បច្ច័យដែលនាំឱ្យកើតផ្លូវនៃគំនិតដ៏ត្រឹមត្រូវ និងប្រភពនៃសេចក្ដីល្អទាំងពួងមានពីរចំណុចគឺៈ ១-ការទទួលស្ដាប់ពាក្យណែនាំប្រៀនប្រដៅរៀនសូត្រយកចំណេះដឹង សន្ទនាសាកសួរ ស្ដាប់ពាក្យពោលប្រាប់អំពីអ្នកប្រាជ្ញទាំងឡាយ ជាពិសេសការស្ដាប់ព្រះសទ្ធម្មអំពីសំណាក់លោកអ្នកដែលជាពហុស្សូត នឹងនាំឱ្យទទួលបាននូវផ្លូវប្រតិបត្តិដ៏ត្រឹមត្រូវនៃដំណើរជីវិត ។ ២-ការប្រើគំនិតដ៏ត្រឹមត្រូវ ចេះគិត…
បច្ច័យដែលនាំឱ្យកើតផ្លូវនៃគំនិតដ៏ត្រឹមត្រូវ និងប្រភពនៃសេចក្ដីល្អទាំងពួងមានពីរចំណុចគឺៈ
១-ការទទួលស្ដាប់ពាក្យណែនាំប្រៀនប្រដៅរៀនសូត្រយកចំណេះដឹង សន្ទនាសាកសួរ ស្ដាប់ពាក្យពោលប្រាប់អំពីអ្នកប្រាជ្ញទាំងឡាយ ជាពិសេសការស្ដាប់ព្រះសទ្ធម្មអំពីសំណាក់លោកអ្នកដែលជាពហុស្សូត នឹងនាំឱ្យទទួលបាននូវផ្លូវប្រតិបត្តិដ៏ត្រឹមត្រូវនៃដំណើរជីវិត ។
២-ការប្រើគំនិតដ៏ត្រឹមត្រូវ ចេះគិត គឺធ្វើទុកក្នុងចិត្តដោយឧបាយត្រឹមត្រូវទៅតាមហេតុផលមើលអ្វីៗទាំងឡាយដោយពិនិត្យពិចារណារកហេតុផល វែកញែករឿងនោះៗ ឬបញ្ហានោះៗឱ្យឃើញតាមសភាវៈពិត ។
គោលការណ៍ទាំង២ចំណុចនេះជាអង្គប្រកបដោយចំណេះដឹង និងជាប្រភពនៃសេចក្តីល្អដ៏ចម្បង ព្រោះជាបច្ច័យឱ្យកើតសម្មាទិដ្ឋិ ការយល់ត្រូវតាមផ្លូវសុចរិត ៕ សាន សារិន
ចែករំលែកព័តមាននេះ