ប្រទេសអូស្ត្រាលី ៖ ភ្លៀងបានធ្លាក់យ៉ាងខ្លាំងនៅតំបន់ឆ្នេរសមុទ្រខាងកើតអូស្ត្រាលីកាលពីចុងសប្ដាហ៍ បណ្ដាលឲ្យមានទឹកជំនន់ដ៏អាក្រក់បំផុតពុំធ្លាប់មានចាប់តាំងពីកន្លះសតវត្សមកហើយ ក្នុងផ្នែកមួយចំនួនរបស់ប្រទេស បង្ខំឲ្យមនុស្សច្រើនពាន់នាក់ ត្រូវជម្លៀសចេញពីផ្ទះសម្បែង។ លោកGLADYS BEREJIKLIANនាយករដ្ឋមន្ត្រីនៃរដ្ឋនូវែលហ្គាល់ខាងត្បូងថ្លែងថា ភ្លៀងបានធ្លាក់ខ្លាំងបំផុតលើរដ្ឋនោះ…
ប្រទេសអូស្ត្រាលី ៖ ភ្លៀងបានធ្លាក់យ៉ាងខ្លាំងនៅតំបន់ឆ្នេរសមុទ្រខាងកើតអូស្ត្រាលីកាលពីចុងសប្ដាហ៍ បណ្ដាលឲ្យមានទឹកជំនន់ដ៏អាក្រក់បំផុតពុំធ្លាប់មានចាប់តាំងពីកន្លះសតវត្សមកហើយ ក្នុងផ្នែកមួយចំនួនរបស់ប្រទេស បង្ខំឲ្យមនុស្សច្រើនពាន់នាក់ ត្រូវជម្លៀសចេញពីផ្ទះសម្បែង។
លោកGLADYS BEREJIKLIANនាយករដ្ឋមន្ត្រីនៃរដ្ឋនូវែលហ្គាល់ខាងត្បូងថ្លែងថា ភ្លៀងបានធ្លាក់ខ្លាំងបំផុតលើរដ្ឋនោះ ដែលមានប្រជាជន៨លាននាក់ ជារដ្ឋមានប្រជាជនច្រើនជាងគេរបស់អូស្ត្រាលី ពិសេសនៅភាគពាយ័ព្យក្រុងសីុដនី។ យោងតាមផ្នែកសង្គ្រោះថា ផ្ទះជាច្រើនរយខ្នងរងការខូចខាត។
ផ្លូវថ្នល់ជាច្រើនបានត្រូវបិទក្នុងរដ្ឋនោះ ហើយបណ្ដាសាលារៀនផ្អាកការសិក្សា សម្រាប់ថ្ងៃទី២២មីនា ។ ទំនប់ជាច្រើនក្នុងនោះមានទំនប់WARRAGANBA ជាប្រភពទឹកសំខាន់នៃក្រុងសីុដនីទឹកបានត្រូវបញ្ចេញ នាំឲ្យស្ទឹងនានាមានទឹកជោរជន់។ខាងផ្នែកឧតុនិយមនិយាយថា ភ្លៀងធ្លាក់ខ្លាំងនឹងបន្តរយៈពេលច្រើនថ្ងៃទៀត៕ ដោយ៖ ខាន់សុខឃន
ចែករំលែកព័តមាននេះ