ប្រទេសឥណ្ឌូណេស៊ី ៖ មនុស្សយ៉ាងតិច១៤នាក់រងរបួស កាលពីថ្ងៃទី២៨ ខែមីនា ឆ្នាំ២០២១ ក្នុងការវាយប្រហារអត្តឃា.តមួយ សំដៅលើព្រះវិហារគ្រឹស្ត នាក្រុង MAKASSAR…
ប្រទេសឥណ្ឌូណេស៊ី ៖ មនុស្សយ៉ាងតិច១៤នាក់រងរបួស កាលពីថ្ងៃទី២៨ ខែមីនា ឆ្នាំ២០២១ ក្នុងការវាយប្រហារអត្តឃា.តមួយ សំដៅលើព្រះវិហារគ្រឹស្ត នាក្រុង MAKASSAR ស្ថិតនៅភាគខាងកើតឥណ្ឌូណេស៊ី បន្ទាប់ពីពិធីសូត្រធម៌មួយកំណត់សម្រាប់គ្រឹស្តសាសនិក ការចាប់ផ្ដើមសប្ដាហ៍សាំង (SEMAINE SAINTE)។
យោងតាមប៉ូលិសថា ការផ្ទុះដែលពិតជាខ្លាំង កើតមាននាវេលាម៉ោង១០និង៣០នាទីម៉ោងក្នុងស្រុក។ នៅខាងក្រៅព្រះវិហារ ស្ថិតនៅភាគខាងត្បូងកោះសេឡែប តាមរូបភាពនានាបង្ហាញពីមនុស្សម្នាដួលរដូករណែល។ ហើយមនុស្សយ៉ាងតិច១៤នាក់រងរបួស តែគេមិនបញ្ជាក់ពីស្ថានភាពរបស់ពួកគេឡើយ។
អ្នកនាំពាក្យរបស់ប៉ូលិសជាតិ លោក ARGO YUWONO បានថ្លែងថា មនុស្ស២នាក់ជិះម៉ូតូ ពេលការផ្ទុះកើតមាននៅខ្លោងទ្វារសំខាន់នៃព្រះវិហារនោះ ដោយពួកអ្នកវាយប្រហារប៉ុនប៉ងចូលទៅខាងក្នុងបរិវេណព្រះវិហារផងដែរ។ ចំណែកម៉ូតូក៏រងការបំផ្លាញទាំងស្រុង និងមានបំណែកសាកសពមនុស្ស។ ហើយយើងកំពុងតែប្រមែប្រមូល និងសាកល្បងកំណត់ភេទរបស់អ្នកវាយប្រហារទាំង២នាក់នោះ។
មុននេះបន្តិ ចប៉ូលិសខេត្ត ស៊ូឡាវេស៊ីខាងត្បូង ដែលមានក្រុង MAKASSAR ជាទីប្រជុំជនធ្លាប់អះអាងថា អ្នកវាយប្រហារយ៉ាងតិចម្នាក់បានត្រូវស្លា.ប់។ អភិបាលក្រុងកំពង់ផែនោះលោកម៉ូហាម៉ាដរ៉ាមដាន ក៏បាននិយាយថា បំណែកសាច់មនុស្សមានរាយប៉ាយនៅជិតព្រះវិហារនោះ និងនៅតាមដងវិថីផងដែរ។
ចំណែកសាក្សីម្នាក់និយាយថា ការផ្ទុះនោះពិតជាខ្លាំងបំផុត។ ហើយប៉ូលិសក៏បានអះអាងថា ភ្នាក់ងារសន្តិសុខម្នាក់ ប៉ុនប៉ងរារាំងម៉ូតូនោះមិនឲ្យចូលក្នុងបរិវេណព្រះវិហារឡើយ មុនពេលមានការផ្ទុះដែលកើតមាន ក្រោយចប់ពិធីសូត្រធម៌។ រីឯរថយន្តជាច្រើនគ្រឿងក៏រងការបំផ្លាញជិតព្រះវិហារ។ ហើយបណ្ដាព្រះវិហារគ្រឹស្តតាំងពីមុនរៀងមក ជាគោលដៅវាយប្រហាររបស់ពួកជ្រុលនិយមនៅឥណ្ឌូណេស៊ី ជាប្រទេសដែលប្រជាជនភាគច្រើនជាគ្រឹស្តសាសនិក៕ ដកស្រង់ចេញពីវេបសាយ ៖ francetvinfo
ចែករំលែកព័តមាននេះ