Jack Ma ៖ អ្នកគួរដឹង វ័យប៉ុន្មានគួររៀនពីកំហុស វ័យប៉ុន្មានគួររៀនវិនិយោគ និងវ័យប៉ុន្មានគួរវិនិយោគលើយុវជន !
បរទេស ៖ មនុស្សស្ទើរតែពេញពិភពលោក ជាពិសេសអ្នកជំនួញ និងសេដ្ឋីធំៗ សុទ្ធតែស្គាល់ លោក Jack Ma ដែលឈ្មោះជាភាសាចិនថា…
បរទេស ៖ មនុស្សស្ទើរតែពេញពិភពលោក ជាពិសេសអ្នកជំនួញ និងសេដ្ឋីធំៗ សុទ្ធតែស្គាល់ លោក Jack Ma ដែលឈ្មោះជាភាសាចិនថា…
បរទេស ៖ មនុស្សស្ទើរតែពេញពិភពលោក ជាពិសេសអ្នកជំនួញ និងសេដ្ឋីធំៗ សុទ្ធតែស្គាល់ លោក Jack Ma ដែលឈ្មោះជាភាសាចិនថា Ma Yun ។ បើទោះបីជាមានប្រាក់លាននៅក្នុងដៃ តែលោក Jack Ma តែងតែបង្ហាញខ្លួននូវកម្មវិធីជាច្រើន ជាពិសេសកម្មវិធី និយាយជាសាធារណៈ ដោយលោកតែងតែចែករំលែកបទពិសោធន៍នានា ក្នុងជីវិតរបស់លោក និងលោកតែងតែជម្រុញទឹកចិត្តយុវជន ដែលមានបំណងធ្វើអាជីវកម្ម ។
លោកកើត នៅថ្ងៃទី ១០ ខ កញ្ញា ឆ្នាំ ១៩៦៤ បច្ចុប្បន្នលោក គឺជាមហាសេដ្ឋីជំនួញ អ្នកវិនិយោគ និងសប្បុរសជនចិនម្នាក់ដែលមានឈ្មោះល្បីល្បាញនៅក្នុងពិភពអាជីវកម្ម ។ គាត់គឺជាសហស្ថាបនិក និងជាអតីតនាយកប្រតិបត្តិនៃក្រុមហ៊ុន Alibaba Group ដែលជាក្រុមហ៊ុនពហុបច្ចេកវិទ្យា ។ លោក ម៉ា គឺជាអ្នកគាំទ្រ និងបើកចំហ នៃវិស័យសេដ្ឋកិច្ច និងការជំរុញទីផ្សារមានការរីកចម្រើន ។
ក្នុងអត្ថបទនេះ យើងបានលើកយកឃ្លាខ្លះៗ ដែលលោកបានចែករំលែកជាសាធារណៈថា ៖ «ដំបូន្មានរបស់ខ្ញុំចំពោះយុវជន គឺអ្នកគួរគិតដូចនេះ ប្រសិនជាអ្នកមានអាយុ ២៥ឆ្នាំ ធ្វើឱ្យមានកំហុសយ៉ាងច្រើន នោះគួរកុំបារម្ភនូវកំហុសនោះ អ្នកដួលត្រូវក្រោកឈរ ដួលហើយដួលទៀតកុំខ្លាច ប៉ុន្តែអ្នកត្រូវរីករាយជាមួយវាវិញ រីករាយជាមួយកំហុសទាំងនោះ ។ ខ្ញុំចង់និយាយថា អាយុ ២៥ឆ្នាំចូលចិត្តអ្វីគួរធ្វើនឹង ហើយគួរគិតថា រាល់កំហុស គឺជាប្រយោជន៍ គឺជាចំណូល ហើយជាចំណូលដ៏អស្ចារ្យសម្រាប់យើងទៀតផង ។
លោកបន្តថា អាយុ ៣០ ទៅ ៤០ឆ្នាំ អ្នកត្រូវគិតយ៉ាងម៉ត់ចត់ គិតយ៉ាងលម្អិតប្រសិនជាអ្នកចង់ក្លាយខ្លួនជាសហគ្រិនជាអ្នកធ្វើអាជីវកម្ម ដូចនេះនៅអាយុ ៤០ ដល់ ៥០ឆ្នាំ គួរចាប់ផ្តើមគិតតែលើអ្វីមួយឱ្យប្រាកដប្រជា ដែលវាជាទេព្យកោសល្យរបស់អ្នក មានន័យថា ធ្វើអាជីវកម្មដែលអ្នកចិត្ត និងជំនាញលើវាតែម្តង ។ ចំពោះអ្នកមានអាយុ ៥០ ទៅ ៦០ឆ្នាំ អ្នកត្រូវធ្វើការសម្រាប់យុវជន ពីព្រោះយុវជនអាចនឹងធ្វើការងារអ្វីមួយប្រសើរជាងអ្នក ដូចនេះអ្នកត្រូវផ្តោតសំខាន់លើពួកគាត់ វិនិយោគលើពួកគាត់ និងធ្វើការងារជាមួយពួកគាត់ដើម្បីប្រាកដថា ពួកគាត់ណាម្នាក់អាចធ្វើការងារនោះបានល្អឱ្យយើង ។
នៅពេលអនាគត វានឹងមិននិយាយអំពីការប្រកួតប្រជែងចំណេះដឹងទេ ប៉ុន្តែវានឹងនិយាយពីការប្រកួតប្រជែង នៃការច្នៃប្រឌិត ជាការប្រកួតប្រជែងនៃការស្រមើលស្រមៃ ជាការប្រកួតប្រជែងនៃការរៀនសូត្រ និងជាការប្រកួតប្រជែងនៃការគិតឯករាជ្យ ។ ប្រសិនបើអ្នកគិត ដូចជាម៉ាស៊ីន នោះបញ្ហានឹងកើតមានឡើង (ម៉ាស៊ីនមានឯកសាប៉ុណ្ណា គឺប៉ុណ្ណឹង ទាល់តែយើងដាក់ថែមទើបមានទៀត) ។ ក្នុងរយៈពេល ២០ឆ្នាំមុន យើងធ្វើអោយមនុស្សដូចជាម៉ាស៊ីន ប៉ុន្តែក្នុងរយៈពេល ២០ឆ្នាំក្រោយ ម៉ាស៊ីននឹងមានលក្ខណៈដូចមនុស្សវិញដែរ ។
ដូច្នេះនៅពេលអនាគត ចំណេះដឹងមិនមែនជាអ្វីដែលចាំបាច់នាំមុខនោះទេ ប៉ុន្តែគតិបណ្ឌិតឬប្រាជ្ញាភាពវៃឆ្លាតនិងបទពិសោធន៍ គឺជាអ្វីដែលជាអាតិភាពនាំផ្លូវយើង ។ កាលពីមុនវាជាចំណេះដឹង គឺជាអាទិភាពដែលជំរុញឱ្យនរណាម្នាក់ទទួលយកអ្នកមកធ្វើការក្នុងស្ថាប័ននោះ ប៉ុន្តែនៅពេលអនាគត អ្វីដែលជាអាតិភាព គឺភាពច្នៃប្រឌិតនេះឯងដែលជម្រុញឱ្យមនុស្សត្រូវតែមានវា ។
លោកបន្ថែមថា ៖ «ខ្ញុំគិតថា រយៈពេល ៣០ឆ្នាំក្រោយ ពិភពលោកនឹងមានការផ្លាស់ប្តូរយ៉ាងខ្លាំង បច្ចេកវិទ្យាថ្មីនឹងផ្លាស់ប្តូរគ្រប់ផ្នែកទាំងអស់នៃពិភពលោក ។ ដូច្នេះនេះ គឺជាអ្វីដែលយើងគិតថា ពិភពលោកនឹងផ្តោតតែលើ IQ, EQ ប៉ុន្តែក៏ផ្តោតទៅលើ LQ (the Q of love) ផងដែរ ក៏ព្រោះថា ទាល់តែអ្នកយកចិត្តទុកដាក់នូវអ្វីដែលគេធ្វើទៅជោគជ័យ ទើបអ្នកអាចទទួលបានភាពជោគជ័យដូចគេដែរ ។
កាលពី ១០ឆ្នាំមុន អុីនធើណេត គឺជាមធ្យោបាយល្អណាស់ ប៉ុន្តែមិនមានមនុស្សច្រើនទេ ដែលជឿជាក់លើវា ឥឡូវនេះយើងមើល គ្មាននរណាម្នាក់អាចរស់នៅគ្មានអុីនធើណេតបានទេ ពីព្រោះមនុស្សឆ្លាតៗទាំងអស់គេរត់ទៅប្រើតែអុីនធើណេត ៕
ចែករំលែកព័តមាននេះ