រាជធានីភ្នំពេញ ៖ រថយន្តព្រូសមួយគ្រឿងបើកបុកម៉ូតូ បណ្តាលឱ្យមនុស្សរងរបួសធ្ងន់ តែរថយន្តបង្ក មិនបានឈប់នោះទេ បែរព្យាយាមបើករត់គេចពីកន្លែងកើតហេតុ តែត្រូវបានប្រជាពលរដ្ឋនាំគ្នាដេញស្ទាក់ឃាត់រហូតដល់ផ្ទះ បង្កអោយមានការភ្ញាក់ផ្អើលដល់សមត្ថកិច្ចដែរ កាលពីវេលាម៉ោង១០និង៥៥នាទីយប់ថ្ងៃទី១…
រាជធានីភ្នំពេញ ៖ រថយន្តព្រូសមួយគ្រឿងបើកបុកម៉ូតូ បណ្តាលឱ្យមនុស្សរងរបួសធ្ងន់ តែរថយន្តបង្ក មិនបានឈប់នោះទេ បែរព្យាយាមបើករត់គេចពីកន្លែងកើតហេតុ តែត្រូវបានប្រជាពលរដ្ឋនាំគ្នាដេញស្ទាក់ឃាត់រហូតដល់ផ្ទះ បង្កអោយមានការភ្ញាក់ផ្អើលដល់សមត្ថកិច្ចដែរ កាលពីវេលាម៉ោង១០និង៥៥នាទីយប់ថ្ងៃទី១ ខែ មីនា ឆ្នាំ២០២១ នៅតាមបណ្ដោយផ្លូវជាតិលេខ៤ ភូមិអង្គកែវ សង្កាត់ចោមចៅទី៣ ខណ្ឌពោធិ៍សែនជ័យ ។
រថយន្តបង្កម៉ាកតូយ៉ូតាព្រូស ពណ៌ឈាមជ្រូក បើកបរក្នុងទិសដៅពីកើតទៅលិចហើយបត់ឆ្លងផ្លូវពីជើងទៅត្បូង ក្នុងគោលបំណងត្រឡប់ចូលផ្ទះនៅក្នុងបុរីសែនមនោរម្យ។ ចំណែកម៉ូតូរងគ្រោះម៉ាកហុងដាឌ្រីម ស៊េរី២០១៧ ពណ៌ខ្មៅ ពាក់ស្លាកលេខភ្នំពេញ1GM-9149 បើកបរក្នុងទិសដៅពីលិចទៅកើតក្នុងក្នុងល្បឿនមធ្យម រងរបួសធ្ងន់ត្រូវបានឯកសម្ភពស័ង្គម៉ារីដឹកយកទៅសង្គ្រោះភ្លាមៗ។
តាមប្រភពព័ត៌មានពីប្រជាពលរដ្ឋម្នាក់មិនបញ្ចេញឈ្មោះបាននិយាយប្រាប់ថា នៅមុនពេលកើតហេតុ គាត់បានឃើញជនរងគ្រោះជិះម៉ូតូម្នាក់ឯងម៉ាកហុងដាឌ្រីម ស៊េរី២០១៧ពណ៌ខ្មៅ ទិសដៅពីលិចទៅកើតក្នុងល្បឿនមធ្យម ។ លុះមកដល់ចំណុចកើតហេតុ ត្រង់ខ្លោងទ្វារបុរីសែនមនោរម្យ ស្រាប់តែមានរថយន្តបង្កម៉ាកតូយ៉ូតាប្រូសមួយគ្រឿងបើកបរក្នុងទិសដៅពីកើតទៅលិចក្នុងល្បឿនលឿនហើយបានបត់ឆ្លងផ្លូវពីជើងទៅត្បូងក្នុងគោលបំណងត្រឡប់ចូលផ្ទះនៅក្នុងបុរីសែនមនោរម្យ ។
ភ្លាមៗនោះ រថយន្តបង្កក៏ទៅបុកម៉ូតូជនរងគ្រោះពេញទំហឹងបណ្ដាលឲ្យដួលបោកទៅនឹងផ្លូវរងរបួសធ្ងន់ ភ្លាមៗនោះជនរងគ្រោះត្រូវបានខាងរថយន្តឯកជនស័ង្គម៉ារីដឹកយកទៅសង្គ្រោះភ្លាមៗ ចំណែករថយន្តបង្កខណៈពេលបុកជនរងគ្រោះហើយបានព្យាយាមបើករត់គេចខ្លួនពីកន្លែងកើតហេតុ ត្រូវបានប្រជាពលរដ្ឋនាំគ្នាជិះម៉ូតូដេញតាមពីក្រោយរហូតដល់ផ្ទះ ម្ចាស់រថយន្តបង្កបានបើករថយន្តចូលទៅក្នុងផ្ទះហើយបានបិទទ្វារជិតដោយមិនព្រមចេញមកដោះស្រាយទេ ។
បន្ទាប់មក មានកំលាំងសមត្ថកិច្ចនគរបាលប៉ុស្តិ៍កំបូលបានចុះទៅដល់កន្លែងកើតហេតុ តែខុសគោលដៅបានទាក់ទងទៅខាងសមត្ថកិច្ចខណ្ឌពោធិ៍សែនជ័យវិញ ។ ភ្លាមៗនោះដែរ កំលាំងសមត្ថកិច្ចនគរបាលប៉ុស្តិ៍ចោមចៅទី៣បានចុះទៅដល់ផ្ទះរថយន្តបង្កបានទាក់ទងទៅម្ចាស់រថយន្តបង្កដែរតែម្ចាស់រថយន្តព្រមចេញមកដោះស្រាយគ្នាជាមួយជនរងគ្រោះឡើយ។ ក្រោយពេលកើតហេតុសមត្ថកិច្ចនគរបាលប៉ុស្តិ៍ចោមចៅទី៣បានអោយជនរងគ្រោះត្រឡប់ទៅផ្ទះវិញសិនចាំព្រឹកឡើងមកដាក់ពាក្យបណ្ដឹងនៅប៉ុស្តិ៍រដ្ឋបាលចោមចៅទី៣បន្ត ៕
ចែករំលែកព័តមាននេះ