ខេត្តបន្ទាយមានជ័យ ៖ ពលរដ្ឋទីទ័លក្រចំនួន៣គ្រួសារនៅភូមិក្បាលស្ពាន១ សង្កាត់និងក្រុងប៉ោយប៉ែត កាលពីថ្ងៃទី២៥ កុម្ភៈ២០២១ បានទទួលអំណោយជាគ្រឿងឧបភោគ និងបរិភោគពីលោកអនុសេនីយ៍ឯក យីវ វីរ៉ា…
ខេត្តបន្ទាយមានជ័យ ៖ ពលរដ្ឋទីទ័លក្រចំនួន៣គ្រួសារនៅភូមិក្បាលស្ពាន១ សង្កាត់និងក្រុងប៉ោយប៉ែត កាលពីថ្ងៃទី២៥ កុម្ភៈ២០២១ បានទទួលអំណោយជាគ្រឿងឧបភោគ និងបរិភោគពីលោកអនុសេនីយ៍ឯក យីវ វីរ៉ា នាយប៉ុស្តិអូរជ្រៅនៃនគរបាលការពារព្រំដែនគោកលេខ៨៩១ និងភរិយា , លោកវរសេនីយ៍ឯកសៅ សារឿន អធិការនគរបាលក្រុងប៉ោយប៉ែត និងភរិយា តាមរយៈភ្នាក់ងារកោះសន្តិភាព ។ សូមរំលឹកថា ៖ រស់ក្រោមមេឃតែមួយ តែវាសនាមនុស្សមិនអាចសំណាងដូចគ្នាទេ
គ្រួសារទីទ័លក្រទាំង៣ខាងលើ គ្រួសារទី១-ឈ្មោះអាង ភឿន ភេទស្រី អាយុ៦១ឆ្នាំមានកូនប្រុសម្នាក់ មានសតិមិនគ្រប់អាយុ៣០ឆ្នាំ, គ្រួសារទី២-ស្ត្រីមេម៉ាយឈ្មោះទិត្យណាវី អាយុ៣៩ឆ្នាំ មានកូនស្រីម្នាក់អាយុ១៣ឆ្នាំ និងគ្រួសាទី៣-ប្តីឈ្មោះថោង គឹមវេងអាយុ៤៤ឆ្នាំ ប្រពន្ធឈ្មោះចូច គង់ អាយុ៤៥ឆ្នាំ មានកូនប្រុសស្រីក្នុងបន្ទុករហូត៧នាក់។
គ្រួសារទាំង៣ខាងលើ ទទួលបានអំណោយស្មើៗគ្នារួមមានអង្ក១ការ៉ុង ស្មើនិង៥០គីឡូ ក្រាម,មី១កេស,ទឹកត្រី១យួរ,ទឹកស៊ីអ៊ីវ១យួរ,ទឹកសុទ្ធ១យួរ,ត្រីខ១យួរ,ស្ករស១គីឡូក្រាម,ប៊ីចេង១គីឡូក្រាម,ខ្ទឹម១គីឡូក្រាម,អំបិល១គីឡូក្រាម,សាប៊ូលាងចាន១ដបធំ,សាប៊ូម្សៅ១គីឡូក្រាម,សាប៊ូ១ដុំ,ទឹកក្រូច១យួរដោយឡែកគ្រួសាទី២ទទួលថវិការបន្ថែម៨ម៉ឺនរៀលព្រោះត្រូវការយកទៅធ្វើដើមទុនទិញនំគេដើរទូលលក់ចិញ្ចឹមកូនស្រីឲ្យបានរៀននិងគេ។
គួរបញ្ជាក់ថា គ្រួសារទាំង៣នេះ សុទ្ធតែជាអ្នកទីទ័លក្រ ដោយ២គ្រួសាររស់អាស្រ័យរើសអេតចាយលក់ និង១គ្រួសាទៀតរស់អាស្រ័យទូលនំលក់ហើយអះអាងថា គ្រួសារពួកគាត់រស់នៅក្នុងភូមិកើតហេតុយូរហើយ តែគ្មានប័ណ្ណក្រីក្រទេ ៕
ចែករំលែកព័តមាននេះ