ខេត្តកំពត ៖ តាមប្រភពពីសមត្ថកិច្ចចរាចរខេត្តបានឲ្យដឹងថា មានករណីបុរសម្នាក់បានបើករថយន្តមួយគ្រឿងម៉ាកឡិចស៊ីស RX300 ធ្វើដំណើរតាមផ្លូវសុខៗ មិនដឹងជាមានមូលហេតុអ្វីនោះទេ ស្រាប់តែរថយន្តនោះក្រឡាប់ដោយខ្លួនឯង បណ្តាលឲ្យកៀបជាប់អ្នកបើកបរនៅក្នុងកាប៊ីន បង្កឲ្យមានការភ្ញាក់ផ្អើលដល់ប្រជាពលរដ្ឋនាំគ្នារត់មកជួយអន្តរាគមន៍គាស់យកជនរងគ្រោះចេញពីក្នុងរថយន្តដែរ ប៉ុន្តែជាអកុសល ជនរងគ្រោះបានបាត់បង់ជីវិតនៅក្នុងកាប៊ីនរថយន្តយ៉ាងអាណោចអាធ័មទៅហើយ។
ហេតុការណ៍ខាងលើនេះបានបង្កការភ្ញាក់ផ្អើលកើតឡើងកាលពីរវេលាម៉ោង២និង៤៥នាទីសៀលថ្ងៃទី២ ខែមីនា ឆ្នាំ២០២១ ស្ថិតនៅចំណុចភូមិមនោណុប ឃុំជំម្ពូវន្ត័ ស្រុកជុំគិរី ខេត្តកំពត ។
ជនរងគ្រោះឈ្មោះ មូល តុលា ភេទប្រុស អាយុ32ឆ្នាំ រស់នៅភូមិដំរីកូន ឃុំជំពូវន្ត ស្រុកជុំគិរី ខេត្តកំពត ជាអ្នកបើកបររថយន្តមួយគ្រឿងម៉ាកឡិចស៊ីស RX៣០០ ពណ៍ខ្មៅ ពាក់
ផ្លាកលេខ កំពត ២B-៩២៩៧ ។
ក្រោយពេលកើតហេតុ បន្ទាប់ពីសមត្ថកិច្ចបានចុះមកធ្វើការពិនិត្យស.ពជនរងគ្រោះ និងវាស់វែងនៅកន្លែងកើតហេតុរួច កំលាំងជំនាញបានប្រគល់ស.ពទៅអោយគ្រួសារសាច់ញាតិយកទៅធ្វើបុណ្យតាមប្រពៃណី ៕
ចែករំលែកព័តមាននេះ