កត្តាដ៏ធំជម្រុញឱ្យអ្នកចាត់ការ១រូបចង់បន្តដឹកនាំ Everton បានយូរ
អង់គ្លេស ៖ លោក Carlo Ancelotti អ្នកចាត់ការក្រុមស្ករគ្រាប់ Everton បានបង្ហាញក្តីសង្ឃឹមបន្តដឹកនាំក្នុងក្របខណ្ឌ Premier League…
អង់គ្លេស ៖ លោក Carlo Ancelotti អ្នកចាត់ការក្រុមស្ករគ្រាប់ Everton បានបង្ហាញក្តីសង្ឃឹមបន្តដឹកនាំក្នុងក្របខណ្ឌ Premier League ឱ្យបានយូរបំផុតតាមដែលអាចធ្វើទៅបាន ហើយលោកចង់ឃើញក្រុមមួយនេះ លេងក្នុងកីឡដ្ឋានថ្មីរបស់ខ្លួនសម្រាប់រដូវកាល ២០២៤-២៥។
ពាក្យស្នើសុំរៀបចំគំរោងសាងសង់កីឡដ្ឋានថ្មីមានឈ្មោះថា Bramley-Moore Dock ដែលមានសមត្ថភាពផ្ទុកអ្នកទស្សនារហូតដល់៥២,៨៨៨នាក់ ត្រូវបានអនុម័តជាឯកច្ឆ័ន្ទដោយក្រុមប្រឹក្សាប្រចាំទីក្រុងលីវ៉ឺភូល (Liverpool) កាលពីថ្ងៃទី២៣ ខែកុម្ភៈ ឆ្នាំ២០២១ កន្លងទៅ។
តាមគម្រោងកីឡដ្ឋានថ្មីនេះ នឹងត្រូវចំណាយប្រាក់ប្រមាណ៥០០លានផោន (ជិត ៧០០លានដុល្លារអាមេរិក) លើការសាងសង់ ហើយវនឹងត្រៀមដាក់ដំណើរការសម្រាប់រដូវកាល ២០២៤-២៥ ខាងមុខ។
លោក Ancelotti បាននិយាយថា «ពេលវេលាដែលខ្ញុំចំណាយនៅទីនេះគឺមួយឆ្នាំ ហើយខ្ញុំពិតជាមានអារម្មណ៍ល្អ ដូច្នេះខ្ញុំចង់ស្នាក់នៅបន្តឱ្យបានយូរតាមដែលអាចធ្វើទៅបាន។ ខ្ញុំចង់នៅទីនោះនៅពេលកីឡដ្ឋានថ្មីបើកដំណើរ។ វានឹងជាសមិទ្ធិផលដ៏ល្អសម្រាប់ខ្ញុំ។ ដើម្បីបញ្ចប់កិច្ចសន្យានៅទីនេះក្នុងឆ្នាំ ២០២៤។ វាមានន័យថាបើអ្នកធ្វើបានល្អកិច្ចសន្យានឹងមិនត្រូវបញ្ឈប់នៅឆ្នាំ២០២៤ នោះទេ»៕ (ដកស្រង់ចេញពី Reuters)
ចែករំលែកព័តមាននេះ