រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានព្រួយបារម្ភអំពីការមិនទាន់ប្រាកដថាអាចបញ្ចប់ព្រឹត្តិការណ៍សហគមន៍ ២០ កុម្ភៈ ចប់នៅមុនពិធីបុណ្យចូលឆ្នាំប្រពៃណីជាតិខ្មែរ ឬអត់នោះទេ ។
សម្តេចតេជោ ហ៊ុន សែន បានថ្លែងក្នុងសន្នីសីទសារព័ត៌មាន នាព្រឹកថ្ងៃទី៤ ខែមីនា ឆ្នាំ២០២១ថា«យើងមិនទាន់អាចកំណត់ថា ព្រឹត្តិការណ៍សហគមន៍២០កុម្ភៈ អាចបញ្ចប់នៅមុនបុណ្យចូលឆ្នាំខ្មែរឬអត់ ?នេះជាបញ្ហាដែលយើងកំពុងបារម្ភបន្ថែមទៀត» ។ សម្តេចបន្តថា ក្នុងពេលដែលមនុស្សចេះតែចេញពីប្រទេសថៃចូលមកកម្ពុជាមិនចេះឈប់ឈរធ្វើឲ្យចំនួនចេះតែកើនឡើង ដែលបូកសរុបមានចំនួនប្រមាណ៤ម៉ឺននាក់ ។ ប៉ុន្តែនៅមណ្ឌលចត្តាឡីស័ក ជាង១ម៉ឺន៥ពាន់ កំពុងធ្វើចត្តាឡីស័ក ។
សម្តេចក៏បានលើកឡើងថា ដោយសារកន្លងមកមានការបំពានមួយចំនួនពាក់ព័ន្ធនឹងករណីការរីករាលដាលជំងឺកូវីដ១៩ បានធ្វើឲ្យរដ្ឋាភិបាលធ្វើការវិសោធនកម្មអនុក្រឹត្យរៀបចំអនុក្រឹត្យថ្មីមួយផង ។ ប៉ុន្តែមិនអាចទប់ស្កាត់ការឆ្លងរីករាលជំងកូវីដ១៩ បានរហូតដល់បង្កើតច្បាប់ស្តីពីវិធានការទត់ស្កាត់ការឆ្លងរាលដាលនៃជំងឺកូវីដ១៩ និងជំងឺឆ្លងកាចសាហាវប្រកបដោយធ្ងន់ធ្ងរផ្សេងទៀត ។
ជាមួយគ្នានោះដែរ សម្តេចក៏បានលើកឡើងអំពីករណីរំលោភបំពានការធ្វើចត្តាឡីស័ក នៅសណ្ឋាគារសុខាភ្នំពេញ ដោយស្ត្រីជនជាតិចិន២នាក់ បានស៊ុមក្រឡំជាមួយសន្តិសុខសណ្ឋាគារបានបញ្ចេញគាត់ តើត្រូវដាក់ទោសយ៉ាងម៉េច? បើអត់មានច្បាប់ផង!អនុក្រឹត្យមិនអាចឲ្យគេជាប់គុកបានទេ ប៉ុន្តែពិន័យអន្តរកាលបាន ។ ឯកច្បាប់ដាក់ក្នុងប្រទេសគ្រាមានអាសន្នក៏មិនអាចអនុវត្តក្នុងស្ថានភាពបច្ចុប្បន្ននោះទេ អីញ្ចឹងមួយម្ចាងយើងប្រើវិធានការអប់រំ និងម្ចាងប្រើវិធានការច្បាប់ ៕
ចែករំលែកព័តមាននេះ