អន្តរជាតិ ៖ ក្រុមបាល់ទាត់ជម្រើសជាតិអាល្លឺម៉ង់ ក្លាយជាប្រទេសទី ២ បានបង្ហាញសកម្មភាពប្រឆាំងនឹងកំណត់ត្រារំ.លោ.ភសិទ្ធិមនុស្សរបស់ប្រទេសកាតា នៅមុនការប្រកួតជម្រុះ World Cup នៅតំបន់អឺរ៉ុប…
អន្តរជាតិ ៖ ក្រុមបាល់ទាត់ជម្រើសជាតិអាល្លឺម៉ង់ ក្លាយជាប្រទេសទី ២ បានបង្ហាញសកម្មភាពប្រឆាំងនឹងកំណត់ត្រារំ.លោ.ភសិទ្ធិមនុស្សរបស់ប្រទេសកាតា នៅមុនការប្រកួតជម្រុះ World Cup នៅតំបន់អឺរ៉ុប ដែលពួកគេបានយកឈ្នះលើអ៊ីស្លង់ដោយលទ្ធផល ៣-០ កាលពីយប់មិញ។
កីឡាករអាល្លឺម៉ង់បាននាំគ្នាពាក់អាវខ្មៅ ដែលភ្ជាប់មកជាមួយអក្សរនៃពាក្យថា «Human Rights» អំឡុងពេលការថតរូបជាក្រុមមុនពេលការប្រកួតចាប់ផ្តើម។ ខណៈសកម្មភាពនេះ បានចាប់ផ្តើមដំបូងដោយក្រុមជម្រើសជាតិន័រវែស។
សកម្មភាពខាងលើតំណាងឱ្យជំហរប្រឆាំងនឹងការរំ.លោ.ភបំពានសិទ្ធិមនុស្សយ៉ាងធ្ងន់ធ្ងរលើកម្មករចំណាកស្រុកនៅកាតា ដែលជាប្រទេសទទួលសិទ្ធិធ្វើជាម្ចាស់ផ្ទះព្រឺត្តិការណ៍ World Cup ឆ្នាំ ២០២២ ខាងមុខ។
រំលឹកជូនថា យោងតាមរបាយការណ៍ស៊ើបអង្កេតពីកាសែត The Guardian របស់ចក្រភពអង់គ្លេសបានអះអាងថា កម្មករចំណាកស្រុករាប់ពាន់នាក់បានស្លា.ប់ អំឡុងពេលការសាងសង់កីឡាដ្ឋានចំនួន ៧ ត្រៀមសម្រាប់ព្រឹត្តិការណ៍ World Cup ឆ្នាំ ២០២២ ដែលនឹងចាប់ផ្តើមនាថ្ងៃទី ២១ ខែ វិច្ឆិកា ដល់ថ្ងៃទី ១៨ ខែ ធ្នូ ឆ្នាំ ២០២២ ខាងមុខ៕
ចែករំលែកព័តមាននេះ