ADផ្ទាំងផ្សព្វផ្សាយពាណិជ្ជកម្ម

Picture

សុគន្ធ នី​សា បញ្ជាក់​ស្ថានភាព​ខ្លួន ក្រោយ​​តារា​ហង្ស​មាស​ឆ្លង​ជំងឺ​កូ​វី​ដ​១៩

3 ឆ្នាំ មុន
  • ភ្នំពេញ

រាជធានី​ភ្នំពេញ ៖ តារាចម្រៀង​អ្នក​នាង សុគន្ធ នី​សា បាន​ចេញ​មក​បញ្ជាក់​ពី​ស្ថានភាព​របស់​ខ្លួន បន្ទាប់​ពី​មាន​តារា​នៅ​ក្នុង​ហង្ស​មាស​មួយ​ចំនួន​បាន​ឆ្លង​ជំងឺ​កូ​វី​ដ​១៩ កាលពី​ថ្ងៃ​ទី​៨​ខែមីនា ឆ្នាំ​២០២១​នេះ​។ ការ​ចេញ​មក​មុខ​បញ្ជាក់​ពី​តារាចម្រៀង​ខាងលើ​នេះ…

រាជធានី​ភ្នំពេញ ៖ តារាចម្រៀង​អ្នក​នាង សុគន្ធ នី​សា បាន​ចេញ​មក​បញ្ជាក់​ពី​ស្ថានភាព​របស់​ខ្លួន បន្ទាប់​ពី​មាន​តារា​នៅ​ក្នុង​ហង្ស​មាស​មួយ​ចំនួន​បាន​ឆ្លង​ជំងឺ​កូ​វី​ដ​១៩ កាលពី​ថ្ងៃ​ទី​៨​ខែមីនា ឆ្នាំ​២០២១​នេះ​។

ការ​ចេញ​មក​មុខ​បញ្ជាក់​ពី​តារាចម្រៀង​ខាងលើ​នេះ ក្រោយ​មហាជន​កំពុង​តាមដាន​ទៅ​លើ​ស្ថាន​ភាព​អ្នកសិល្បៈ ជា​ពិសេស​តារា​នៅ​ក្នុង​ហង្ស​មាស ក្រោយ​ពិធី​ការិនី​អ្នក​នាង កែវ ចន្ទ​និមល និង​តារាចម្រៀង​លោក ណុ​ប បា​យ៉ា​រិ​ទ្ធិ ក៏កំពុងមានរោគសញ្ញាថាអាចកើត​ជំងឺ​កូ​វី​ដ​១៩​ ផងដែរ ។

តាម​គណនេយ្យ​ហ្វេ​ស​ប៊ុ​ក​របស់​ខ្លួន សុគន្ធ នី​សា បាន​បង្ហោះ​សារ​នៅ​ថ្ងៃនេះ​ថា ជំរាបសួ​រពុក​ម៉ែ បងប្អូន អរគុណ​ច្រើន​សម្រាប់​ការ​បារម្ភ​សួរសុខទុក្ខ​មក​លើ​រូប​ខ្ញុំ និង​ក្រុម​គ្រួសារ​។

នាង​បញ្ជាក់​ថា កន្លង​មកនេះ ខ្ញុំ​មិន​បាន​ជួប​ជាមួយ​និមល​ទេ ហើយ​ក៏​មិន​បាន​ដើរទៅ​កន្លែង​មុខ​សញ្ញា​ដែល​មាន​កើត​កូ​វី​ដ​១៩ ដែរ ប៉ុន្ដែ​ជំងឺ​នេះ វា​អាច​ជាប់​ពាក់ព័ន្ធ​ត​ៗ​គ្នា​ដូច​សម្ល​រកំ​ពិស​ចឹ​ង​។

នាង​ថា ខ្ញុំ​នឹង​បន្ត​សង្កេត​ខ្លួនឯង​ទៀត ចាំ​មើល​លទ្ធផល អ្នក​ដែល​យើង​ជួប​ជា​ប្រ​យ៉ោ​ល ត​ៗ​គ្នា បើ​យ៉ាងណា​ៗ ខ្ញុំ​នឹង​ទាក់ទង​ដើម្បី​ធ្វើតេស្ត​អោយ​ប្រាកដ ។

បើ​តាម​អ្នក​នាង សុគន្ធ​នី​សា ពេល​ដែល​ដឹង​ព័ត៌មាន​យប់មិញ​នេះ​ហើយ ខាង​ផ្ទះ​ខ្ញុំ​នេះ​ក៏​បាន​ហាម​ខ្លួនឯង និង​អ្នក​ផ្ទះ​មិន​អោយ​ចេញ​ទៅ​ក្រៅ​ឡើយ ចំណែក​ខាង​ផ្ទះ​ម្តាយ​ខ្ញុំ មិន​មានការ​ពាក់​ព័ន្ធ​អ្វី​ទេ ព្រោះ​ខ្ញុំ​មិន​បាន​ចេញចូល​ផ្ទះ​ម៉ាក់​ខ្ញុំ​ប្រហែល​ពីរ​អាទិត្យ​ហើយ ។ សូមទោស​បងប្អូន ដែល​ខ្ញុំ​មិន​បាន​តប​សារ​ផង​ណា ហើយ​សូម​ជូនពរ​និមល និង​ក្រុម​គ្រួសារ​អោយ​ឆាប់​ជា ចំណែក​ខ្ញុំ​ក៏​ជា​ជនសង្ស័យ តែ​មិន​ទាន់​អី​។

ល្ងាច​នេះ ខ្ញុំ​នឹង​ចាំ​ដំណឹង​ពី​គេ​ដែរ បើ​អ្នក​ដែល​ខ្ញុំ​បាន​ជួប​ដោយ​ប្រ​យ៉ោ​ល​មាន ខ្ញុំ​នឹង​ធ្វើតេស្ត​។ សូម​ជូនពរ​បងប្អូន​អោយ​សុខ​សប្បាយ (​រឿងហេតុ​មាន​ជា​ស្រេច បើ​វា​ត្រូវ​កើត វា​នឹង​កើត គ្មាន​អ្នក​ណា​អាច​ហាមឃាត់​បាន​ឡើយ បើ​គេ​អោយ​ហើយ​ទទួល​វា​ទៅ ។ អរគុណ​ច្រើន​បងប្អូន​ដែល​បារម្ភ យ៉ាងណា​ៗ​ខ្ញុំ​នឹង​ផ្តល់​ព័ត៌មាន​ជូន​បងប្អូន​ទៀត​។

ជា​ការ​កត់សម្គាល់ ការ​ចេញ​មក​បញ្ជាក់​ពី​ស្ថានភាព​សុខភាព​ពី​អ្នក​នាង សុគន្ធ នី​សា នា​ពេល​នេះ គឺ​មិនមែន​ធ្វើ​ឡើង​តែ​ម្នាក់ឯង​នោះ​ឡើយ ពោល​ក៏​មាន​តារាចម្រៀង​នៅ​ហង្ស​មាស​មួយ​ចំនួន​ទៀត ក៏​បាន​មក​បញ្ជាក់​ស្រ​ដៀង​គ្នា សម្រាប់​ប្រិ​យ​មិត្ត​គាំទ្រ​ខ្លួន​ផង​ដែរ​៕

អត្ថបទសរសេរ ដោយ

កែសម្រួលដោយ