ខេត្តព្រះសីហនុ ៖ លោក ឃាង ភារម្យ អ្នកនាំពាក្យរដ្ឋបាលខេត្តព្រះសីហនុបានឱ្យកោះសន្តិភាពដឹងថា លទ្ធផលប្រតិបត្តិការរបស់ក្រុមការងារចម្រុះរដ្ឋបាលខេត្ត លើព្រឹត្តិការណ៍សហគមន៍ ២០ កុម្ភៈ…
ខេត្តព្រះសីហនុ ៖ លោក ឃាង ភារម្យ អ្នកនាំពាក្យរដ្ឋបាលខេត្តព្រះសីហនុបានឱ្យកោះសន្តិភាពដឹងថា លទ្ធផលប្រតិបត្តិការរបស់ក្រុមការងារចម្រុះរដ្ឋបាលខេត្ត លើព្រឹត្តិការណ៍សហគមន៍ ២០ កុម្ភៈ នៅថ្ងៃទី០៦ ខែមីនា ឆ្នាំ២០២១ គិតត្រឹមម៉ោង០៩និង៥០នាទីព្រឹក នេះ អ្នកវិជ្ជមានថ្មីចំនួន១២នាក់ ស្រី៣នាក់ ជនជាតិចិន (បូកយោង ៩៥នាក់ ស្រី៤២នាក់) ។
លោកបន្តថា អ្នកជំងឺទាំងអស់បានដាក់អោយសម្រាកព្យាបាលនៅមន្ទីរពេទ្យបង្អែកខេត្ត (ពេទ្យចំការចេក) និង កន្លែងព្យាបាល សាកាណា (Sakana) ។
អ្នកនាំពាក្យបានឱ្យដឹងទៀតថា បានយកសំណាកថ្មីតាមគោលដៅ HOTSPOT ចំនួន ២ កន្លែងបានចំនួន ៧៣នាក់ ស្រី ៥៤នាក់ (បូកយោង ១០៦៦១នាក់ ស្រី ៤៥៧១នាក់) និងបានយកសំណាកលើកទី២ ចំនួន១៨នាក់ ស្រី ១១នាក់ (បូកយោង ចំនួន ៣២៤នាក់ ស្រី១១១នាក់)។
ចំពោះវិធានការរដ្ឋបាលខេត្ត បានពិន័យអន្តរកាលជាប្រាក់ចំពោះបុគ្គលដែលធ្វើចត្តាឡីស័កមិនបានត្រឹមត្រូវតាមអនុក្រឹត្យលេខ២៧ ចំនួន៣នាក់ បានថវិកាចំនួន ៦លានរៀល និងបានចុះធ្វើកិច្ចសន្យាជាមួយម្ចាស់ ឬអ្នកគ្រប់គ្រងទីតាំងអាជីវកម្ម សេវាកម្មគ្រប់ប្រភេទបានចំនួន ៥១០ កន្លែង ។
លោក ឃាង ភារម្យ បានបញ្ជាក់ថា បានបន្ត និងរឹតបន្តឹងដោយដាក់គោលដៅត្រួតពិនិត្យនិងទប់ស្កាត់រថយន្តចេញ-ចូលខេត្ត ចំនួន ៤កន្លែង ។ បានបន្តបិទការចេញ-ចូលទីតាំងសរុបចំនួន ៤៣កន្លែង ព្រមទាំងបន្តស្រាវជ្រាវ និងអំពាវនាវដល់អ្នកដែលមានការពាក់ព័ន្ធអោយស្ម័គ្រ ចិត្តមកយកវត្ថុសំណាក និងធ្វើចត្តាឡី ស័កអោយបានត្រឹមត្រូវស្របតាមការណែនាំរបស់ក្រសួងសុខាភិបាល ៕
ចែករំលែកព័តមាននេះ