ខេត្តបន្ទាយមានជ័យ ៖ អាជីវករទិញលក់ជ្រូកជាច្រើននាក់នៅបន្ទាត់ព្រំដែនក្នុងខេត្តបន្ទាយមានជ័យ នៅព្រឹកថ្ងៃទី២៩ មីនា ២០២១ នេះបានលើកគ្នាទៅកាន់សាលាឃុំអូរបីជាន់ ដើម្បីឲ្យអាជ្ញាធរជួយរកដំណោះស្រាយជាមួយក្រុមហ៊ុននាំចូលជ្រូកពីថៃមួយ ។ ក្នុងនោះ…
ខេត្តបន្ទាយមានជ័យ ៖ អាជីវករទិញលក់ជ្រូកជាច្រើននាក់នៅបន្ទាត់ព្រំដែនក្នុងខេត្តបន្ទាយមានជ័យ នៅព្រឹកថ្ងៃទី២៩ មីនា ២០២១ នេះបានលើកគ្នាទៅកាន់សាលាឃុំអូរបីជាន់ ដើម្បីឲ្យអាជ្ញាធរជួយរកដំណោះស្រាយជាមួយក្រុមហ៊ុននាំចូលជ្រូកពីថៃមួយ ។
ក្នុងនោះ ក្រុមអាជីវករលើកឡើងថា កន្លងមក ពួកគាត់តែងតែងរកស៊ីទិញលក់ជ្រូកមានតូចមានធំ ពីថៃតាមបន្ទាត់ព្រំដែនជាលក្ខណៈគ្រួសារតិចតួច ដោយខ្លះដឹកទៅលក់ឲ្យគេទិញចិញ្ចឹម និងខ្លះយកទៅកាប់លក់តាមទីជនបទ ពិសេសតាមភូមិ ស្រុកនៅបន្ទាត់ព្រំដែន ដើម្បីដោះស្រាយជីវភាពគ្រួសា និងបង់បំណុលធនាគារទេ។
ពួកគាត់បន្តថា មួយរយៈចុងក្រោយនេះ ស្រាប់តែមានបុគ្គលម្នាក់ ជាយោធាសឹករងខេត្តបន្ទាយមានជ័យអះអាងថា គាត់ជាតំណាងក្រុមហ៊ុននាំជ្រូកចូលពីប្រទេសថៃមួយ ហើយបានស្ទាក់ចាប់ជ្រូកពួកគាត់ជាបន្តបន្ទាប់ប្រគល់ឲ្យមន្ត្រីជំនាញដើម្បីតម្រូវឲ្យបង់ប្រាក់ជូនរដ្ឋ។ ក្រុមអាជីវករបន្តថា កន្លងមកពួកគាត់បានទាក់ទងទៅខាងក្រុមហ៊ុននាំចូលជ្រូកពីថៃនៅខេត្តឧត្តរមានជ័យនោះ ដើម្បីរកស៊ីទិញលក់តាមរយៈក្រុមហ៊ុនដែរ ប៉ុន្តែខាងក្រុមហ៊ុនហាក់ដាក់ឲ្យក្នុងតម្លៃដែលមិនអាចបានចំណេញទើបពួកគាត់បន្តនាំចូលជ្រូកពីថៃតាមរទេះ ឬរ៉ឺម៉កម៉ូតូសណ្តោងតាមច្រករបៀងដូចដើម ។
ពួកគាត់អះអាងថា ការលើកគ្នាជួបអាជ្ញាធរឃុំអូរបីជាន់នេះ គឺមិនមែនករណីតវ៉ាឬធ្វើបាតុកម្មអ្វីឡើយ ពោលគឺសុំឲ្យអាជ្ញាធរជួយធ្វើការសម្របសម្រួល ជាមួយខាងក្រុមហ៊ុន ឬតំណាងក្រុមហ៊ុនឲ្យពួកគាត់ បានរកស៊ីជាធម្មតាផង ។ ទោះជាតាមរយៈអាជ្ញាធរក៏បាន ព្រោះសម័យកូវីដនេះ លំបាកណាស់ ។ ម្យ៉ាងគ្មានប្រាក់ដោះស្រាយបំណុលធនាគាទេ។
អ្វីដែលសំខាន់ពួកគាត់ សុំរកស៊ីដូចពីមុនហើយថា បើក្រសួងពាក់ព័ន្ធចង់តម្រូវឲ្យពួកគាត់បង់ពន្ធជូនរដ្ឋត្រឹមត្រូវដូចខាងក្រុមហ៊ុន ពួកគាត់មិនបដិសេធន៍ទេ សំខាន់ត្រូវមានទីតាំងបង់ពន្ធកន្លែងណាមួយដែលជិតនិងងាយស្រួលសម្រាប់ពួកគាត់។
ពាក់ព័ន្ធករណីនេះ លោកហ៊ុយ ទូច ប្រធានការិយាល័យបសុព្យាបាលនៃមន្ទីរកសិកម្មខេត្តប្រាប់តាមទូរស័ព្ទថាជំនាញនៅតែអនុវត្តវិធានការច្បាប់ ដើម្បីទប់ស្កាត់ការីករាលដាលជំងឺឆ្លងពីប្រទេសជិតខាង និងជម្រុញការលើកទឹកចិត្តដល់អ្នកចិញ្ចឹមសត្វក្នុងស្រុកតាមគោលការណ៍ណែនាំរបស់ឯកឧត្តមអគ្គនាយកដ្ឋាន,ឯកឧត្តមរដ្ឋមន្ត្រីក្រសួងកសិកម្ម។
ដោយឡែក មន្ត្រីយោធាម្នាក់ដែលរងកាចោទប្រកាន់ថា នាំកម្លាំងស្ទាក់ចាប់ជ្រូករបស់អាជីវករ ហើយអះអាងថា ជាតំណាងក្រុមហ៊ុននាំចូលជ្រូកពីថៃ មិនអាចទាក់ទងសុំកាបំភ្លឺបានទេ ដោយទូរស័ព្ទចុចចូលគ្មានអ្នកទទួល។
ឆ្លើយតបនិងសំណើឲ្យជួយរបស់អាជីវករខាងលើ លោកតុល សារិន មេឃុំអូរបីជាន់ប្រាប់អាជីវករថា លោកនឹងជួបជាមួយខាងក្រុមហ៊ុន ឬតំណាងក្រុមហ៊ុន ដើម្បីពិភាក្សាក្រែងមានច្រកចេញនៅពេលណាមួយ។
លោកមេឃុំបន្តថា នឹងធ្វើរបាយការណ៍ជូនទៅថ្នាក់លើផងដែរ៕ ដោយ ៖ មុត សារុន
ព័ត៌មានបន្ថែមនឹងមានផ្សាយជូនបន្ត ។
ចែករំលែកព័តមាននេះ