រាជធានីភ្នំពេញ ៖ នៅពេលនេះកែវ ចាន់និមល បានចេញមុខជាលើកទី២ ដើម្បីបង្ហាញអំពីស្ថានភាពកូវីដដែលបានឆ្លងមកខ្លួន និងប្តីកូន ។ អ្នកនាងនៅតែទទួលបានភាពប្រសើរឡើងក្នុងសភាពជំងឺ ក្រោយពេលសម្រាកពេទ្យ ។ អ្វីដែលល្អ គឺរូបមន្តមួយចំនួនដែលចាន់ កែវនិមលផ្តល់អោយមហាជន បានដឹងពីក្បួនព្យាបាល ។
សន្លឹករូបថត និងភាពស្រស់ស្រាយនេះបានធ្វើអោយអ្នកគាំទ្រហាក់ធូរទ្រូងខ្លះព្រោះ មេរោគនេះ រាតត្បាតលឿនហើយ សុទ្ធតែជូនពរអោយឆាប់ជាវិលជួបអ្នកគាំទ្រវិញ ។ មកទល់ពេលនេះ កែវ ចាន់ និមល ពិធីការិនីករ ឆ្នើមជួរមុខរបស់ហង្សមាស បានសម្រាកនៅមន្ទីរពេទ្យព្យាបាលកូវីដ១៩ អស់រយៈពេលប៉ុន្មានថ្ងៃមកហើយ ពោលតាំងពីយប់ថ្ងៃទី៨ មិនា ឆ្នាំ២០២១មក ។
អ្នកនាង ធ្លាប់បានប្រាប់មហាជនហើយថា ខ្លួនពិតជាបានការពារខ្លួនយ៉ាងហ្មត់ចត់ ប៉ុន្តែនៅតែភ្លាត់ស្នៀតពេលកំពុងថតស្ពតអប់រំមួយនិយាយពីកូវីដ កាលពីចុងខែកុម្ភៈ ។ នេះជាវិបត្តិសេរីមួយដែលអ្នកនាងជួបហើយខំតស៊ូ ដោយភាពរឹងមាំឡើងវិញ ។ លើសពីនេះនិមលក៏ផ្តាំដល់ពលរដ្ឋយើងត្រូវការពារ អោយល្អ កុំមើលស្រាល មេរោគនេះ មើលមិនឃើញហើយ មានគ្រប់ទិសទី ។
អ្នកនាងកែវ ចាន់និមល បានបង្ហាញសំណេរនៅបណ្តាញសង្គមខ្លួនថា «ជម្រាបសួរបងប្អូនទាំងអស់គ្នា ថ្ងៃនេះស្ថានភាពក្រុមគ្រួសារខ្ញំ រួមទាំងប៉ាម៉ាក់ គឺប្រសើរជាងប៉ុន្មានថ្ងៃមុនច្រើន យើងព្យាយាមញាំទឹកក្តៅ ខ្ពុលទឹកអំបិល ខំញាំ និងសម្រាក ជាពិសេសព្យាយាមហាត់ប្រាណខ្លះទៀតបន្ថែមជាមួយការញាំថ្នាំទៀងទាត់ ។
អរគុណក្រុមគ្រូពេទ្យប្រចាំការទាំងអស់ដែលបានលះបង់កម្លាំងកាយកម្លាំងចិត្តក្នុងការយកចិត្តទុកដាក់មើលថែរយើងខ្ញំបានយ៉ាងល្អ សូមបងប្អូនថែរទាំសុខភាពទាំងអស់គ្នា » ៕
ចែករំលែកព័តមាននេះ