ខេត្តបន្ទាយមានជ័យ ៖ រឿងដីដែលវត្ត«ទួលចារង្សី»បានទិញ និងមួយចំនួនទៀត អាជ្ញាធរប្រគល់ឱ្យទុកធ្វើជាសម្បត្តិវត្ត នាពេលកន្លងមក ក្នុងភូមិពាមកំពង់ក្រសាំង ឃុំភ្នំលាប ស្រុកព្រះនេត្រព្រះ ពេលនេះបានក្លាយជារឿងចម្រូងចម្រាស់…
ខេត្តបន្ទាយមានជ័យ ៖ រឿងដីដែលវត្ត«ទួលចារង្សី»បានទិញ និងមួយចំនួនទៀត អាជ្ញាធរប្រគល់ឱ្យទុកធ្វើជាសម្បត្តិវត្ត នាពេលកន្លងមក ក្នុងភូមិពាមកំពង់ក្រសាំង ឃុំភ្នំលាប ស្រុកព្រះនេត្រព្រះ ពេលនេះបានក្លាយជារឿងចម្រូងចម្រាស់ ព្រោះមានអ្នកចង់លក់ ។
តាមពលរដ្ឋប្រហែល៣០០គ្រួសារ ក្នុងនោះមានទាំងអនុគណៈកម្មការវត្ត,អាចារ្យរង,អនុគណៈកម្មការសាងសង់វត្ត ក្នុងភូមិចំនួន៣ នៃឃុំកើតហេតុ បាននាំគ្នាផ្តិតមេដៃ ដើម្បីទប់ស្កាត់ករណីគេប្រុងលក់ដីដែលវត្តបានទិញនេះ ដោយពួកគាត់អះអាងថា ចង់ឲ្យរក្សាទុកជាសម្បត្តិវត្តដូចដើម ព្រោះត្រូវទុកទីនោះធ្វើជាសាលាឆទាន ឬកន្លែងចតទូកក្តាសម្រាប់ពុទ្ធបរិស័ទ ដែលទៅមកធ្វើបុណ្យទានឬពិធីផ្សេងៗរាល់រដូវវស្សា ព្រោះជាតំបន់ទឹកលិច។
ពួកគាត់លើកឡើងថា ដីខាងលើទំហ៊ុម៣០ម៉ែត្រគុណនិង៤០ម៉ែត្រ និងបញ្ជាក់ថា ទីតាំងកើតហេតុបច្ចុប្បន្នមានពលរដ្ឋចំនួន៣គ្រួសាសុំស្នាក់នៅដោយមានលិខិតដឹងឮនៃកាសុំស្នាក់នៅនោះ ពីសំណាក់អាជ្ញាធរភូមិចំនួន២,ឃុំ និងគណៈកម្មការវត្តត្រឹមត្រូវ។ ពលរដ្ឋបន្តទៀតថា កាលពីអំឡុងខែមិថុនា២០២០ព្រះសង្ឃ ក៏ដូចជាគណៈកម្មការវត្តបានហៅពុទ្ធបរិស័ទ្ធប្រជុំនៅក្នុងបរិវេណវត្តទួលចារង្សីហើយសុំពលរដ្ឋលក់ដី ដើម្បីយកថវិកាសាងសង់ព្រះវិហ៊ា១តែពលរដ្ឋបដិសេធ។
លុះប៉ុន្មានថ្ងៃចុងក្រោយនេះ ស្រាប់ធ្លាយព័ត៌មានចេញមកពីគណៈកម្មការវត្តថាដីខាងលើ បានលក់ហើយតម្លៃ៣០ម៉ឺនបាតទើបពួកគាត់នាំគ្នាផ្តិតមេដៃ ដើម្បីដាក់ពាក្យបណ្តឹងជូនថ្នាក់លើឲ្យជួយទប់ស្កាត់ដោយសំអាងថា បើវត្តខ្វះខាតពួកគាត់សុខចិត្តរៃអង្គាសថវិកាគ្នាជួយកសាងវត្តវិញ។ ក្រុមពលរដ្ឋសង្ស័យថា ដីខាងលើអាចគេលក់ឲ្យគ្រួសាចំនួន២ក្នុងចំណោម៣គ្រួសាដែលសុំអាជ្ញាធរនិងវត្តស្នាក់នៅ។
ទោះជាយ៉ាងណាគ្រួសារទាំង៣ ដែលសុំស្នាក់នៅលើដីដែលគណៈកម្មការវត្តបានទិញប្រាប់កោះសន្តិភាពថា គ្រួសារពួកគាត់មិនបានទិញដីពីអាជ្ញាធរនោះទេ មកទល់ពេលនេះប៉ុន្តែទទួលស្គាល់ថា ន្លងមក ខាងវត្តបានហៅទៅជួបហើយប្រាប់ថា វត្តនិងកសាងព្រះវិហ៊ារហើយមានការខ្វះខាត..តើមានអ្វីដោះដូរទេ? ហើយទទួលស្គាល់ថាពួកគាត់បានសុំដីវត្តរស់នៅមែនតាំងពីឆ្នាំ២០១២។
មេភូមិពាមកំពង់ក្រសាំងលោកសាតអឿងប្រាប់តាមទូរស័ព្ទថា ទីតាំងខាងលើពីអតីតជាដីវត្តមែនគឺទិញពីពលរដ្ឋប៉ុន្តែក្រោយមកខណៈខាងវត្តស្នើសុំធ្វើកំពង់កាណូតឬទូកអាជ្ញាធរឃុំមិនអនុញ្ញាតដោយលើកឡើងថាក្រៅរបងវត្តជាដីរបស់រដ្ឋ។លោកបន្តថាតាមពិតកន្លងទៅថ្មីៗនេះដោយសាមើលឃើញថា វត្តទួលចារង្សីពុំទាន់មានព្រះវិហ៊ាអាជ្ញាធរនិងព្រះសង្ឃពិសេសគណៈកម្មការវត្តក៍ពិគ្រោះគ្នាគ្រោងលក់ដីទីតាំងខាងលើទៅឲ្យអ្នកសុំស្នាក់នៅទាំង៣គ្រួសាក្នុងតម្លៃ៣០ម៉ឺនបាតមែនប៉ុន្តែមិនទាន់បានលុយកាក់ឬលក់ពិតប្រាកដនៅឡើយទ។
ដោយឡែក ចៅអធិការវត្តព្រះនាមស៊ុំ ឈឿម និងអាចារ្យរងលោកធឿម ធឿន មានសង្ឃដិកា និងប្រាប់ថារឿងដីខាងលើមិនស្ថិតក្នុងរបងវត្តទេ ហើយអាជ្ញាធរថា បើដីនៅក្រៅរបងវត្តជាដីរបស់រដ្ឋ ប៉ុន្តែថាកាលពីមុនជាដីរបស់វត្តទិញពីពលរដ្ឋមែនហើយថាថ្មីៗនេះអាជ្ញាធរបានពិគ្រោះគ្នាជាមួយគណៈកម្មការវត្តគ្រោងលក់ដីនេះ ដើម្បីយកថវិកាសាងសង់ព្រះវិហារមែន។
ដ្បិតអាជ្ញាធរអះអាងថា ទីតាំងកើតហេតុមិនមែនជាដីរបស់វត្ត ព្រោះខាងក្រៅរបងប៉ុន្តែសម្រាប់គ្រួសាមួយប្តីឈ្មោះស៊ត់ មានប្រពន្ធឈ្មោះមុត ម៉ុំបែជាពាក្យសុំកាន់កាប់ដីធ្លីរបស់គាត់ដែលចុះហត្ថលេខានិងប្រថាប់ត្រាពីអាជ្ញាធរតាំងពីថ្នាក់ភូមិរហូតដល់ស្រុកបានបញ្ជាក់ថា ព្រំប្រទល់ខាងត្បូងជាប់និងដីវត្តទៅវិញ។ ករណីនេះ ធ្វើឲ្យអ្នកស្រុកកាន់តែមានចម្ងល់ព្រោះអ្នករស់នៅជាប់ព្រំខាងត្បូងរបស់គ្រួសាខាងលើគឺជាពលរដ្ឋស្នើសុំដីអាជ្ញាធរនិងវត្តស្នាក់នៅ៕ ដោយ៖ មុត សារុន
ចែករំលែកព័តមាននេះ