ប្រទេសមីយ៉ាន់ម៉ា ៖ ប្រធានាធិបតីអាមេរិកលោកចូ បៃដិន និងសហភាពអឺរ៉ុបបាននាំមុខការថ្កោលទោសជាអន្តរជាតិ ក្រោយចុងសប្ដាហ៍នៃកាបង្ក្រាបដ៏បង្ហូរឈា.មនៅមីយ៉ាន់ម៉ា ថ្ងៃទី២៧ ខែមីនា ដែលចំនួនអ្នកស្លា.ប់មានខ្ពស់បំផុតចាប់តាំងពីរដ្ឋប្រហារ ថ្ងៃទី១ កុម្ភៈមក ជាមួយមនុស្សស្លា.ប់ដល់យ៉ាងតិច១០៧នាក់ ក្នុងនោះមានកុមារ៧នាក់ ។
ជាអ្នកធ្វើរដ្ឋប្រហារយោធាផ្ដួលរំលំប្រមុខរដ្ឋាភិបាលស៊ីវិលលោកស្រីអ៊ួងសាន់ ស៊ូជី កងទ័ពមីយ៉ាន់ម៉ា បានបង្ក្រាបក្នុងថ្លុកឈា.មបាតុកម្មរាល់ថ្ងៃ ដែលទាមទារការវិលត្រឡប់នៃលទ្ធិប្រជាធិបតេយ្យ និងឲ្យដោះលែងបណ្ដាអតីតមេដឹកនាំ ដោយសម្លា.ប់ជនស៊ីវិលសរុបច្រើនរយនាក់ ។
តាមអង្គការជួយបណ្ដាអ្នកទោសនយោបាយមីយ៉ាន់ម៉ាថា ចំនួនអ្នកស្លា.ប់ដោយការបង្ក្រាបបាតុកម្មរបស់ពួកយោធាមកដល់ពេលនេះមានសរុប៤៥៩នាក់ ។ អ.ស.ប វាយតម្លៃថា ចំនួនអ្នកស្លា.ប់នាថ្ងៃទី២៧ ខែមីនា មាន១០៧នាក់ ក្នុងនោះមានកុមារ៧នាក់ តែចំនួននោះអាចមានខ្ពស់ជាងនេះទៀត ។ បណ្ដាសារព័ត៌មានក្នុងស្រុករៀបរាប់ពីអ្នកស្លា.ប់១១៤នាក់ ។
នាថ្ងៃទី២៨ មីនា ប្រធានាធិបតីអាមេរិក លោកចូ បៃដិន ថ្លែងទៅកាន់ក្រុមអ្នកកាសែតថា នោះពិតជារឿងដ៏អាស្រូវ ហើយតាមព័ត៌មាននានាដែលខ្ញុំបានទទួលថា មនុស្សច្រើននាក់ត្រូវបានសម្លា.ប់ដោយគ្មានប្រយោជន៍ទាំងស្រុង ។ ចំណែកសហភាពអឺរ៉ុបប្រមុខការទូតរបស់ខ្លួន លោក JOSEP BORRELL នាយប់ថ្ងៃទី២៨ មីនា បានថ្កោលទោសថា នោះជាការប្រើអំពើហិ.ង្សាមិនអាចទទួលយកបានវាជាការប្រកាន់យកផ្លូវដែលគ្មានន័យរបស់របបយោធា ។ ក្នុងសេចក្ដីប្រកាសមួយតំណាងជាន់ខ្ពស់រូបនោះរបស់សហភាពអឺរ៉ុប ចាត់ទុកទិវាថ្ងៃទី២៨មីនាថាជាទិវាដ៏រន្ធត់និងអៀនខ្មាស់ ។
ប្រទេសមីយ៉ាន់ម៉ាកំពុងឆ្លងកាត់វិបត្តិធ្ងន់ធ្ងរមួយចាប់តាំងពីរដ្ឋប្រហារមក ។ ក៏ទោះបីមានការប្រមូលផ្ដុំមនុស្សតវ៉ាធំដុំ ពិសេសពីសំណាក់ពួកយុវជនរបស់ប្រទេស តែរបបយោធាហាក់តាំងចិត្តបង្ក្រាបកាន់តែខ្លាំង ។ តាមលោកស្រី SOPHIE BOISSEAU DUROCHERអ្នកឯកទេសខាងកិច្ចការអាស៊ី និងជាអ្នកស្រាវជ្រាវនៃវិទ្យាស្ថានទំនាក់ទំនាក់អន្តរជាតិបារាំងថា ចលនាតវ៉ាអាចនៅបន្តទៀត ។
លោកស្រីថា លោកស្រីមានការក្ដុកក្ដួលយ៉ាងខ្លាំងប៉ុន្តែមិនមានការភ្ញាក់ផ្អើល ព្រោះដឹងថាកងទ័ពមានទម្លាប់ធ្វើបែបនោះ ។ គួររំឭកថា ឧត្ដមសេនីយ MIN AUNG HLAING ជាអ្នកធ្វើការបង្ក្រាបប្រឆាំងពួករ៉ូហ៊ឺងយ៉ា កាលពីឆ្នាំ២០១៧ ។ គេដឹងពីលទ្ធផលប្រកបដោយសោកនាដកម្ម ហើយគេគិតថាឧត្ដមសេនីយរូបនោះពិតជានឹងមិនដកដៃចំពោះមុខអ្វីឡើយ ។ ទោះឧបករណ៍ណា ឬការគាបសង្កត់ណាក៏ប្រើឲ្យតែសម្រេចគោលដៅរបស់ខ្លួន ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ