស្ម័ន NORD STREAM 2 ទៅកាន់អាល្លឹម៉ង់ ដែលក្រុងគៀវនិងក្រុងវ៉ាស៊ិនតោនចង់ឲ្យបញ្ឈប់ការកសាង ។
ចំណែកអូតង់ថ្លែងថា ខ្លួនមានការព្រួយបារម្ភចំពោះការពង្រឹងកងទ័ពរុស្ស៊ីនៅជិតតំបន់ដុនបាស់ភាគខាងកើតអ៊ុយក្រែនដែលនៅទីនោះកង
ទ័ពអ៊ុយក្រែនបានប្រយុទ្ធប្រឆាំងកងកម្លាំងបំបែកខ្លួនគាំទ្រដោយរុស្ស៊ីក្នុងជម្លោះដែលតាមក្រុងគៀវថាបណ្ដាលឲ្យមនុស្សស្លា.ប់ជាង១៤.
០០០នាក់ហើយ ចាប់តាំងពីឆ្នាំ២០១៤មក ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ