ខេត្តកំពង់ឆ្នាំង ៖ មន្ត្រីនៃស្នងការនគរបាលខេត្តកំពង់ឆ្នាំង នៅរសៀលថ្ងៃទី 23 ខែមីនា ឆ្នាំ 2021 បាននាំយកអំណោយទៅផ្ដល់ជូនក្រុមគ្រូពេទ្យដែលកំពុងតែអនុវត្តសកម្មភាព ចាក់ថ្នាំការពារជំងឺកូវីដ១៩…
ខេត្តកំពង់ឆ្នាំង ៖ មន្ត្រីនៃស្នងការនគរបាលខេត្តកំពង់ឆ្នាំង នៅរសៀលថ្ងៃទី 23 ខែមីនា ឆ្នាំ 2021 បាននាំយកអំណោយទៅផ្ដល់ជូនក្រុមគ្រូពេទ្យដែលកំពុងតែអនុវត្តសកម្មភាព ចាក់ថ្នាំការពារជំងឺកូវីដ១៩ នៅមន្ទីរពេទ្យខេត្តកំពង់ឆ្នាំង ។
លោក អៀរ ប៊ុនធឿន ស្នងការរងនគរបាលខេត្តកំពង់ឆ្នាំង បានមានប្រសាសន៍ថា៖ ជំនួសឱ្យលោកឧត្តមសេនីយ៍ទោ ខូវ លី ស្នងការនគរបាលខេត្តកំពង់ឆ្នាំង ដែលបានដឹងគុណដល់កិច្ចខិតខំប្រឹងប្រែងរបស់ក្រុមគ្រូពេទ្យ ដែលបានយកចិត្តទុកដាក់ចាក់វ៉ាក់សាំងការពារកូវីដដល់មន្ត្រីនគរបាល ក្នុងរយៈពេលជិតមួយខែកន្លងទៅនេះ ។
ថ្ងៃនេះលោកស្នងការនគរបាលខខេត្ត បានផ្ដល់ជូននូវអំណោយមួយចំនួនដែលបានពីសប្បុរសជននានាក្នុងខេត្ត យកមកផ្ដល់ជូនដល់ក្រុមគ្រូពេទ្យ ដែលប្រចាំការនៅកន្លែងចាក់ថ្នាំការពារកូវីដ១៩ ។ អំណោយដែលបានផ្តល់ជូននៅពេលនេះរួមមាន៖ ត្រីខ២០យួរ, មី២០កេស, ទឹកសុទ្ធ១០កេស និងទឹកក្រូច១០កេស។
ក្នុងឱកាសនោះដែរ លោកវិជ្ជបណ្ឌិត ទុំ សម្បត្តិ ប្រធានមន្ទីរពេទ្យ បង្អែកខេត្តកំពង់ឆ្នាំង ក៏បានថ្លែងអំណរអរគុណដល់មន្ត្រីនគរបាលខេត្ត ដែលបាននាំយកអំណោយផ្តល់ជូនក្រុមគ្រូពេទ្យកំពុងប្រតិបត្តិការចាក់ថ្នាំការពារជំងឺកូវីដ១៩ ។
ជាមួយគ្នានេះ លោកក៏បានផ្ដាំផ្ញើដល់មន្ត្រីនគរបាលដែលបានចាក់ថ្នាំកូវីដ១៩ ទាំងលើកទី១ និងលើកទី២ សូមអនុវត្តតាមការណែនាំរបស់គ្រូពេទ្យឲ្យបានខ្ជាប់ខ្ជួន។
សូមរំឮកថា កន្លងមក ស្នងការដ្ឋាននគរបាលខេត្តបានផ្តល់អំណោយជូនដល់ក្រុមគ្រូពេទ្យដែលកំពុងធ្វើសកម្មភាពចាក់ថ្នាំការពារកូវីត១៩ នៅមណ្ឌល២ទៀត គឺមណ្ឌលស្រុកកំពង់ត្រឡាច និងស្រុកបរិបូរណ៌ ផងដែរ៕
ចែករំលែកព័តមាននេះ