ខេត្តព្រះសីហនុ៖ លោក គួច ចំរើន អភិបាលខេត្តព្រះសីហនុ បានឱ្យកោះសន្តិភាពដឹងថា ដើម្បីបង្កលក្ខណៈងាយស្រួលជូនប្រជាពលរដ្ឋ ក៏ដូចភ្ញៀវទេសចរ ដែលមកលេងកម្សាន្តតាមឆ្នេរ និងដើម្បីលើកកំពស់សោភណ្ឌ័ភាពផងនោះ រដ្ឋបាលខេត្តព្រះសីហនុ បានជួសជុលកែលម្អឆ្នេរ ដោយចាក់ខ្សាច់បំពេញកន្លែងណា ដែលមានក្រលុកឬខូង និងឈូសឆាយកន្លែង ដែលខ្ពស់ អោយរាបស្មើគ្នាផងដែរ។
លោកបន្តថា ម្យ៉ាងដោយសារឃើញគេកាយខ្សាច់គរចោលច្រើនស្តាយ លោកក៏បានសុំយកមកចាក់តាមឆ្នេរតែម្តង គឺចាប់ពីឆ្នេរអូរឈើទាល១ ឆ្នេរអូរឈើទាល២ រហូតទៅដល់ឆ្នេរអូរត្រះ ដើម្បីបង្កលក្ខណៈងាយស្រួលជូនប្រជាពលរដ្ឋមកនលេងកម្សាន្ត។
មន្ត្រីជំនាញ ដែលទទួលការងារខាងលើនេះ បានអោយដឹងថា យោងតាមការណែនាំ របស់ លោក គួច ចំរើន អភិបាលខេត្តព្រះសីហនុ ក្រុមការងារ បាន និងកំពុងចាក់បំពេញខ្សាច់ទៅតាមឆ្នេរ ដែលកន្លែងមួយចំនួន មានការខូងបាក់ជារណ្តៅ ចាប់ពីឆ្នេរអូរឈើទាល១ ឆ្នេរអូរឈើទាល២ រហូតទៅដល់ឆ្នេរអូរត្រះ ដែលសកម្មភាពការងារ ចាក់បំពេញឆ្នេរខ្សាច់នោះ គឺនៅអូរឈើទាល២ ចាប់ពីស្ថានីយបូមទឹកកខ្វក់ រហូតទៅដល់ដើមទីឆ្នេរអូរត្រេះ មាន ១៥រណ្តៅ អស់ខ្សាច់ចំនួន ៤៨ទ្បាន។ ក្រៅពីនោះ យើងឈូសឆាយពង្រាបដោយបំពេញពីខ្ពស់ មកទាប តាមស្ថានភាពជាក់ស្តែងលើទីតាំងស្របឆ្នេរ។
លោកបន្តថា ចំណែកនៅអូរឈើទាល១ ចាប់ពីតូបបង អេង ផា រហូតមកទល់ជាប់របង កងទព័ជើងទឹក មាន ០១រណ្តៅ អស់ខ្សាច់ចំនួន ០៣ទ្បាន ក្រៅពីនោះ យើងឈូសឆាយពង្រាបតាមឆ្នេរ ដោយបំពេញពីខ្ពស់ មកទាប តាមស្ថានភាពជាក់ស្តែងលើទីតាំង និងសកម្មភាពការងារ ចាក់បំពេញឆ្នេរខ្សាច់នៅអូរឈើទាល២ ចាប់ពីស្ថានីយបូមទឹកកខ្វក់រហូតទៅដល់ដើមទីឆ្នេរអូរត្រេះ មាន ១៥រណ្តៅ អស់ខ្សាច់ចំនួន ៥២ទ្បាន ក្រៅពីនោះ យើងឈូសឆាយពង្រាប ដោយបំពេញពីខ្ពស់ មកទាប តាមស្ថានភាពជាក់ស្តែងលើទីតាំងស្របឆ្នេរ៕ ដោយ៖ ចន ណារិទ្ធ
ចែករំលែកព័តមាននេះ