ខេត្តព្រះសីហនុ ៖ ទំនិញ និងគ្រឿងសំណង់ជាច្រើនត្រូវបានគេសង្កេតឃើញដាក់តាំងលក់រំលោភលើចំណីផ្លូវ បង្កឲ្យមានការរិះគន់ពីប្រជាពលរដ្ឋ ក៏ដូចជាភ្ញៀវទេសចរណ៍ជាតិ និងអន្តរជាតិ ដែលបានទៅលេងកម្សាន្តនៅខេត្តព្រះសីហនុ ដែលជាខេត្តទេសចរណ៍ដ៏មានសក្តានុពលនៅក្នុងប្រទេសកម្ពុជា ។
ប្រជាពលរដ្ឋរស់នៅក្រុងព្រះសីហនុជាច្រើនបានសម្ដែងទស្សនៈដូចៗគ្នាថា នាពេលបច្ចុប្បន្ន គេសង្កេតឃើញមានការដាក់តាំងលក់គ្រឿងសំណង់ធំៗមកលើចំណីផ្លូវក្នុងក្រុង និងសម្ភារសំណង់មួយចំនួនបានដាក់រាយប៉ាយនៅលើចំណីផ្លូវសាធារណៈ ក្នុងសង្កាត់លេខ២, សង្កាត់លេខ៣ ក្រុងព្រះសីហនុ ធ្វើឲ្យប្រជាពលរដ្ឋមានការិះគន់ដល់អាជ្ញាធរមូលដ្ឋាន ក៏ដូចជាអាជ្ញាធរក្រុងព្រះសីនុ ដែលមិនមានវិធានការចំពោះបញ្ហាទាំអស់នេះ ។
ទាំងអស់នេះបើអាជ្ញាធរមូលដ្ឋាន និងក្រុង នៅតែបណ្តែតបណ្ដោយ មិនមានវិធានការឲ្យបានតឹងរឹងទេនោះ ធ្វើឲ្យចំណីផ្លូវសាធារណៈនានាក្នុងក្រុងព្រះសីហនុបាត់បង់នូវសោភ័ណភាពជាក់ជាមិនខាន ។
មន្ត្រីសាលាក្រុងម្នាក់បានប្រាប់ឲ្យដឹងថា អាជ្ញាធរក្រុងធ្លាប់មានវិធានការចុះមកហាមឃាត់និងធ្វើការណែនាំជាច្រើនលើកច្រើនសារមកហើយ ក៏ប៉ុន្តែម្ចាស់អាជីវកម្មលក់គ្រឿងសំណង់ទាំងនោះមិនក្លាចញញើតចំពោះអាជ្ញាធរនោះទេ ៕
ចែករំលែកព័តមាននេះ