ខេត្តរតនគិរី ៖ ជនសង្ស័យម្នាក់ ត្រូវបានកម្លាំងអធិការក្រុងបានលុងធ្វើការឃាត់ខ្លួនពីបទចោរកម្មបញ្ជូនទៅសាលាដំបូងខេត្ត ។ ការឃាត់ខ្លួនសមត្ថកិច្ចបានធ្វើឡើង នៅវេលាម៉ោង ១៧និង៣០នាទីថ្ងៃទី១៧ ខែមីនា ឆ្នាំ២០២១ នៅត្រង់ចំណុចភូមិអភិវឌ្ឍន៍សង្កាត់ ឡាបានសៀក ក្រុងបានលុង ខេត្តរតនគិរី ។
ប្រភពបានឱ្យដឹងថា ជនសង្ស័យត្រូវឃាត់ខ្លួននោះ ជាប់ពាក់ព័ន្ធ និងករណីលួចទ្រព្យសម្បត្តិ របស់ប្រជាពលរដ្ឋ ។
ការបង្ក្រាបឃាត់ខ្លួននោះក្រោមការសម្របសម្រួលនីតិវិធីពីលោក លាង អ៊ូ ព្រះរាជ អាជ្ញារងអមសាលាដំបូងខេត្តហើយជនសង្ស័យមានឈ្មោះ លី ម៉េងជាង (ហៅ ហ៊ីវ) ភេទប្រុស អាយុ៤៣ឆ្នាំ ជនជាតិខ្មែរកម្ពុជាក្រោម មុខរបរជាងសំណង់ មានទីលំនៅ ភូមិភ្នំស្វាយ សង្កាត់ បបឹងកន្សែង ក្រុងបានលុង ខេត្តរតនគិរី។ ក្រោយឃាត់ខ្លួនធ្វើតេស្តរកសារធាតុញៀន ឃើញវិជ្ជមាន (+) ទៀតផង ។
ពេលឃាត់ខ្លួននោះសម្ភារៈដកហូតបានរួមមាន ៖ ម៉ូតូ០១គ្រឿង ម៉ាកវេវអូសរឺម៉ក និងដែកអេតចាយមួយចំនួនទៀតផងដែរ ។
បច្ចុប្បន្នជនសង្សយ័រួមទាំងវត្ថុតាងកំពុងឃាត់ និងរក្សាទុកបណ្តោះអាសន្ននៅអធិការដ្ឋានក្រុងបានលុងកសាងសំណុំរឿងបញ្ជូនទៅអយ្យការអមសាលាដំបូងខេត្តរតនគិរីចាត់ការតាច្បាប់ ៕
ចែករំលែកព័តមាននេះ