រ៉េត សារីតា ចាប់ផ្តើមបង្វឹកខ្លួនឱ្យខ្លាំងឆ្ពោះទៅកាន់ឆាកអន្តរជាតិ
- ភ្នំពេញ
រាជធានីភ្នំពេញ ៖ សល់តែមួយរយៈខ្លឺទៀតទេ កញ្ញា រ៉េត សារីតា បវរកញ្ញាចក្កវាឡកម្ពុជា ទទួលបានមកុដលេខ១ នឹងហោះទៅប្រកួតឆាកបវរកញ្ញាធំ នាសហរដ្ឋអាមេរិក។…
រាជធានីភ្នំពេញ ៖ សល់តែមួយរយៈខ្លឺទៀតទេ កញ្ញា រ៉េត សារីតា បវរកញ្ញាចក្កវាឡកម្ពុជា ទទួលបានមកុដលេខ១ នឹងហោះទៅប្រកួតឆាកបវរកញ្ញាធំ នាសហរដ្ឋអាមេរិក។ មានការជឿជាក់លើបវរកញ្ញាកម្ពុជានេះណាស់ ដោយសារតែបេក្ខភាពរូបនេះពោរពេញទៅដោយសមត្ថភាព និងទេពកោសល្យពេញខ្លួន រាប់ទាំងកម្រិតភាសា។
រឿងកម្ពស់របស់ រ៉េត សារីតា ដែលមិនសូវរលូន លែងជាបញ្ហាចោទទៀតហើយ បន្ទាប់ពី Miss Universe Cambodia 2020 រូបនេះ ត្រូវបានបរទេសនៅជុំវិញពិភពលោក ស្ងើចសរសើរថា ពិតជាមិនអន់ ហើយពូកែចង់គ្រប់មុខ។ តូចល្អិតមែន តែភាពជឿជាក់នាង ពោរពេញដោយការយកចិត្តទុកដាក់ខ្ពស់។
យ៉ាងនេះហើយ សារីតា កំពុងតែធ្វើអោយមហាជនតាមដាន ហើយលើកទឹកចិត្តនាងគ្រប់គ្នា ខណៈប្រទេសមួយចំនួនលើកសរសើរថា កម្ពុជារើសបានបេក្ខភាពមួយល្អសព្វយ៉ាងគួរអោយភ្ញាក់ផ្អើល។
ការប្រឡងបវរកញ្ញាចក្រវាឡពិភពលោក កំពុងឆ្ពោះដំណើរទៅមុខ ដោយប្រទេសជាង១០០បានរើសកញ្ញាឯកល្អៗមកតតាំងគ្នា ដើម្បីគ្រងមកុដរាប់សិបម៉ឺនដុល្លារ។ ប្រទេសអាមេរិកជាអ្នករៀបចំធ្វើជាម្ចាស់ផ្ទះជាថ្មីទៀត។
រ៉េត សារីតា មានតែឪពុក បាត់បង់ម្តាយយូរមកហើយ នាងធ្លាប់រស់នៅផ្ទះជួល ដោយពុះពារព្យាយាម ។ សារីតា ចាប់បានចំណេះដឹងខាងភាសាច្រើន។ ក្នុងនោះ ចេះយ៉ាងស្ទាត់ ខាងភាសាអង់គ្លេស បន្ទាប់មកបារាំង និងភាសាថៃខ្លះៗ។ សារីតា ចេះក្បាច់គុនល្បុក្កតោវាយតប់មិនអន់ដែរ ហើយចំណង់ចំណូលចិត្តគឺចង់ក្លាយជាអ្នកដឹកនាំភាពយន្តដ៏ឆ្នើមម្នាក់ក្នុងប្រទេសកម្ពុជា ហើយនាងក៏ធ្លាប់សម្តែងបានពានរង្វាន់ក្នុងសាច់រឿងមួយ នៃកម្មវិធីមហោស្រពភាពយន្តខ្មែរផងដែរ។
ចែករំលែកព័តមាននេះ