ខេត្តបន្ទាយមានជ័យ ៖ ភ្លៀងមួយមេធំលាយឡំដោយខ្យល់កន្ត្រាក់ត្រឹមជាង១ម៉ោងប៉ុណ្ណោះ បណ្តាលឱ្យប៉ះពាល់ផ្ទះសម្បែងប្រជាពលរដ្ឋចំនួន២ភូមិ ហេតុការណ៍នេះបានកើតឡើងកាលពីវេលាម៉ោង៥ល្ងាច ថ្ងៃទី០៣ ខែមីនា ឆ្នាំ២០២១ ស្ថិតនៅភូមិក្បាលស្ពាន និងភូមិទួលប្រាសាទ…
ខេត្តបន្ទាយមានជ័យ ៖ ភ្លៀងមួយមេធំលាយឡំដោយខ្យល់កន្ត្រាក់ត្រឹមជាង១ម៉ោងប៉ុណ្ណោះ បណ្តាលឱ្យប៉ះពាល់ផ្ទះសម្បែងប្រជាពលរដ្ឋចំនួន២ភូមិ ហេតុការណ៍នេះបានកើតឡើងកាលពីវេលាម៉ោង៥ល្ងាច ថ្ងៃទី០៣ ខែមីនា ឆ្នាំ២០២១ ស្ថិតនៅភូមិក្បាលស្ពាន និងភូមិទួលប្រាសាទ ក្នុងសង្កាត់/ក្រុងប៉ោយប៉ែត។
បើតាមលោក គាត ហ៊ុល អភិបាលក្រុងប៉ោយប៉ែត បានឱ្យដឹងថា ភ្លៀងមួយមេធំលាយឡំដោយខ្យល់កន្ត្រាក់រយៈពេលត្រឹមតែជាង១ម៉ោងប៉ុណ្ណោះ ធ្វើឱ្យប៉ះពាល់ដល់ផ្ទះសម្បែងរបស់បងប្អូនប្រជាពលរដ្ឋ បណ្តាលឱ្យប៉ើងដំបូល រលំតូប និងរោងអស់ចំនួន២ភូមិ គឺភូមិក្បាលស្ពាន និងភូមិទួលប្រាសាទ នេះមិនទាន់ទទួលព័ត៌មានពីការខូចខាតអស់ប៉ុន្មាននៅឡើយទេ។
លោកបានបញ្ជាក់ថា ក្រោយពេលទទួលព័ត៌មាន ហើយភ្លៀងក៏បានរាំងផងនោះ លោករួមជាមួយនឹងមន្ត្រីរដ្ឋបាលក្រុងប៉ោយប៉ែត កងកម្លាំងយោធា និងកម្លាំងនគរបាល បានចុះទៅពិនិត្យ និងជួយអន្តរាគមន៍ដល់បងប្អូនប្រជាពលរដ្ឋដែលរងគ្រោះដោយសារតែខ្យល់កន្ត្រាក់នេះ។
លោក គាត ហ៊ុល បានបញ្ជាក់ថា ភ្លៀងមួយមេធំខាងលើនេះ បានបណ្តាលប៉ះពាល់ខូចខាតផ្ទះសម្បែងប្រជាពលរដ្ឋចំនួន២ភូមិ ក្នុងក្រុងប៉ោយប៉ែត តែមិនទាន់ទទួលរបាយការណ៍ពីទំហំនៃខូចខាតនៅឡើយទេ ប៉ុន្តែកងកម្លាំងកំពុងតែអន្តរាគម៍ជួយប្រជាពលរដ្ឋរងគ្រោះដោយប៉ើងដំបូលផ្ទះ ដើម្បីសម្រួលជម្រកដល់ប្រជាពលរដ្ឋ លុះព្រឹកឡើងនឹងចុះពិនិត្យជាក់ស្តែង ហើយនឹងជួយរុះរើផ្ទះដែលខូចខាត ដើម្បីជួសជុលឡើងវិញ៕
ចែករំលែកព័តមាននេះ