លោក លៀង សេង ត្រូវដកតំណែងទាំងមិនដឹងខ្លួន ពីប្រធានមន្ទីរកសិកម្ម ខេត្តស្ទឹងត្រែង
- ក្រចេះ
ខេត្តស្ទឹងត្រែង៖ ប្រធានមន្ទីរកសិកម្ម រុក្ខាប្រមាញ់ និងនេសាទ លោក លៀង សេង ត្រូវបានក្រសួងកសិកម្ម រុក្ខាប្រមាញ់ និងនេសាទ…
ខេត្តស្ទឹងត្រែង៖ ប្រធានមន្ទីរកសិកម្ម រុក្ខាប្រមាញ់ និងនេសាទ លោក លៀង សេង ត្រូវបានក្រសួងកសិកម្ម រុក្ខាប្រមាញ់ និងនេសាទ…
ខេត្តស្ទឹងត្រែង៖ ប្រធានមន្ទីរកសិកម្ម រុក្ខាប្រមាញ់ និងនេសាទ លោក លៀង សេង ត្រូវបានក្រសួងកសិកម្ម រុក្ខាប្រមាញ់ និងនេសាទ ផ្លាស់ប្តូរមុខតំណែង អោយទៅបម្រើការងារថ្មី ហើយត្រូវចាប់ដាក់ជំនួសដោយលោក ទុំ នីរ៉ូ នាយខណ្ឌរដ្ឋបាលជលផល ជាប្រធានមន្ទីរស្តីទីនៃមន្ទីរកសិកម្ម រុក្ខាប្រមាញ់ និងនេសាទ ខេត្តស្ទឹងត្រែង។
ប្រភពព័ត៌មានបានបង្ហើបថា លោក លៀង សេង បានទៅកោសជប់សម្រួលសរសៃ ក្រោ យទទួលដំណឹងជាក់លាក់ថា លោកត្រូវផ្លាស់ប្តូរតំណែង ជាទីប្រឹក្សាក្រសួងកសិកម្ម រុក្ខា ប្រមាញ់ និងនេសាទ មានឋានៈស្មើអគ្គនាយរង ដែលអនុក្រឹត្យ ស្តីពី ការតែងតាំងមន្ត្រីរាជការ លេខ១១៣ អ ន ក្រ.គ ត ចេញកាលពីថ្ងៃទី២២ ខែកុម្ភៈ ឆ្នាំ២០២១។ ពោលគឺលោកលៀង សេង មិនបានដឹងខ្លួនជាមុនសោះ។
ទាក់ទិនការដកតំណែងលោក លៀង សេង ពីប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តស្ទឹងត្រែង ពុំសូវមានអ្នកដឹងច្បាស់លាស់នូវកំហុសខុសឆ្គង ដែលអាចធ្វើអោយធ្លាក់តំណែងនោះឡើយ សូម្បីអ្នកតំណាងរាស្ត្រ លោក ឡូយ សុផាត ប្រធានក្រុមប្រឹក្សា ខេត្ត លោក ឈាង ឡាក់ ក៏ពុំបានដឹងជាមុនដែរ។
នាព្រឹកថ្ងៃទី៣ ខែមីនា ឆ្នាំ២០២១ ពិធីប្រកាសចូលកាន់តំណែងប្រធានមន្ទីរស្តីទី ក្រោមអធិ បតីភាព លោក នុត ច័ន្ទសុខា រដ្ឋលេខាធិការប្រចាំការ និងជាតំណាងដ៏ខ្ពង់ខ្ពស់ លោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ដែលមានការអញ្ជើញចូលរួមពី រដ្ឋលេខាធិការ អនុរដ្ឋលេខាធិការ អភិបាលរងនៃគណៈអភិបាលខេត្តស្ទឹងត្រែង ទីប្រឹក្សាក្រសួង ប្រធាននាយកដ្ឋានបុគ្គលិក និងអភិវឌ្ឍន៍ធនធានមនុស្ស លោក លោកស្រី ជាមន្ត្រីរាជការ មកពីអង្គភាពពាក់ព័ន្ធសរុប ៧០រូប។
ពិធីនេះ ត្រូវបានធ្វើឡើង នៅសាលសាលាខេត្តស្ទឹងត្រែង ដោយលោក ទុំ នីរ៉ូ នាយខណ្ឌរដ្ឋបាលជលផល ត្រូវបានតែងតាំងជាប្រធានមន្ទីរស្តីទី ជំនួសលោក លៀង សេង៕ ដោយ៖ រ៉ូ សាលី
ចែករំលែកព័តមាននេះ