ខេត្តបន្ទាយមានជ័យ ៖ គិតដល់ម៉ោងជាង៩ព្រឹកថ្ងៃទី៤ មីនា នេះ សមត្ថកិច្ចបញ្ជាក់ថានៅមិនទាន់ចាប់បានជនសង្ស័យ(ឃាតករ) ក្នុងករណីឃាតកម្មសម្លា.ប់នារីកាស៊ីណូម្នាក់នៅក្រុងប៉ោយប៉ែតនៅឡើយទេ ។ សមត្ថកិច្ចបានបញ្ជាក់ទៀតថា ហើយចំពោះជនសង្ស័យខាងលើ…
ខេត្តបន្ទាយមានជ័យ ៖ គិតដល់ម៉ោងជាង៩ព្រឹកថ្ងៃទី៤ មីនា នេះ សមត្ថកិច្ចបញ្ជាក់ថានៅមិនទាន់ចាប់បានជនសង្ស័យ(ឃាតករ) ក្នុងករណីឃាតកម្មសម្លា.ប់នារីកាស៊ីណូម្នាក់នៅក្រុងប៉ោយប៉ែតនៅឡើយទេ ។
សមត្ថកិច្ចបានបញ្ជាក់ទៀតថា ហើយចំពោះជនសង្ស័យខាងលើ គឺជាជនជាតិខ្មែរ មិនមែនជាជនបរទេស ដូចដែលគេនាំគ្នាយកទៅបង្ហោះតាមបណ្តាញសង្គមនោះឡើយ ។ យ៉ាងណាក៏ដោយ ជននោះកំពុងតាមប្រមាញ់ចាប់ខ្លួនហើយ ។
សូមរំលឹកថា ៖ ត្រឹមម៉ោង៥ល្ងាចនេះ សមត្ថកិច្ចមិនទាន់ចាប់បានជនសង្ស័យសម្លា.ប់នារីបុគ្គលិកកាស៊ីណូ នៅឡើយ!
សូមរំលឹកទៀតថា លោកវរសេនីយ៍ ព្រំ ពិសិដ្ឋ អធិការរងស្តីទី នៃអធិការដ្ឋាននគរបាលក្រុងប៉ោយប៉ែត និងលោកវរសេនីយ៍ត្រី នួន នីណារ៉ូ មេបញ្ជាការកងរាជអាវុធហត្ថក្រុងប៉ោយប៉ែតបានបញ្ជាក់ច្បាស់ថា ពេលនេះ សមត្ថកិច្ចនៅពុំទាន់ចាប់បានជនសង្ស័យករណីឃា.តកម្មសម្លា.ប់នារីបុគ្គលិគកាស៊ីណូម្នាក់ក្នុងបន្ទប់ជួលនោះ នៅឡើយទេ រហូតមកដល់ម៉ោងជាង៥ល្ងាច ថ្ងៃទី០៣ មីនា ២០២១ ។
ករណីឃា.តកម្មខាងលើនេះ ត្រូវបានគេប្រទះឃើញនារីរងគ្រោះដេកស្លា.ប់ និងបង្កភ្ញាក់ផ្អើលឡើងនាយប់ថ្ងៃទី២ មីនា ២០២១ នៅក្នុងបន្ទប់លេខ៥ ជាន់ទី១ នៃបន្ទប់ជួលមួយកន្លែង ក្នុងភូមិក្បាលស្ពាន១ សង្កាត់និងក្រុងប៉ោយប៉ែត ។
នារីរងគ្រោះខាងលើមានឈ្មោះ ហួន ស្រី អាយុ២៣ឆ្នាំ ធ្វើការនៅផ្នែកអនឡាញ ក្នុងកាស៊ីណូមួយ ក្នុងក្រុងប៉ោយប៉ែត ។
ព័ត៌មានបន្ថែម កោះសន្តិភាពនឹងមានផ្សាយជូនបន្តទៀត ។
ចែករំលែកព័តមាននេះ