ខេត្តរតនគិរី៖ ឯកឧត្តម ថង សាវុន អភិបាលខេត្តរតនគិរីបានធ្វើការណែនាំដល់បងប្អូនអាជីករដែលលក់ដូរ និងភ្ញៀវដែលមកទទួលទានអាហារពេលរាត្រី សូមមេត្តាអនុវត្តឱ្យបានខ្ជាប់ខ្ជួននូវវិធានការរបស់ក្រសួងសុខាភិបាល គឺរក្សាគម្លាតពាក់ម៉ាស់ និងលាងដៃជាមួយសាប៊ូអាល់កុល មុនទទួលទានអាហារ ។
ការណែនាំនេះ ធ្វើឡើងក្នុងឱកាស ដែលឯកឧត្តមអភិបាលខេត្តបានអញ្ជើញចុះពិនិត្យសកម្មភាពលក់ដូរ ពេលយប់តាមដងផ្លូវឯកឧត្តមនាយឧត្តមសេនីយ៍ព្រឹទ្ធាចារ្យប៊ូថង ចំណុចមុខសួនកុមារ,។ អ្នកលក់ដូរតាមមាត់បឹងកន្សែង, អ្នកលក់ដូរជុំវិញផ្សារក្រុងបានលុង, អ្នកលក់ដូរម្តុំផ្សារតាយសេង ស្ថិតក្នុងក្រុងបានលុង នាយប់ថ្ងៃទី២៣ ខែមីនា ឆ្នាំ២០២១ ។
ឯកឧត្តមបន្តថា ទោះបីខេត្តរតនគិរីមិនទាន់មានករណីវិជ្ជមានកូវីដ-១៩ ក៏ដោយ សូមពុកម៉ែបងប្អូនប្រជាពលរដ្ឋយើងមានការប្រុងប្រយ័ត្នឱ្យបានខ្ពស់កុំមើលស្រាលជំងឺកូវីដ-១៩ឱ្យសោះពីព្រោះបច្ចុប្បន្នវាកំពុងរីករាលដាលក្នុងសហគមន៍នៅតាមបណ្តាខេត្តរាជធានីនានា កើនឡើងជាបន្តបន្ទាប់គួឱ្យព្រួយបារម្ភ ។
ក្នុងឱកាសនេះឯកឧត្តមបានដាក់បញ្ជាឱ្យអាជ្ញាធរក្រុងបន្តចុះណែនាំដល់ប្រជាពលរដ្ឋតាមទីសាធារណៈនានាឱ្យចូលរួមទប់ស្កាត់ការរីករាលដាលមេរោគកូវីដ-១៩ ទាំងអស់គ្នាការអនុវត្តន៍ អនុសាសន៍ណែនាំរបស់សម្តេចតេជោហ៊ុនសែន គឺ៣ការពារ!៣កុំ! ៕
ចែករំលែកព័តមាននេះ