ADផ្ទាំងផ្សព្វផ្សាយពាណិជ្ជកម្ម

Picture

ស្ត្រី​ល្បីឈ្មោះ និង​ជីវិត​ការងារ ដែល​ស៊ូ​មិនធម្មតា និយាយ​អ្វីខ្លះ​នៅ​ថ្ងៃ​៨ មីនា?

3 ឆ្នាំ មុន
  • ភ្នំពេញ

រាជធានី​ភ្នំពេញ ៖ ស្ត្រី​នា​ពេល​បច្ចុប្បន្ន​នេះ ឃើញ​ថា​មានការ​តស៊ូ​ជាមួយ​កិច្ចការ​ជា​ច្រើន​ប្រការ​មិន​ចាញ់​បុរស​ប៉ុន្មាន​នោះ​ឡើយ ។ ស្ត្រី​បាន​បែងចែក​កាលវិភាគ​ជា​ច្រើន​ក្នុង​មួយ​ថ្ងៃ ដើម្បី​ការងារ ដើម្បី​គ្រួសារ ដែល​បុរស​ខ្លះ​គួរតែ​ដឹង ហើយ​ជួយ​លើកទឹកចិត្ត​អោយ​ច្រើន​។…

រាជធានី​ភ្នំពេញ ៖ ស្ត្រី​នា​ពេល​បច្ចុប្បន្ន​នេះ ឃើញ​ថា​មានការ​តស៊ូ​ជាមួយ​កិច្ចការ​ជា​ច្រើន​ប្រការ​មិន​ចាញ់​បុរស​ប៉ុន្មាន​នោះ​ឡើយ ។ ស្ត្រី​បាន​បែងចែក​កាលវិភាគ​ជា​ច្រើន​ក្នុង​មួយ​ថ្ងៃ ដើម្បី​ការងារ ដើម្បី​គ្រួសារ ដែល​បុរស​ខ្លះ​គួរតែ​ដឹង ហើយ​ជួយ​លើកទឹកចិត្ត​អោយ​ច្រើន​។

តួយ៉ាង​ស្ត្រី​ដ៏​ពូកែ​នៅ​ក្នុង​វិស័យ​សិល្បៈ ឃើញ​ថា​មានការ​តស៊ូ​យ៉ាង​មុតមាំ​ទម្រាំ អាច​ហែល​ឆ្លង​ជីវិត​សិល្បៈ​បាន​យ៉ាង​រលូន ហើយ​មានជីវិត​សោយសុខ​ពេល​នេះ​បាន​។ ស្ត្រី​ដែល​លេចធ្លោ​ក្នុង​វិស័យ​សិល្បៈ​មាន ៖ ឌួ​ង ហ្សូ​រី​ដា អ្នក​នាង សូ​ដា នី​តា ខាត់ សុ​ឃី​ម យុគ ចិន្តា គង់ សុ​ជាតិ បវរកញ្ញា ចក្កវាឡ​កម្ពុជា​២០២០ រ៉េ​ត សារី​តា និង​ថៅកែ​ផលិតកម្ម សាស្ត្រា​ហ្វៀ​ម ប៊ុ​ន ចាន់​និមល​។

ឌួ​ង ហ្សូ​រី​ដា អាច​និយាយ​បាន​ថា មាន​សេចក្តី​ព្យាយាម​ច្រើន​លើស​ពី​ការ​ស្មាន ។ ពិធី​ការិនី​រូប​នេះ បាន​ចេញ​បំពេញការងារ​ច្រើន​តាំងពី​មុន​ចូល​សិល្បៈ ដោយ​បម្រើ​ការងារ​ជានា​រី​អាកាសចរណ៍​ម្នាក់ កញ្ញា​ជា​បង្គោលគ្រួសារ​ដ៏​រឹង​មាំ​មួយ ដែល​លះបង់​ដើម្បី​គ្រួសារ​យិ​ត​យោង​ជួយ​ប្អូន​ៗ និង​ម្តាយ​ស្ទើរតែ​លែង​គិត​ពី​ជីវិត​គូ​អនាគត​។

ហ្សូ​រី​ដា ធ្លាប់​និយាយ​ថា ស្ត្រី​មិន​ដូច​សម័យ​មុន​ឡើយ ត្រូវ​ហ៊ាន​ក្រោកឈរ ដោយ​ជំនឿ​ជឿជាក់​សម្រេច​គោលដៅ​របស់​ខ្លួន​ដែល​ស្រឡាញ់​។ មិន​ខុស​ពី ឌួ​ង ហ្សូ​រី​ដា អ្នក​នាង សូ​ដា នី​តា ដែល​ទើប​ឆ្លងទន្លេ​បានកូន​ប្រុស​១ ក៏​ហែល​ឆ្លង​ពោរពេញ​ដោយ ជីវិត​លះបង់​ចង់​ខ្សោះ​ខ្លួន​ដើម្បី​គ្រួសារ ដែល​ចិញ្ចឹម​សមាជិក​ច្រើន​នាក់​។

អំឡុង​ពេល​ម្តាយ សូ​ដា នី​តា នៅ​រស់រាន​ជីវិត នាង​ក៏​ស៊ូ​លះបង់​មើលជំងឺ​អ្នក​ម្តាយ​ច្រើន​លើស​លុប​។ ជា​ពិសេស​ក្នុង​១​ស​ប្តា​ហ៍ នាង​នៅផ្ទះ​តែ​២​ថ្ងៃ ហើយ​ពេលវេលា​តិច​នេះ គឺ​ចង់​នៅ​ក្បែរ​ម្តាយ​ខ្លាំង​ជាងគេ​។ ពេល​នេះ សូ​ដា នី​តា បាន​រស់នៅ​ក្នុងផ្ទះ​ធំ​ទ្រនំ​ខ្ពស់ ហើយ រមែង​នឹក​អ្នក​មានគុណ​ជា​និច្ច​។

អ្នក​នាង ខាត់ សុ​ឃី​ម ក៏​ទទួល​រង​ជាមួយ​បេសកកម្ម​តស៊ូ ដើម្បី​ជីវិត និង​គ្រួសារ រាប់​មិន​អស់​។ បងប្អូន​មហាជន​ក៏​បានដឹង​ដែរ​។ បើ​ទោះបី ជីវិត​គាប់ប្រសើរ តែ​ពេល​នេះ ខាត់ សុ​ឃី​ម នៅ​តែ​ភ្ជាប់​ខ្លួន​សាមញ្ញ ។

ខាត់ សុ​ឃី​ម និយាយ​ថា ឱកាស​៨ មីនា ជូនពរ​អោយ​ស្ត្រី និង​បុរស​យើង សុខភាព​ល្អ​។ ជា​ពិសេស​​ស្ត្រី ទាំងឡាយ​ជា​មាតា​នៃ ពិភពលោក​ត្រូវ​ក្លាហាន​ហើយ​ក្រោកឈរ ដើម្បី​បំពេញចិត្ត​អ្វី​ដែល​យើង​ចង់​ធ្វើ​។ ស្ត្រី​មាន​កម្លាំង​ជួយ​បុរស​ដូច​គ្នា​។

អ្នក​នាង យុគ ចិន្តា ដែល​ឆ្នើម​ខាង​ជំនួញ​ដែរ​ក្រៅពី​សិល្បៈ បាន​ជូនពរ​ដែរ​ថា ស្ត្រី​មិនមែន​ទន់ជ្រាយ​គ្រប់​រឿង​នោះ​ទេ ស្ត្រី​យើង​បច្ចុប្បន្ន​គឺ​ក្លាហាន​បំផុត មាន​សមត្ថភាព ចេះ​គ្រប់គ្រង ហើយ​ក៏​អាច​ជំនួស​ដៃជើង​បុរស​បាន​ច្រើន​ប្រការ​ណាស់​។​ដូចនេះ ស្ត្រី និង​បុរស​ជា​កម្លាំង​ស្នូល ដើម្បី​ជួយ​គ្នា ហើយ​បុរស​ក៏​ត្រូវ​ចេះ​លើកទឹកចិត្ត​ស្ត្រី​ផង​ដែរ​។

គង់ សុ​ជាតិ លះបង់​ជាមួយ​ការងារ​ច្រើន ឆ្នាំ​មក​ហើយ​នោះ បាន​លើក​ឡើង​ថា ជូនពរ​ឱ្យ​ស្ត្រី​យើង ជោគជ័យ​ការងារ ធ្វើ​អ្វី​អោយ​បាន​សម្រេច​ដូច​បំណង​។ ស្ត្រី​មិន​ត្រឹមតែ​ជា​មេផ្ទះ​គោរព​ប្តី តែ​ស្ត្រី​ក៏​ជា​ដៃគូ​ជួយ សេដ្ឋកិច្ច​គ្រួ​សារបាន​យ៉ាងច្រើន​ផង​ដែរ​។

រ៉េ​ត សារី​តា មាន​តែ​ឪពុក​បាត់បង់​ម្តាយ​យូរ​មក​ហើយ នាង​ធ្លាប់​រស់នៅ​ផ្ទះ​ជួល ដោយ​ពុះពារ​ព្យាយាម សារី​តា ចាប់​បាន​ចំណេះដឹង​ខាង​ភាសា​ច្រើន​។ ក្នុង​នោះ ចេះ​យ៉ាង​ស្ទាត់ ខាង​ភាសា​អង់គ្លេស បន្ទាប់​មក​បារាំង និង​ភាសា​ថៃ​ខ្លះ​ៗ​។ សារី​តា ចេះ​ក្បាច់គុន​ល្បុក្កតោ​វាយតប់​មិន​អន់​ដែរ ហើយ​ចំណង់​ចំណូលចិត្ត​គឺ​ចង់​ក្លាយជា​អ្នកដឹកនាំ​ភាពយន្ត​ដ៏​ឆ្នើម​ម្នាក់​ក្នុង ប្រទេស​កម្ពុជា ហើយ​ក៏​ធ្លាប់​សម្តែង​បាន​ពានរង្វាន់​ក្នុង​សាច់​រឿង​មួយ នៃ​កម្មវិធី​មហោស្រព​ភាពយន្ត​ខ្មែរ​ផង​ដែរ​។

នាង​លើក​ឡើង​ថា ស្ត្រី​ត្រូវ​រឹង​មាំ​ហើយ​ជឿជាក់ ការ​ជឿជាក់​នេះ​ហើយ​ជួយ​អោយ​នាង​ដើរ​ដល់​គោលដៅ​ពេល​នេះ​។

អ្នក​នាង ប៊ុ​ន ចាន់​និមល ដែល​មាន​ប្រវត្តិ​ក្នុង​សិល្បៈ​ជា​អ្នក​និ​ព​ន្ឋ បទ​ចម្រៀង នៅ​ផលិតកម្ម​សាន់​ដេរ ហង្ស​មាស ហើយ​ជា​អ្នកដឹកនាំ​រឿង​ភាគ​មួយ​ចំនួន​ដែរ​។ បច្ចុប្បន្ន​ជា​ចាងហ្វាង​ផលិតកម្ម សាស្ត្រា​ហ្វៀ​ម បាន​លើក​ឡើង​ថា គ្មាន​អ្វី​ដែល​ស្ត្រី​ធ្វើ​មិន​បាន​ឡើយ ហើយ​ស្ត្រី​ត្រូវ​តែ​ឈរ​លើ​ភាព​ច្បាស់លាស់ គោរព​ការងារ គោរព​គ្រួសារ យិ​ត​យោងគ្នា ។ អ្នក​នាង​ចង់​បានការ​លើកទឹកចិត្ត​ពី​បុរស​ជា​ស្វាមី ដែល​ងាយ​សម្រេច​គោលដៅ​។

អត្ថបទសរសេរ ដោយ

កែសម្រួលដោយ