ចិន ៖ យោងតាមប្រភពពី Global Times របស់ចិនបានឱ្យដឹងថា នារីជនជាតិចិនម្នាក់បានត្រឹមខកចិត្តយ៉ាងខ្លាំង បន្ទាប់ពីចំណាយប្រាក់១,៥០០ដុល្លារ ដើម្បីបញ្ជាទិញទូរស័ព្ទ iPhone…
ចិន ៖ យោងតាមប្រភពពី Global Times របស់ចិនបានឱ្យដឹងថា នារីជនជាតិចិនម្នាក់បានត្រឹមខកចិត្តយ៉ាងខ្លាំង បន្ទាប់ពីចំណាយប្រាក់១,៥០០ដុល្លារ ដើម្បីបញ្ជាទិញទូរស័ព្ទ iPhone ស៊េរីចុងក្រោយបង្អស់ ប៉ុន្តែបែរជាទទួលបានត្រឹមទឹកដោះគោជូររសជាតិផ្លែប៉ោម១ប្រអប់ទៅវិញ។
នារីរងគ្រោះមានឈ្មោះថា Liu មកពីខេត្តអានហួយ (Anhui) ភាគខាងកើតប្រទេសចិន បានរៀបរាប់ក្នុងវីដេអូមួយតាមរយៈបណ្តាញសង្គម Weibo ថានាងបានចំណាយប្រាក់១០,០៩៩យ័ន ប្រមាណជាង១,៥០០ដុល្លារ ដើម្បីបញ្ជាទិញទូរស័ព្ទ iPhone 12 Pro Max (256GB) ពីគេហទំព័រផ្លូវការរបស់ក្រុមហ៊ុន Apple កាលពីថ្ងៃទី១៦ ខែកុម្ភៈ ឆ្នាំ២០២១ កន្លងទៅ។ ប៉ុន្តែពេលកញ្ចប់បញ្ជាទិញផ្ញើមកដល់ អ្វីៗបានត្រឹមខកចិត្តតែប៉ុណ្ណោះ។
ជុំវិញបញ្ហានេះ ប៉ូលីសក្នុងតំបន់កំពុងស៊ើបអង្កេតដោយចាត់ទុកវាជាករណី «ចោរកម្ម»។ ហើយជាបឋមប៉ូលិសសង្ស័យថា កញ្ចប់នោះអាចត្រូវបានប្តូរដោយជនល្មើស បន្ទាប់ពីបញ្ជូនចេញពីឃ្លាំងក្រុមហ៊ុន Apple ។ ហើយក្នុងនោះក្រុមហ៊ុន Apple ក៏ដូចជាក្រុមហ៊ុនដឹកជញ្ជូនក៏កំពុងសហការជាមួយសមត្ថកិច្ចផងដែរ៕
ចែករំលែកព័តមាននេះ