រាជធានីភ្នំពេញ ៖ លោកយាយម្នាក់មានជំងឺប្រចាំកាយ បានក្អួតធ្លាក់ឈា.មដួលស្លា.ប់នៅក្នុងផ្ទះតែម្នាក់ឯង ហើយត្រូវបានក្មួយប្រទះឃើញ រួចរាយការណ៍ប្រាប់នគរបាលមូលដ្ឋានឱ្យចុះមកពិនិត្យតែម្តង ។
ហេតុការណ៍ខាងលើនេះបង្កអោយមានការភ្ញាក់ផ្អើលកាលពីវេលាម៉ោងប្រមាណ៨និង១៥នាទីយប់ថ្ងៃទី៣០ ខែមីនា ឆ្នាំ២០២១ នៅចំណុចផ្ទះលេខB១១ ផ្លូវក្នុងបូរីលេខ២ ក្រុមទី២ ភូមិបឹងរាំង សង្កាត់ទួលសង្កែទី២ ខណ្ឌឫស្សីកែវ រាជធានីភ្នំពេញ ។
លោកយាយរងគ្រោះខាងលើឈ្មោះកៅ ឡាងឌី អាយុ៧៧ឆ្នាំ មុខរបរនៅផ្ទះ ស្នាក់នៅផ្ទះកើតហេតុខាងលើ ។ លោកយាយមានជំងឺប្រចាំកាយដូចជាលើសឈាម និងជំងឺថ្លើមផងដែរ។
តាមប្រភពព័ត៌មានបានអោយដឹងថា លោកយាយរងគ្រោះរូបនោះពុំមានកូនចៅនៅជាមួយនោះទេ គីកូនៗបានទៅរស់នៅឯសហរដ្ឋអាមេរិកអស់ហើយ នៅសល់តែគាត់រស់នៅតែម្នាក់ឯង ដោយមានក្មួយសាច់ថ្លៃម្នាក់នៅមើលការខុសត្រូវផ្គត់ផ្គង់ផ្តល់អាហារនិងថ្នាំ។
តាមការបំភ្លឺរបស់ក្មួយសាច់ថ្លៃឈ្មោះ ហ៊ុន សុខនី ភេទប្រុស អាយុ៣៩ឆ្នាំ បានអោយដឹងថា នៅមុនពេលកើតហេតុ គាត់បានធ្វើដំណើរចេញពីផ្ទះនៅជិតវត្តទួលសន្តិវ័ន ហៅវត្តទួលអស់លោក ដោយឃើញទ្វាររបងផ្ទះចាក់សោរ ហើយគាត់ក៏ចាក់សោរចូលក្នុងផ្ទះ លុះពេលបើកទ្វារសំណាញ់ ស្រាប់តែឃើញម្តាយធំដេកស្លា.ប់ក្នុងថ្លុ.កឈា.មបាត់ទៅហើយ បន្ទាប់មកគាត់ក៍បានទូរស័ព្ទប្រាប់កូនចៅនៅសហរដ្ឋអាមេរិក និងរាយការណ៍ទៅសមត្ថកិច្ចអោយចុះមកពិនិត្យតែម្តង។
តាមប្រភពពីនគរបាលការិយាលយ័បច្ចេកទេសវិទ្យាសាស្ត្របានអោយដឹងថា លោកយាយរងគ្រោះរូបនោះបានបាត់បង់ជីវិតដោយសារជំងឺថ្លើម និងលើសឈាម។ ក្រោយពីពិនិត្យរួច សពត្រូវបានសាច់ញាតិបញ្ជូនទៅធ្វើបុណ្យតាមប្រពៃណីនៅវត្តពូនភ្នំ ៕
ចែករំលែកព័តមាននេះ