កាលពីពេល ថ្មីៗកន្លងមកក្រុមហ៊ុន Google បានប្ដូរស្លាកសញ្ញា (ឡូហ្គោ) ថ្មីរបស់ខ្លួនកាន់តែមានសោភ័ណភាពជាងមុន ពោលគឺតួពុម្ពអក្សរថ្មីធំ និងពេញរូបរាងល្អជាងស្លាកសញ្ញាមុនដែលមានរាងស្គម ។ ការផ្លាស់ប្តូរឡូហ្គោថ្មីនេះក្រោយពីបានបង្កើតក្រុមហ៊ុនបុត្រសម្ព័ន្ធឈ្មោះថា «Alphabet» ។ ក្រុមហ៊ុន Google ឱ្យដឹងថា ដោយសារតែការចូលក្នុងវេបសាយរបស់ក្រុមហ៊ុន មានសន្ទុះកើនឡើងខ្ពស់លើស្មាតហ្វូន ជាជាងកុំព្យូទ័រទើបសម្រេចចិត្តប្តូរឡូហ្គោតែម្តង ។
ប្តូរចំពោះតែពុម្ពអក្សរប៉ុណ្ណោះ ចំណែកពណ៌ដែលមាន៤ពណ៌ គឺពណ៌ខៀវផ្តើមពីអក្សរ G ដំបូងគេ, អក្សរ O ពណ៌ក្រហម, តួអក្សរ O ពណ៌លឿងដដែល បន្ទាប់មកអក្សរ g ពណ៌ខៀវ, អក្សរ l ពណ៌បៃតង និងអក្សរ e ពណ៌ក្រហមនៅដដែល ។ អក្សរទាំងអស់នេះបង្កើតបានជាឈ្មោះ Google ។
ក្រុមហ៊ុនមួយនេះបានបញ្ចេញឡូហ្គោដើមដំបូងបង្អស់នៅឆ្នាំ១៩៩៨ ហើយបានផ្លាស់ប្តូរជាច្រើនលើកច្រើនសាមកហើយ ។ កាលពីឆ្នាំ ២០១៣ ក៏មានការផ្លាស់ប្តូរដែរដែលតួអក្សរមានទំហំសំប៉ែត ៕
ចែករំលែកព័តមាននេះ