ខេត្តបន្ទាយមានជ័យ ៖ យុវជនម្នាក់វិលត្រឡប់ពីផ្សាររុងក្លឿទឹកដីថៃតាមច្រករបៀងក្នុងភូមិសាស្ត្រភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ត្រូវបានកម្លាំងចម្រុះជួរមុខ រួមមាននគរបាលការពារព្រំដែនគោកលេខ៩១១និងកម្លាំងយោធាកងពលតូចលេខ៥១ ធ្វើការឃាត់បញ្ជូនទៅធ្វើចត្តាឡីស័កកាលពីព្រលប់ថ្ងៃទី២ មីនា ២០២១។
យុវជនខាងនេះឈ្មោះយាន សូរិយ៉ាន់ អាយុ១៨ឆ្នាំ ជាកម្មករធ្វើការនៅផ្សាររុងក្លឿទឹកដីថៃនិងមានទីលំនៅភូមិប៉ោយប៉ែត សង្កាត់ប៉ោយប៉ែត។
លោកវរសេនីយ៍ត្រីរ ស់ ពិសិដ្ឋ នាយប៉ុស្តិ៍បឹងសាគូនៃនគរបាលការពារព្រំដែនគោកលេខ៩១១ បានប្រាប់កោះសន្តិភាពឱ្យដឹងថា យោងតាមការសាកសួរយុវជនខាងលើប្រាប់ថាខ្លួនជាកម្មករធ្វើការនៅផ្សាររុងក្លឿ និងទើបវិលត្រឡប់មកផ្ទះ។
ក្រោយសាកសួររួច យុវជនខាងនេះត្រូវបានសមត្ថកិច្ចបញ្ជូនតាមរថយន្តយោធាទៅកាន់សាលាបឋមសិក្សាព្រហ្មនិមិត្តដើម្បីដាក់ឲ្យធ្វើចត្តាឡីស័ករយៈពេល១៤ថ្ងៃតាមវិធានការរបស់ក្រសួងសុខាភិបាល៕
ចែករំលែកព័តមាននេះ