ខេត្តរតនគិរី៖ រថយន្តដឹកថ្មមួយគ្រឿងបើករេចង្កូតក៏ធ្លាក់ផ្លូវក្រឡាប់ដោយខ្លួនឯងរងការខូចខាតយ៉ាងដំណំ រីឯអ្នកបើកបរបណ្តាលឱ្យរងរបួស ដែលហេតុការណ៍រន្ធត់នេះ កើតឡើងកាលពីវេលាម៉ោង១០ និង៤០នាទីព្រឹកថ្ងៃទី០២ មេសា ស្ថិតលើកំណាត់ផ្លូវជាតិលេខ៧៨ ត្រង់ចំណុចភូមិ ៤ឃុំត្រពាំងច្រេស ស្រុកកូនមុំខេត្តរតនគិរី។
ប្រភពពីសមត្ថភាពជំនាញផ្នែកសណ្តាប់ធ្នាប់ នៃអធិការដ្ឋាននរគបាលស្រុកកូនមុំថា រថយន្តដែលក្រឡាប់នោះ ម៉ាកហ៊ីយ៉ាន់ដាយពណ៌.ស ពាក់ស្លាកលេខ៣A-៧៤១៣ព្រះសីហនុខូចខាតទាំងស្រុង។ អ្នកបើកបររថយន្តនោះ ឈ្មោះ ជៀន ឌីនី ភេទប្រុស អាយុ២១ឆ្នាំ ជាអ្នកបើកបរ រស់នៅភូមិ២ឃុំត្រពាំងក្រហម ស្រុកកូនមុំខេត្តរតនគិរី រងរបួសស្រាល ។
អ្នកឃើញហេតុការណ៍ថា រថយន្ដដឹកថ្មមួយគ្រឿងនោះ បើកបរក្នុងល្បឿនបោះពួយយ៉ាងលឿនពីកើត ឆ្ពោះទៅលិច ។ លុះដល់កន្លែងកើតហេតុអ្នក់បើកបរគ្មានការប្រុងប្រយ័ត្នបានរេចង្កូត ធ្លាក់ពីលើថ្នល់ ក្រឡាប់តែម្ដង។ស្ថានភាពរថយន្តកាប៊ីនមុខខូចខ្ទេចខ្ទីរ សំណាងអ្នកបើកបរគ្រាន់តែរងរបួសស្រាលប៉ុណ្ណោះ ។
ក្រោយកើតហេតុ សមត្ថកិច្ចជំនាញផ្នែកសណ្តាប់ធ្នាប់ស្រុកកូនមុំក៏បានចុះមកធ្វើការវាស់វែង និងជួយសម្រួលចរាចរណ៍កុំឱ្យមានការកកស្ទះ នៅលើដងផ្លូវ ព្រមទាំងបានបញ្ញូនអ្នកប់កបរទៅសម្រាកព្យាបាលនៅមណ្ឌលសុខភាពស្រុកកូនមុំ។ សមត្ថកិច្ចជំនាញក៏បានទាក់ទងទៅម្ចាស់ ដើម្បីស្ទូចយកទៅជុសជុល ។
ចែករំលែកព័តមាននេះ