រាជធានីភ្នំពេញ ៖ អស់លោកអ្នកប្រហែលមិនភ្លេចទេ ចំពោះការផ្តល់រហស្សនាមក្រៅ ផ្លូវការទៅលើបុរសជាសន្តិសុខថា ជាស្ថាបនិកសហគមន៍២០ កុម្ភៈនោះ ពេលនេះត្រូវបាននាំខ្លួនទៅកាន់អគ្គស្នងការដ្ឋាននគរបាលជាតិហើយអត់ឱ្យរួចខ្លួនជាដាច់ខាត ។ បុរសម្នាក់ជាសន្តិសុខសណ្ឋាគារសុខា…
រាជធានីភ្នំពេញ ៖ អស់លោកអ្នកប្រហែលមិនភ្លេចទេ ចំពោះការផ្តល់រហស្សនាមក្រៅ ផ្លូវការទៅលើបុរសជាសន្តិសុខថា ជាស្ថាបនិកសហគមន៍២០ កុម្ភៈនោះ ពេលនេះត្រូវបាននាំខ្លួនទៅកាន់អគ្គស្នងការដ្ឋាននគរបាលជាតិហើយអត់ឱ្យរួចខ្លួនជាដាច់ខាត ។
បុរសម្នាក់ជាសន្តិសុខសណ្ឋាគារសុខា ដែលបានលួចលាក់ជម្លៀសស្ត្រីជនជាតិចិនចេញពីមណ្ឌលចត្តាឡីស័កសណ្ឋាគារសុខា កាលពីពេលកន្លងទៅ ត្រូវបានកម្លាំងកងរាជអាវុធហត្ថខណ្ឌមានជ័យ ធ្វើការបញ្ចូនខ្លួនទៅកាន់អគ្គស្នងការដ្ឋាននគរបាលជាតិ នាព្រឹកថ្ងៃទី៥ ខែមីនា ឆ្នាំ២០២១នេះហើយ ដើម្បីបន្តវិធានការផ្លូវច្បាប់ ។
សន្តិសុខរូបនេះឈ្មោះ រ៉ែន សុធារ៉ា ភេទប្រុស អាយុ៣៨ឆ្នាំ ជាសន្តិសុខសណ្ឋាគារសុខា មានអាស័យដ្ឋានបច្ចុប្បន្ន ផ្ទះជួលផ្លូវកែវចិន្តា សង្កាត់ជ្រោយចង្វា ខណ្ឌជ្រោយចង្វា រាជ ធានីភ្នំពេញ ។ ជនរូបនេះ ត្រូវបានក្រុមគ្រូពេទ្យបញ្ចូនខ្លួនទៅមណ្ឌលសុខភាពចាក់អង្រែក្រោម ដើម្បីធ្វើចត្តាឡីស័ក១៤ថ្ងៃ ក្រោយបុរសរូបនេះ បានប៉ះពាល់ដោយប្រយោលជាមួយស្ត្រីចិន ខណៈរូបគេបានលួចលាក់ជម្លៀសឱ្យចេញពីទីតាំងចត្តាឡីស័ក នៅសណ្ឋាគារសុខាភ្នំពេញដែលស្ត្រីចិនរូបនេះ មានមេរោគកូវីដ១៩ទៅចម្លងតាមក្លិបឱ្យបុរសចិនមួយកំភ្លូសទៀតនិងសហគមន៍២០ កុម្ភៈ ។
ក្រោយលទ្ធផល១៤ថ្ងៃ ឃើញថារូបគេ អវិជ្ជមានកូវីដ១៩ ក៏ត្រូវបានកម្លាំងកងរាជ អាវុធ ហត្ថខណ្ឌមានជ័យ បញ្ចូនខ្លួនចេញពីមណ្ឌលចត្តាឡីស័កទៅកាន់ អនុគណ:កម្មការស្រាវជ្រាវដែលមានទីបញ្ជាការស្ថិតនៅអគ្គស្នងការដ្ឋាននគរបាលជាតិដើម្បីបន្តនីតិ
វិធី ។
គួរជម្រាបថា ទង្វើរបស់បុរសរូបនេះ បានធ្វើឱ្យមានការភ័យខ្លាចដល់សង្គមជាខ្លាំង បន្ទាប់ពីស្ត្រីជនជាតិចិនដែលបានជម្លៀសចេញនោះ បានផ្ទុកវីរុសកូវីដ១៩ ហើយក៏
បានបនុ្តចម្លងសាយភាយចូលទៅកាន់សហគមន៍ តាំងពីពេលនោះ មកទល់នឹងបច្ចុប្បន្ន ។
សម្រាប់ការចាប់សន្តិសុខរូបនេះឱ្យធ្វើចត្តាឡីស័កតាំងពីថ្ងៃទី២០ កុម្ភៈ មកដល់ពេលនេះ គេទើបតែដឹងប៉ុណ្ណោះ ដែលម្នាក់ៗស្មានថា ជននេះកំពុងលាក់ខ្លួននៅកន្លែងណា មួយ ទីបំផុតបែរជាជាប់ក្នុងមណ្ឌលចត្តាឡីស័កចាក់អង្រែ រង់ចាំឱ្យចប់១៤ថ្ងៃ ទើបចាត់ ការតាមនីតិវិធី ដែលគេឱ្យឈ្មោះគាត់ថា ជាស្ថាបនិកសហគមន៍២០កុម្ភៈដ៏អស្ចារ្យ
នេះ ៕
ចែករំលែកព័តមាននេះ