កូវីដ ៖ គ្រូបង្រៀនភាសាខ្មែរដល់ជនបរទេសរកចំណូលមិនសូវបាន
- ភ្នំពេញ
រាជធានីភ្នំពេញ ៖ កញ្ញា ឈិន ណាវី បានអង្គុយជជែកជាមួយបុរសជនជាតិបរទេសម្នាក់នៅក្នុងហាងកាហ្វេមួយកន្លែងនៅភ្នំពេញ ។ គាត់និយាយពីនេះ ពីនោះ ជាភាសាខ្មែរមួយៗ។…
រាជធានីភ្នំពេញ ៖ កញ្ញា ឈិន ណាវី បានអង្គុយជជែកជាមួយបុរសជនជាតិបរទេសម្នាក់នៅក្នុងហាងកាហ្វេមួយកន្លែងនៅភ្នំពេញ ។ គាត់និយាយពីនេះ ពីនោះ ជាភាសាខ្មែរមួយៗ។ ជនបរទេសបាននិយាយតាមគាត់ ជួនការកិច្ចសន្ទនាបានប្តូរទៅជាភាសាអង់គ្លេស ហើយបានប្តូរមកជាភាសាខ្មែរវិញ ។ ស្តាប់មួយភ្លែតកិច្ចសន្ទនារវាងនារីខ្មែរវ័យក្មេង និងជនបរទេសនេះហាក់ជាការនិយាយពីការងារ តាមពិតនោះជាការបង្រៀនសោះ ។ កញ្ញា ឈិន ណាវី កំពុងបង្រៀនភាសាខ្មែរដល់ជនបរទេស ។
ណាវី ដែលជាកូនកសិករមកពីខេត្តកំពង់ចាម បានផ្តើមអាជីពបង្រៀនភាសាខ្មែរដល់បរទេសនេះប្រមាណជា ៥ឆ្នាំមកហើយ ។ ដើមឡើយគាត់មានកូនសិស្សច្រើន ប៉ុន្តែចាប់ពីផ្ទុះកូវីដ ១៩ មក ចំនួនបង្រៀនរបស់គាត់បានធ្លាក់ចុះ ដោយសារការចូលមកកម្ពុជារបស់ជនបរទេសមិនសូវមាន ។ កូនសិស្សដែលគាត់បង្រៀនពេលនេះ ជាកូនសិស្សចាស់ដែលពួកគេបានចូលមកកម្ពុជាតាំងពីពេលមិនទាន់មានផ្ទុះកូវីដ ១៩ មកម្លេះ ។
«បច្ចុប្បន្នខ្ញុំនៅមានសិស្សបង្រៀនផ្ទាល់តែពីរនាក់ទេ ហើយនឹងការបង្រៀនតាមអនឡាញបីបួននាក់ទៀត ។ ការបង្រៀនរបស់ខ្ញុំបានធ្លាក់ចុះ ដូច្នះចំណូលរបស់ខ្ញុំក៍ធ្លាក់ចុះ» ។ ណាវី បានបន្ថែមថា ពិតណាស់បើកូវីដ ១៩ អូសបន្លាយយូរទៅមុខទៀត អាជីពរបស់ខ្ញុំប្រាកដជាបញ្ហា ។
ជនជាតិបរទេសដែលរៀនភាសាខ្មែរជាមួយអ្នកគ្រូ ណាវី មានច្រើនជាតិសាសនា អាមេរិក បារាំង អង់គ្លេស កាណាដា សឹង្ហបុរី និងមានជាតិសាសអាស៊ី អឺរ៉ុបផ្សេងទៀត ។ ជនជាតិបរទេសដែលរៀនភាសាខ្មែរ ជាអ្នកត្រូវមកការធ្វើការនៅកម្ពុជា ឬជាអ្នកជំនួញ ហើយក៍អ្នកខ្មានលះបំណងចង់រៀបការជាមួយស្ត្រី ឬបុរសខ្មែរ ។
អ្នកគ្រូ ឈិន ណាវី អាចបង្រៀនសាភាខ្មែរទៅជនបរទេសបាន គឺគាត់ត្រូវចេះភាសាអង់គ្លេស និងភាសាខ្មែរជ្រៅជ្រះ ។ គាត់បានបញ្ចប់បរិញ្ញាបត្រអក្សរសាស្ត្រខ្មែរ ពីសកលវិទ្យាល័យភូមិន្ទភ្នំពេញ ។ ក្រៅពីនោះគាត់ត្រូវសិក្សាស្វែងយល់ពីប្រពៃណី ទំនៀមទម្លាប់ខ្មែរ និងសកម្មភាពប្រចាំថ្ងៃរបស់ពលរដ្ឋខ្មែរផង ។ ព្រោះថា នៅពេលបង្រៀនជនបរទេស កូនសិស្សរបស់គាត់មិនត្រឹមតែចង់ចេះភាសាខ្មែរនោះទេ ពួកគេបានសួរនាំពីសកម្មភាពរស់នៅប្រចាំថ្ងៃរបស់ពលរដ្ឋខ្មែរផងដែរ ។
តម្លៃបង្រៀនអ្នកគ្រូ ឈិន ណាវី គិតម៉ោង ។ មួយម៉ោងថ្លៃ ១០ដុល្លារ ។ ជាទៅកូនសិស្សរបស់គាត់ត្រូវការរៀនពី ១០ម៉ោងទៅ ៣០ម៉ោង ឬលើសពីនេះ ទៅតាមគោលបំណងការប្រើប្រាស់ភាសាខ្មែររបស់គេ ។ «បើគាត់គ្រាន់តែចង់ស្កាត់ភាសាខ្មែរ ពាក្យសាមញ្ញៗ គឺត្រឹមតែ ១០ម៉ោងពួកគាត់អាចស្តាប់បាននិយាយបាន ប៉ុន្តែបើគាត់ចង់សរសេរគឺត្រូវពេល ៣០ម៉ោងឡើងទៅ» ណាវី ឲ្យដឹង ។ ក្រៅពីណាវី នៅមានគ្រូជាច្រើនទៀតដែលបើកបង្រៀនបរទេសពីភាសាខ្មែរនេះ ចំណែកស្ថាប័នរបស់ជាតិ មានវិទ្យាស្ថានភាសាបរទេស និងរាជបណ្ឌិត្យសភាកម្ពុជា ក៍មានបង្រៀនភាសាខ្មែរដល់ជនបរទេសនោះដែរ ៕
ចែករំលែកព័តមាននេះ